ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଥାନା ଅଧୀନ କୁମ୍ଭାର ସାହି ନିକଟରେ ଗୋଟିଏ ତେନ୍ତୁଳି ଗଛରୁ ଯୁବଙ୍କଙ୍କ ମୃତ ଦେହ ଉଦ୍ଧାର । ସ୍ତାନୀୟ ଲୋକେ ଜଣେ ବ୍ୟକ୍ତିଙ୍କୁ ଗଛରେ ମୃତ ଅବସ୍ଥାରେ ଦେଖି ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ୍ ଏବଂ ଅଗ୍ନିଶମ ବାହିନୀ ପହଁଚି ମୃତଦେହ ଉଦ୍ଧାର କରିଛି । ମୃତ ବ୍ୟକ୍ତି ଜଣଙ୍କ ହେଉଛନ୍ତି ତାମନାଡ଼ ଗ୍ରାମର କୃଷ୍ଣ ନାୟକ । ଜଗନ୍ନାଥ ପ୍ରସାଦ ଗ୍ରାମର କୁମ୍ଭାର ସାହିରେ ରହୁଥିବା ନିଜ ଶଶୁର ଘର ଗାଁର ସ୍ବର୍ଗତ ରାମ ନାୟକଙ୍କ ବାରିପଟେ ଥିବା ଗୋଟିଏ ତେନ୍ତୁଳି ଗଛରେ ଏକ ଗାମୁଛା ସାହାଯ୍ୟରେ ମୃତ୍ୟୁବରଣ କରିଥଲେ । କୃଷ୍ଣ ନାୟକ କାହିଁକି ଓ କଣ ପାଇଁ ଏପରି ନିଷ୍ପତ୍ତି ନେଇଛନ୍ତି ତାର କାରଣ ବର୍ତ୍ତମାନ ଯାଏଁ ଅସ୍ପଷ୍ଟ ରହିଛି । ତେବେ ବର୍ତ୍ତମାନ ସୁଦ୍ଧା ଏହାର ସଠିକ୍ କାରଣ ଜଣାପଡିନଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟରୁ ମିଳିବ ସମ୍ପୂର୍ଣ୍ଣ ତଥ୍ୟ ।