Month: January 2024

ଟେଲାପାଲି ଗ୍ରାମ ନିକଟରେ ଦେଖିବାକୁ ମିଳିଛି ଏକ ବିରଳ ପ୍ରଜାତିର ପକ୍ଷୀ

()କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଡିଣ୍ଡିରାଗାଁ ଗ୍ରାମ ପଂଚାୟତ ଅଧିନସ୍ଥ ଟେଲାପାଲି ଗ୍ରାମର ନଦୀରୁ ଏକ ବିରଳ ପ୍ରଜାତିର ଶାଗୁଣା ଉଦ୍ଧାର ହୋଇଛି । ଟେଲାପାଲି ଗ୍ରାମର ୪ଜଣ ଯୁବକ ସୁନୀଲ ରଣା, ବିକାଶ ରଣା, ସିକୁ ରଣା ଏବଂ ନୀଳକଣ୍ଠ ରଣା ଆଜି ସକାଳୁ ଶୌଚ ହେବାପାଇଁ ନଦୀକୁ ଯାଇଥିଲେ । ସେଠାରେ ଥିବା ଏକ ନାଳରେ ଏକ ବିରଳ ପ୍ରଜାତିର ପକ୍ଷୀଟିଏ ବସିଥିବା ଦେଖି ପ୍ରଥମେ ଭୟଭୀତ ହୋଇ ଯାଇଥିଲେ । ପରେ ତାକୁ ଉଦ୍ଧାର କରି ଫିରିଙ୍ଗିଆ ଫରେଷ୍ଟର ପ୍ରବୀଣ ଦାସଙ୍କୁ ଘଟଣା ସମ୍ୱନ୍ଧରେ ଜଣେଇଥିଲେ । ଖବର ପାଇ ଫିରିଙ୍ଗିଆ ଫରେଷ୍ଟର ଟେଲାପାଲି ଗ୍ରାମରେ ପହଂଚିଥିଲେ । ପରେ ଫିରିଙ୍ଗିଆ ବନାଞ୍ଚଳ ଅଧିକାରୀ ରବିନ୍ଦ୍ର ପାତ୍ର ମଧ୍ୟ ଟେଲାପାଲି ଗ୍ରାମରେ ପହଂଚି ସୁରକ୍ଷିତ ଭାବେ ଫୁଲବାଣୀକୁ ନେଇଯାଇଥିଲେ । ଉଭୟ ବନାଞ୍ଚଳ ଅଧିକାରୀ ଓ ଫରେଷ୍ଟରଙ୍କ କହିବା ପ୍ରକାରେ ଉଦ୍ଧାର ହୋଇଥିବା ପକ୍ଷୀର ମୁଣ୍ଡରେ ଆଘାତ ରହିଛି ତେଣୁ ତାକୁ ମେଡିକାଲକୁ ନେଇ ଚିକିତ୍ସା କରିବା ପରେ ସେ ସୁସ୍ଥ ଥିବା କହିଛନ୍ତି।
ବଲାଙ୍ଗିର ଲୋକଙ୍କ ଦୁଖ ବୁଝିଲେ ରାଜ୍ଯପାଳ , ଦେଲେ ଉତ୍ତମ ପରାମର୍ଶ

ଦିନିକିଆ ବଲାଙ୍ଗୀର ଗ୍ରସ୍ତ ରେ ରହିଥିଲେ ଓଡ଼ିଶାର ମହାମହିମ ରାଜ୍ୟପାଳ ଶ୍ରୀ ରଘୁବର ଦାସ ।ଗତକାଲି ପୂର୍ବାହ୍ନରେ ନୂଆପଡ଼ା ଜିଲାରୁ ଆସି ଝିଲିଆଲିଟି ଅଙ୍ଗନୱାଡି କେନ୍ଦ୍ର ରେ ପହଞ୍ଚି ଶିଶୁମାନଙ୍କ ସହ ସମୟ ବିତେଇଥିଲେ । କୁପୋଷଣଠାରୁ ଶିଶୁ ମାନଙ୍କଠାରୁ ଦୁରେଇ ରଖିବାକୁ ଅଭିଭାବକ ମାନଙ୍କୁ ପରାମର୍ଶ ଦେଇଥିଲେ । ଶିଶୁ ମାନଙ୍କୁ ନେଇ ଚାଲୁଥିବା ବିଭିନ୍ନ ଯୋଜନା ସମ୍ପର୍କରେ ଧ୍ୟାନ ଦେବାକୁ ମଧ୍ୟ କହିଥିଲେ । ଏହା ପରେ ଫୁଲକିମୁଣ୍ଡା ପଂଚାୟତ ଉଚ୍ଚ ବିଦ୍ୟାଳୟ ରେ ଛାତ୍ର ଛାତ୍ରୀଙ୍କୁ ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଙ୍କ ଉଦାହରଣ ତଥା ରାଷ୍ଟ୍ରୀୟ ଶିକ୍ଷାନୀତି ବିଷୟରେ ଉଦ୍ବୋଧନ ଦେଇଥିଲେ । ପରେ ମିଶନ ଶକ୍ତି ମହିଳାମାନଙ୍କୁ ଭେଟି ଶାଢୀ ର ପ୍ରଚାରପ୍ରସାର ସହ ଉଚ୍ଚକୋଟିର ଡିଜାଇନ ଦ୍ୱାରା ଲୋକଙ୍କ ପାଖରେ ପହଞ୍ଚେଇବାକୁ ପରାମର୍ଶ ଦେଇଥିଲେ ।

ଏହା ପରେ ଖପ୍ରାଖୋଲର ଗୋଷ୍ଠି ସ୍ବାସ୍ଥ୍ୟ କେନ୍ଦ୍ର ପରିଦର୍ଶନ କରିଥିଲେ ।ବ୍ୟବହାର ଭଲ କଲେ ଜଣେ ରୋଗୀ ସକାରାତ୍ମକ ଚିନ୍ତାଧାରା ବୃଦ୍ଧି ହେବ ସହ ରୋଗ ର ପ୍ରଭାବ କମିଥାଏ ବୋଲି ଉପସ୍ଥିତ ଡାକ୍ତର ମାନଙ୍କୁ ଜଣେଇଥିଲେ । ମଧ୍ୟାନ ଭୋଜନ ପୂର୍ବରୁ ସେ ହରିଶଙ୍କର ମନ୍ଦିର ଯାଇ ପୂଜାର୍ଚ୍ଚନା କରିଥିଲେ । ଏହା ପରେ ଉଳବା ପ୍ରଧାନ ମନ୍ତ୍ରୀ ଗ୍ରାମୀଣ ଆବାସ ଯୋଜନା ରେ ଘର ପାଇଥିବା ହିତାଧିକାରୀଙ୍କ ଘର ବୁଲି ଦେଖିଥିଲେ । ପରେ ବିଭିନ୍ନ ଲୋକଙ୍କ ସମସ୍ୟା ବିଷୟରେ ଆଲୋଚନା କରିଥିଲେ ।
ଘସିପୁରା ବ୍ଲକ ଖଲଣା ସ୍ଥିତ ସେଣ୍ଟ ଇଣ୍ଟରନ୍ୟାସନାଲ୍ ସ୍କୁଲର ବାର୍ଷିକ ଉତ୍ସବ ଅନୁଷ୍ଠିତ

()କେନ୍ଦୁଝର ଜିଲ୍ଲାର ଘସିପୁରା ବ୍ଲକ ଖଲଣା ସ୍ଥିତ ସେଣ୍ଟ ଇଣ୍ଟରନେସନାଲ ସ୍କୁଲର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ସଭାପତି ବିପିନୀ ବିହାରୀ ମାଝୀଙ୍କ ସଭାପତିତ୍ୱରେ ଆୟୋଜିତ ବାର୍ଷିକ ଉତ୍ସବରେ ମୁଖ୍ୟଅତିଥି ଭାବେ ସାଇଁକୁଳ ପତିତପାବନ ମହାବିଦ୍ୟାଳୟର ଓଏସ୍‌ଡି ରାଜେନ୍ଦ୍ର କୁମାର ରାଉତ, ସମାଜସେବୀ ଅନନ୍ତ ଚରଣ ସ୍ବାଇଁ, ସମ୍ମାନୀତ ଅତିଥ୍‌ ଭାବେ ହରିହର ବେହେରା, ଶିକ୍ଷାବିତଶ୍ୟାମସୁନ୍ଦର ନାୟକ, ମୁଖ୍ୟବକ୍ତା ଭାବେ ସୁଆଁପଦା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ପିକେ ମହାପାତ୍ର ପ୍ରମୁଖ ଯୋଗଦେଇଥିଲେ । ଅଧକ୍ଷା ତରୁଲତା ପତି ଏବଂ ସମ୍ପାଦକ ସରୋଜକୁମାର ନାୟକଙ୍କ ପ୍ରତେକ୍ଷ ତତ୍ତ୍ୱାବଧାନରେ ଶିକ୍ଷକ ସୁକାନ୍ତ ଦେହୁରୀ, ଉର୍ବଶୀ ବିଶ୍ଵାଳ, ମନୋରମା ସାହୁ, ବିକାଶକୁମାର ଜେନା, ବେଣୁଧର ଜେନା, ” ବିଷ୍ଣୁପ୍ରିୟା ପଟ୍ଟନାୟକ, କାହ୍ନୁଚରଣ ଜେନା ପ୍ରମୁଖ ଉତ୍ସବ ପରିଚାଳନାରେ ସକ୍ରିୟ ସହଯୋଗ କରିଥିଲେ। ପରିଶେଷରେ । ପରେ ଛାତ୍ରଛାତ୍ରୀ ମାନଙ୍କ ଦ୍ବାରା ରଙ୍ଗାରଙ୍ଗ ” ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ବହୁ ଅଭିଭାବକ ଉପସ୍ଥିତ ଥିଲେ।
କୋଡିପାରୀ ପଞ୍ଚାୟତ ସ୍ତରୀୟ ଭଲିବଲ୍ ଟୁର୍ଣ୍ଣାମେଣ୍ଟ ଉଦ୍ଘାଟିତ

କୋଡ଼ିପାରୀ ଗ୍ରାମ ପଂଚାୟତ ସରପଞ୍ଚ ଶ୍ରୀ ଡମ୍ବରୁଧର ମାଝୀଙ୍କ ଦ୍ଵାରା ହେଡକ୍ବାର୍ଟରରେ ୧୬ଟି ଟିମକୁ ନେଇ ପଂଚାୟତ ସ୍ତରୀୟ ଭଲିବଲ ଟୁର୍ନାମେଣ୍ଟ ଅତି ଶୃଙ୍ଖଳାର ସହ ଅନୁଷ୍ଠିତ ହୋଇଯାଇଛି । ଦୁଇ ଦିନ ଧରି ଚାଲିଥିବା ଏହି ଭଲିବଲ ଟୁର୍ନାମେଣ୍ଟରେ ଯୋଡ଼ିପଦର ସହ କୋଡ଼ିପାରି ଝୋଡ଼ିଆ ସାହିର ଫାଇନାଲରେ ମୁକାବିଲା ହୋଇଥିଲା । ଟୁର୍ନାମେଣ୍ଟରେ ଯୋଡ଼ିପଦର ଟିମର ମୁନ୍ନା ନାଏକ, ଭରତ ନାଏକ, କାସିଂ ନାଏକ,କୁନା ନାଏକ, ବରୁଣ ନାଏକ ଏବଂ ରାମ୍ ପ୍ରସାଦ ନାଏକ ଭଲ ପ୍ରଦର୍ଶନ ଦେଖାଇଥିବା ବେଳେ ଯୋଡ଼ିପଦର ଟିମ ଚମ୍ପିୟାନ ହୋଇଥିଲା ।

ଏହି ଟୁର୍ନାମେଣ୍ଟରେ ଚମ୍ପିୟାନ ଟିମକୁ କୋଡ଼ିପାରି ସରପଞ୍ଚ ଶ୍ରୀ ଡମ୍ବରୁଧର ପୁରସ୍କୃତ କରିଥିବାବେଳେ ରନର୍ସଅପ୍ ହୋଇଥିବା ଟିମ ସମିତି ସଭ୍ୟା ଶ୍ରୀମତୀ ମସ୍ୱିନୀ ବିଡ଼ିକାଙ୍କ ହାତରୁ ପୁରସ୍କାର ଗ୍ରହଣ କରିଥିଲା ।
ବିସ୍ଥାପିତ ମହିଳାଙ୍କ ଦ୍ଵାରା କଳିଙ୍ଗନଗର ମହୋତ୍ସବ ଉଦଘାଟିତ

()ଯାଜପୁର ଜିଲ୍ଲା ଳିଙ୍ଗନଗରରେ ଜମି ହରେଇ ଥିବା ବିସ୍ଥାପିତ ମହିଳାଙ୍କ ଦ୍ଵାରା ଉଦ୍ଘାଟନ ହେଲା କଳିଙ୍ଗନଗର ମହୋତ୍ସବ । ସବୁ ବର୍ଷ ଭଳି ଚଳିତ ବର୍ଷ ମଧ୍ୟ ମଙ୍ଗଳପୁର ପଞ୍ଚାୟତ ତେଲିବାହାଳୀ ମହାପାଟ ପଡିଆରେ କଳିଙ୍ଗନଗର ମହୋତ୍ସବ ଉଦଘାଟିତ ହୋଇଯାଇଛି। ଏହି ଉଦଘାଟନି ଉତ୍ସବରେ ବିସ୍ଥାପିତ ମହିଳାଙ୍କ ସହିତ ଦୁଇ ବ୍ଲକର ଚେୟାରମ୍ଯାନ ଉପସ୍ଥିତ ଥିଲେ।ଏହି ମହୋତ୍ସବ ଜାନୁଆରୀ ୨୭ ରୁ ଆରମ୍ଭ ହୋଇ ଫ୍ରେବୃଆରି ୨ ତାରିଖ ଯାଏଁ ଚାଲିବ ।

ଉକ୍ତ ସଭାରେ କଳିଙ୍ଗନଗର ଏଡିମ ନବକ୍ରିଷ୍ଣ ଜେନା, ପୂର୍ବତନ ଏଡିମ ସନ୍ତୋଷ ମିଶ୍ର ଉପସ୍ଥିତ ଥିଲେ। ତେବେ ସିନେ ତାରକା ପୁପିନ୍ଦର ଏହି ମଞ୍ଚ ର ଉପସ୍ଥାପକ ଥିବାବେଳେ ଓଡ଼ିଆ କମେଡିଆନ ରାଜୁ ଦାସ ଓ ବଲିଉଡ଼ ଗାୟିକା ସୋନା ମହାପାତ୍ର ମଞ୍ଚରେ ଦର୍ଶକଙ୍କୁ ମନମୁଗ୍ଧ କରିଥିଲେ। ପ୍ରଥମେ ମଞ୍ଚରେ ଜାତୀୟ ସଙ୍ଗୀତରେ ଉଦଘାଟନ ସଭା ଆରମ୍ଭ କରାଯାଇଥିଲା। ଜୟ ଜଗନ୍ନାଥ ଧ୍ଵନିରେ ଅଞ୍ଚଳ ପ୍ରକଳ୍ପିତ ହୋଇଥିଲା। ଓଡିଶୀ ନୃତ୍ୟରେ ଦର୍ଶକମାନେ ଶାନ୍ତି ଶୃଙ୍ଖଳତାର ସହିତ ଭରପୁର ଉପଭୋଗ କରିଥିଲେ ।
ପଲଟିଗଲେ ପଲ୍ଟୁରାମ! ପୁଣି ପଦ୍ମମୁହାଁ ବିହାର ମୁଖ୍ୟମନ୍ତ୍ରୀ ନୀତିଶ କୁମାର

ଆଜି ବିହାର ମୁଖ୍ୟମନ୍ତ୍ରୀ ନୀତିଶ କୁମାର ପଦରୁ ଇସ୍ତଫା ଦେଇଛନ୍ତି । ଏଥିସହିତ ବିହାରର ପ୍ରାୟ ଦେଢ ବର୍ଷର ଗଠବନ୍ଧନ ସରକାରରେ ପଡିଛି ପୂର୍ଣ୍ଣଚ୍ଛେଦ । ହେଲେ ଏବେ ଖାଲି ବିହାର ନୁହେଁ ସମଗ୍ର ଦେଶରେ ନୀତିଶ କୁମାର ଏବଂ ବିଜେପିକୁ ନେଇ ଉଠିଛି ଅନେକ ପ୍ରଶ୍ନ । ତେବେ କାହିଁକି ଏମିତି ବାରବାର ନୀତିଶ ଦଳ ବଦଳାଉଛନ୍ତି । ଯଦି ନୀତିଶ ପୁନଶ୍ଚ ବିଜେପିରେ ସାମିଲ ହୋଇ ସରକାର ଗଢନ୍ତି ତେବେ ଏହା ତାଙ୍କର ୪ର୍ଥ ଥର ପାଇଁ ମେଣ୍ଟ ପରିବର୍ତ୍ତନ ହୋଇଯିବ । ବାସ୍ତବ କଥା ହେଉଛି କ୍ଷମତାରେ ସ୍ବାଦ ଠାରୁ କେବେ ବି ନୀତିଶ କୁମାର ଦୂରେଇବାକୁ ଚାହାନ୍ତି ନାହିଁ, ଏକଥା ତାଙ୍କ କାର୍ଯ୍ୟକାଳରୁ ଜଣାପଡୁଛି । ରାଜନୀତିରେ ଗୋଟିଏ ଶବ୍ଦ ଅଛି, ବର୍ଷା ଯେଉଁଆଡେ ଛତା ସେଇଆଡେ । ଯାହା ବିହାର ମୁଖ୍ୟମନ୍ତ୍ରୀଙ୍କ ପାଇଁ ପୂରା ସୁଟ୍ କରେ ।

ତେବେ ବିହାରରେ ବର୍ତ୍ତମାନର ସ୍ଥିତି କଣ ହେବ ତାହା କେତୋଟି ତଥ୍ୟରୁ ଅନୁମାନ କରିହେବ । ଗତ ନିର୍ବାଚନରେ ବିହାରରେ ଆରଜେଡିକୁ ସବୁଠୁ ଅଧିକ ସିଟ୍ ଅର୍ଥାତ ୭୯ଟି ମିଳିଥିଲା । ସେହିପରି ବିଜେପିକୁ ୭୮, ଜେଡିୟୁକୁ ୪୫, କଂଗ୍ରେସକୁ ୧୯, ବାମଦଳକୁ ୧୬, ହାମକୁ ୪, ଏଗଏସଆଇଏମ ୧ ଏବଂ ଗୋଟିଏ ସ୍ଭାଧୀନ ପ୍ରାର୍ଥି ବିଜୟୀ ହୋଇଥିଲେ । ତେବେ ୨୪୩ ସିଟ୍ ବିଶିଷ୍ଟ ବିହାର ବିଧାନସଭାରେ ସଂଖ୍ୟା ଗରିଷ୍ଠତା ପାଇଁ ଏବେ ଆରମ୍ଭ ହୋଇଛି କସରତ । ଯେହେତୁ ଜେଡିୟୁ ବିହାର ସରକାରରେ ନିର୍ଣ୍ଣାୟକ ଭୂମିକା ଗ୍ରହଣ କରୁଛନ୍ତି ତେଣୁ, ସେ ଯେଉଁଆଡେ ଡିଆଁ ମାରିବେ ସେ ହିଁ ସରକାର ଗଢିବ । ପୂର୍ବରୁ ଆରଜେଡିର ୭୯, ଜେଡିୟୁର ୪୫, କଂଗ୍ରେସର ୧୯ ଏବଂ ବାମଦଳର ୧୬ ସିଟ୍ ମିଶାଇ ସମୁଦାୟ ୧୫୯ ସିଟରେ ସରକାର ଗଢିଥିଲା ମହାଗଠବନ୍ଧନ । ଏବେ ଯଦି ପୁଣି ବିଜେପିର ହାୟ ଧରନ୍ତି ନୀତିଶ ତେବେ ବିଜେପି ୭୮, ଜେଡିୟୁ ୪୫, ହାମ୍ ୪ ଏବଂ ସ୍ବାଧୀନର ଜଣଙ୍କୁ ମିଶାଇ ମୋଟ ୧୨୮ ସିଟ ହେଉଛି । ହେଲେ ସରକାର ଗଢିବାକୁ ଦରକାର ୧୨୨ ବଧାୟକ ।

ଆଶ୍ଚର୍ଯ୍ୟ କଥା ମେଣ୍ଟ ପରିବର୍ତ୍ତନ ବେଳେ ନେତାମାନେ ଶବ୍ଦର ସୀମା ଲଙ୍ଘିଯାନ୍ତି । ପରସ୍ପରକୁ ଗାଳିଦେବାକୁ ମଧ୍ୟ ପଛାନ୍ତି ନାହିଁ । ହେଲେ ଠିକ କିଛିଦିନ ପରେ ସେମାନେ ଯଥା ପୂର୍ବଂ ତଥା ପରଂ ସ୍ଥିତିକୁ ଚାଲିଆସନ୍ତି । ଏଥିରୁ ଜଣାପଡୁଛି ନେତାଙ୍କ ପାଖେ ନା ଅଛି ନୀତି ନା ଅଛି ନୈତିକତା । ନେତାଙ୍କ ଦଳ ଡିଆଁ ହେଉ କି ମେଣ୍ଟ ଡିଆଁ ଏଥିରେ ରାଜନେତା ମାନେ ନିଜର ଇଗୋ ଏବଂ କ୍ଷମତାର ଭୋକକୁ ସନ୍ତୁଷ୍ଟ କରନ୍ତି ସତ ହେଲେ, ସବୁଠୁ ଅଧିକ କ୍ଷତିରେ ପଡନ୍ତି ସାଧାରଣ ଜନତା । କାରଣ କ୍ଷମତା ଲୋଭୀ ନେତାଙ୍କ ଖେଳ ଭିତରେ ରାଜକାର୍ଯ୍ୟ ପାଇଁ କୌଣସି ନେତାଙ୍କ ପାଖେ ସମୟ ନଥାଏ । ଶାସନ ସ୍ଥାଣୁ ଭାବେ କେବଳ ନାମକୁ ମାତ୍ର ଚାଲେ । ତେଣୁ ନେତାଙ୍କ ବ୍ୟକ୍ତିଗତ ସ୍ବାର୍ଥ ସର୍ବଦା ଜନତାଙ୍କ ସ୍ବାର୍ଥରେ ଅନ୍ତରାୟ ସୃଷ୍ଟି କରେ । ଯାହା ଏକ ସୁସ୍ଥ ଗଣତନ୍ତ୍ର ପାଇଁ କେବେ ବି ଶୁଭଙ୍କର ନୁହେଁ ।
ଦୁନିଆର ସବୁଠୁ ଧନୀ ବ୍ୟକ୍ତି ଏଲନ୍ ମସ୍କଙ୍କୁ ଝଟକା ଦେଲେ ଫ୍ରାନ୍ସର ବର୍ଣ୍ଣାର୍ଡ ଆର୍ନଲ୍ଟ

କିଛକ୍ଷଣ ମଧ୍ୟରେ ସବୁ ହୋଇଗଲା ଓଲଟପାଲଟ । ଏଲୋନ ମସ୍କଙ୍କୁ ପଛରେ ପକାଇଲେ ଫ୍ରାନ୍ସର ବର୍ଣ୍ଣାର୍ଡ ଆର୍ନଲ୍ଟ । ଏଥିସହିତ ବିଶ୍ବର ସବୁଠୁ ଧନୀ ବ୍ୟକ୍ତି ପାଲଟିଛନ୍ତି ଆର୍ନଲ୍ଟ । ଫୋବର୍ସ ମୁତାବକ, ନେଟଓ୍ବର୍ଥରେ ଅହେତୁକ ବୃଦ୍ଧି ସହିତ ସେ ବିଶ୍ବର ଏକ ନମ୍ବର ଧନୀ ଏଲନ ମସ୍କଙ୍କୁ ପଛରେ ପକାଇ ଦେଇଛନ୍ତି । ଅଚାନକ ଆର୍ନଲ୍ଟଙ୍କ ସମ୍ପତ୍ତି ବଢି ୨୦୭.୬ ଆରବ ଡଲାରରେ ପହଞ୍ଚିଯାଇଛି ।

ସେହିପରି ବ୍ଲୁମବର୍ଗ ଅନୁଯାୟୀ, ଆର୍ନଲ୍ଟଙ୍କ ସମ୍ପତ୍ତିରେ ଏକା ଥରକେ ୧୮.୬ ଆରବ ଡଲାରର ବୃଦ୍ଧି ଘଟିଛି । ଏଲନ ମସ୍କଙ୍କ କମ୍ପାନୀ ଟେସଲା ଘାଟାରେ ଚାଲିଥିବା ବେଳେ ନେଟ ଓ୍ବର୍ଥ ୨୦୪.୭ ଆରବ ଡଲାରରେ ପହଞ୍ଚି ଯାଇଛି । ଅର୍ଥାତ ଦୁଇ ଜଣ ଆରବ ପତିଙ୍କ ମଧ୍ୟରେ ୨.୯ ଆରବ ଡଲାରର ବ୍ୟବଧାନ ରହିଛି ।

ବିଶ୍ବର ଧନୀ ତାଲିକରେ ବର୍ଣ୍ଣାର୍ଡ ଆର୍ନଲ୍ଟ ୨୦୭.୬ ଆରବ ଡଲାର ସହିତ ଏକ ନମ୍ବରରେ ଥିବା ବେଳେ ଏଲନ ମସ୍କ ୨୦୪.୭ ସହ ଦିତୀୟ ଏବଂ ତାଙ୍କ ପଛକୁ ୧୮୧.୩ ଆରବ ଡଲାର ସହିତ ଜେଫ୍ ବେଜୋସ ରହିଛନ୍ତି ତୃତୀୟରେ । ସେହିପରି ଲେରିଏଲିସନଙ୍କ ୧୪୨.୨ ଆରବ ଡଲାର, ମାର୍କ ଜୁକରରବର୍ଗ ୧୩୯.୧ ଆରବ ଡଲାର, ଓ୍ବାରେନ ବଫେଟ ୧୨୭.୨ ଆରବ ଡଲାର, ଲେରୀ ପେଜ୍ ୧୨୭.୧ ଆରବ ଡଲାର, ବିଲ ଗେଟ୍ସ ୧୨୨.୯ ଆରବ ଡଲାର, ସର୍ଗେଇ ବ୍ରିନ ୧୨୧.୭ ଆରବ ଡଲାର ଏବଂ ଷ୍ଟିବ ବାଲ୍ମର ୧୧୮.୮ ଆରବ ଡଲାର ସହିତ ପଛକୁ ରହିଛନ୍ତି ।

ସେହିପରି ଭାରତର ଦୁଇ ଉଦ୍ୟୋଗପତି ମୁକେଶ ଆମ୍ବାନୀ ଏବଂ ଗୌତମ ଆଦାନୀଙ୍କ ନାଁ ଟପ ୧୦ ଲିଷ୍ଟରେ ନାହିଁ । ୧୦୪.୪ ଆରବ ଡଲାର ସହିତ ମୁକେଶ ଆମ୍ବାନୀ ଦୁନିଆର ସବୁଠୁ ଧନା ତାଲିକାରେ ୧୧ ତମ ସ୍ଥାନରେ ରହିଛନ୍ତି । ସେହିପରି ଗୌତମ ଆଦାନୀ ଗୋଟିଏ ପରେ ଗୋଟିଏ ଝଟକା ଖାଇ ୯୧.୬ ଆରବ ଡଲାର ସହିତ ୧୪ ନମ୍ବରକୁ ଖସିଆସିଛନ୍ତି ।
ବାଇକ ଦୁର୍ଘଟଣାରେ ଜଣଙ୍କ ମୃତ୍ୟୁ ହେଇଥିବା ବେଳେ ଜଣେ ଗୁରୁତର

ଖୋର୍ଦ୍ଧା ଜଙ୍କିଆ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ମୋଟା ଛକ ନିକଟରେ ଏକ ମୋଟରସାଇକେଲ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡିଛି । ମୃତକ ଜଣକ ଖୋର୍ଦ୍ଧା ଜିଲ୍ଲା ଟାଙ୍ଗି ଥାନା ପଣଷପୁର ଗ୍ରାମର ସମୀର କୁମାର ବେହେରା ଓ ଗୁରୁତର ଆହତ ଜଣଙ୍କ ହେଉଛନ୍ତି ଢେଙ୍କାନାଳ କାମାକ୍ଷାନଗର ଅଞ୍ଚଳର ଅଭିମନ୍ୟୁ ବେହେରା ।

ମିଳିଥିବା ସୂଚନାରୁ ଜଣାପଡିଛି ଯେ, ଗୋଟିଏ ବାଇକରେ ୨ ଜଣ ଯୁବକ ଟାଙ୍ଗି ପଟୁ ଖୋର୍ଦ୍ଧା ଅଭିମୁଖେ ଏକ ବାଇକ ଯୋଗେ ଯାଉଥିବା ବେଳେ ୧୬ ନମ୍ବର ଜାତୀୟ ରାଜପଥର ମୋଟା ଛକ ନିକଟରେ ଏକ ଅଜଣା ଗାଡି ବାଇକକୁ ପଛରୁ ଧକ୍କା ଦେଇଥିଲା । ଫଳରେ ମୋଟରସାଇକେଲରେ ଥିବା ଦୁଇ ଜଣ ଯୁବକ ଛିଟିକି ପଡିଥିଲେ । ହେଲେ ଘଟଣା ସ୍ଥଳରେ ସମୀର କୁମାର ବେହେରାଙ୍କର ମୃତ୍ୟୁ ଘଟିଥିଲା । ସ୍ଥାନୀୟ ଲୋକମାନେ ଘଟଣା ସ୍ଥଳରୁ ଅଭିମନ୍ୟୁଙ୍କୁ ଗୁରୁତର ଆହତ ଅବସ୍ଥାରେ ଉଦ୍ଧାର କରି ମେଡିକାଲକୁ ପଠାଇଥିଲେ । ଖବର ପାଇ ଜଙ୍କିଆ ପୋଲିସ ଘଟଣାସ୍ଥଳରେ ପହଞ୍ଚି ବାଇକ୍ ଓ ମୃତଦେହ ଉଦ୍ଧାର କରି ଘଟଣାର ତଦନ୍ତ ଜାରି ରଖିଥିବା ଜଣାପଡିଛି ।
ଡ଼ ଅଚ୍ୟୁତ ସାମନ୍ତଙ୍କ ଆହ୍ୱାନରେ ପାରାଦ୍ୱୀପରେ ଅନୁଷ୍ଠିତ ହୋଇଯାଇଛି ମିନି ମାରାଥନ ଦୌଡ

()ଶିକ୍ଷାର ବିକାଶ ରେ ସମାଜ ର ବିକାଶ । ସମସ୍ତେ ମିଳିମିଶି ଶିକ୍ଷା ରୂପକ ପ୍ରଦୀପ ପ୍ରଜ୍ବଳନ କରି ସମାଜ ରୁ ନିରକ୍ଷରତା ଦୁର କରିବା ସହିତ ଏକ ବିକଶିତ ସମାଜ ଗଠନ ନିମନ୍ତେ କୀଟ୍ ଓ କିସ୍ ର ପ୍ରତିଷ୍ଠାତା ଡ଼ ଅଚ୍ୟୁତ ସାମନ୍ତଙ୍କ ଆହ୍ୱାନରେ ପାରାଦ୍ୱୀପରେ ଅନୁଷ୍ଠିତ ହୋଇଯାଇଛି ମିନି ମାରାଥନ । ଏହି ମିନି ମାରାଥନ କୁ ପତାକା ଦେଖାଇ ଶୁଭାରମ୍ଭ କରିଥିଲେ ପାରାଦ୍ୱୀପ ପୌରାଧ୍ୟକ୍ଷ ବସନ୍ତ କୁମାର ବିଶ୍ୱାଳ । ପାରାଦ୍ୱୀପର ବିଭିନ୍ନ ବିଦ୍ୟାଳୟ ଓ କଲେଜର ପାଖାପାଖି ୩୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଏହି ମାରାଥନ ଦୌଡରେ ଅଂଶଗ୍ରହଣ କରି ମଧୁବନ ମାଉସୀ ମା ମନ୍ଦିର ଠାରୁ ବଡ଼ପଡ଼ିଆ ମାର୍କେଟ ଦେଇ ଗୋପବନ୍ଧୁ ଷ୍ଟାଡିଅମରେ ଶେଷ ହୋଇଥିଲା। ଶିକ୍ଷାର ବିକାଶ କୁ ନେଇ ଡ଼ ଅଚ୍ୟୁତ ସାମନ୍ତଙ୍କ ଅବଦାନ ଅତୁଳନୀୟ, ତାଙ୍କ ପ୍ରଚେଷ୍ଟା ରେ କୀଟ ଓ କିସ ଆଜି ଶିକ୍ଷା କ୍ଷେତ୍ରରେ ଏକ ମାଇଲଖୁଣ୍ଟ ସ୍ଥାପନ କରିଛି । ଏ ନେଇ ଗୋପବନ୍ଧୁ ଷ୍ଟାଡିଅମ ରେ ଆୟୋଜିତ ସଭାରେ ଉପସ୍ଥିତ ଅତିଥି ମାନେ ନିଜ ନିଜର ବକ୍ତବ୍ୟ ରଖିଥିଲେ । ଶେଷରେ ମିନି ମାରାଥନ ଦୌଡରେ ଭାଗନେଇଥିବା ସମସ୍ତ ଛାତ୍ରଛାତ୍ରୀ ଓ ପ୍ରତିଯୋଗୀ ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା ।
ମୈତ୍ରୀ କମ୍ପାନୀ ପକ୍ଷରୁ ପୌଷ ପର୍ବ “ଟକି ମରା “ପାଳନ ନିମନ୍ତେ ନୂତନ ବସ୍ତ୍ର ବଣ୍ଟନ

()ପୌଷ ପର୍ବ “ଟକି ମରା ” ରାୟଗଡା ଜିଲ୍ଲା କାଶୀପୁର ବ୍ଲକ ଓ କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକରେ ତଥା ଉଭୟ ଜିଲ୍ଲା ସୀମାନ୍ତ ଅଞ୍ଚଳରେ ଆଦିବାସୀଙ୍କ ହେଉଛି ଗଣ ପର୍ବ । ଏହି “ଟକି ମରା ” ପର୍ବ ପ୍ରାୟ ୮ ଦିନ ଧରି ଆଦିବାସୀ ପରମ୍ପରାରେ ଅତି ନିଆରା ଭାବେ ପାଳନ କରାଯାଇଥାଏ।ଏହି ପରିପେକ୍ଷୀରେ କାଶୀପୁର ବ୍ଲକ ଅନ୍ତର୍ଗତ ଶୁଙ୍ଗେର ଅଞ୍ଚଳ ଏବଂ ଥୁଆମୂଳ ରାମପୁର ଅନ୍ତର୍ଗତ ତଳଆମ ପଦର ତୁଣ୍ଡାମୁହିଁ ଗ୍ରାମ ସମେତ କେରୋପାଇ ଜିପି ମହାଜାଲ ଗ୍ରାମରେ ପୌଷ ପର୍ବ ” ଟକି ମରା ” ପର୍ବ ପାଳନ ନିନାମନ୍ତେ ମୈତ୍ରୀ କମ୍ପାନୀ CSR ଆନୁକୂଲ୍ୟରେ ଗ୍ରାମବାସୀଙ୍କୁ ନୂତନ ବସ୍ତ୍ର, ଶାଢ଼ୀ, କମ୍ବଳ ଓ ଯୁବକ ପିଢିଙ୍କୁ ଭଲି ବୋଲ ନେଟ, କ୍ରିକେଟ ବ୍ୟାଟ ବୋଲ ଆଦି କ୍ରୀଡା ସାମଗ୍ରୀ ବଣ୍ଟନ କରିଥିବା ଦେଖିବାକୁ ମିଳିଛି।

ଏହି କାର୍ଯ୍ୟକ୍ରମ ରେ ଉକ୍ତ ଅଞ୍ଚଳର ପାଞ୍ଚ ହଜାର ରୁ ଉର୍ଦ୍ଧ ଲୋକେ ଯୋଗଦାନ କରିଥିବା ସୂଚନା ମିଳୁ ଥିବାବେଳେ ମୈତ୍ରୀ କମ୍ପାନୀର ଶହାର୍ଦ୍ଧ୍ୟ ବଦାନ୍ୟତାକୁ ଅଞ୍ଚଳରେ ପ୍ରସଂଶା କରାଯାଉଛି ।