NEET ପେପର ଲିକ୍ ମାମଲାରେ ନୂଆ ମୋଡ଼! ଆନ୍ଦୋଳନ ଶେଷ, ଏବେ ପୋଲିସ ବିରୋଧରେ ଆଇନ ଲଢ଼େଇ|
NEET ପେପର ଲିକ୍ ମାମଲାକୁ ନେଇ ଦିଲ୍ଲୀର ଜନ୍ତର-ମନ୍ତରରେ ୩୬ ଦିନ ଧରି ଚାଲିଥିବା ଛାତ୍ର ଆନ୍ଦୋଳନ ଶେଷ ହୋଇଛି। ଆନ୍ଦୋଳନ ସମାପ୍ତ ପରେ କକ୍ରୋଚ ଜନତା ପାର୍ଟିର ନେତାମାନେ ଦିଲ୍ଲୀ ପୋଲିସ କମିଶନର ଅନୁରାଗ କୁମାରଙ୍କୁ ଭେଟିଛନ୍ତି।
କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି ଏବଂ ଛାତ୍ରମାନଙ୍କ ମୁଖ୍ୟ ଦାବି ନେଇ ସରକାରଙ୍କ ପକ୍ଷରୁ ପଦକ୍ଷେପ ପରେ ଏହି ବୈଠକ ହୋଇଥିବା କୁହାଯାଇଛି। ବୈଠକ ପରେ CJP ନେତାମାନେ କହିଛନ୍ତି ଯେ ଆନ୍ଦୋଳନ ସମାପ୍ତ ହୋଇଥିଲେ ମଧ୍ୟ ଛାତ୍ରଙ୍କ ଉପରେ ହୋଇଥିବା କଥିତ ପୋଲିସ ବଳ ପ୍ରୟୋଗ ଘଟଣାକୁ ନେଇ ଆଇନଗତ ଲଢ଼େଇ ଜାରି ରହିବ।
CJP ମୁଖପାତ୍ର ସୌରବ ଦାସ କହିଛନ୍ତି, ଦିଲ୍ଲୀ ପୋଲିସ କମିଶନରଙ୍କ ସହ ହୋଇଥିବା ଆଲୋଚନା ସୌହାର୍ଦ୍ଦ୍ୟପୂର୍ଣ୍ଣ ଥିଲା। ବୈଠକରେ ଦିଲ୍ଲୀ ପୋଲିସର ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।
ସେ ଅଭିଯୋଗ କରିଛନ୍ତି ଯେ ଜୁଲାଇ ୨୦ ତାରିଖର ମାର୍ଚ୍ଚ ସମୟରେ ଛାତ୍ରମାନଙ୍କ ଉପରେ ଆବଶ୍ୟକତାଠାରୁ ଅଧିକ ବଳ ପ୍ରୟୋଗ କରାଯାଇଥିଲା। ଏହି ଘଟଣାରେ ଜଡ଼ିତ ପୋଲିସ ଅଧିକାରୀ ଓ RAF ଯବାନଙ୍କ ବିରୋଧରେ ଆଇନଗତ ପଦକ୍ଷେପ ନେବାକୁ ଦଳ ପକ୍ଷରୁ ଦାବି କରାଯାଇଛି।