ଛେଳି ଖାଦ୍ୟ ଆଣିବାକୁ ଯାଇ ଚାଲିଗଲା ମହିଳାଙ୍କ ଜୀବନ

ଜି ଉଦୟଗିରି ଥାନା ଅଧୀନ ଡକେଦି ଗ୍ରାମର ନିର୍ମଳା ନାୟକଙ୍କ ବିଦ୍ୟୁତ୍ ଆଘାତରେ ମୃତ୍ୟୁ।ପୋଲିସ ମୃତଦେହ ଜବତ କରି ଚଳାଇଛି ତଦନ୍ତ। ସୂଚନା ମୁତାବକ, ଡକେଦି ଗ୍ରାମର ନିବାସୀ ନିର୍ମଳା ଜଣେ ଗରିବ ଶ୍ରେଣୀର ମହିଳା। ଛେଳି ପାଳି ଚଳିଥାନ୍ତି। ଆଜି ନିଜର ଛେଳିପାଇଁ ଗଛ ପତ୍ର ସଂଗ୍ରହ କରିବାକୁ ଗାଁ ନିକଟରେ ଥିବା ଏକ ଚୁଆ ପାଖକୁ ଯାଇଥିଲେ। ଡାଳ ହାଣୁଥିବା ବେଳେ ଡାଳଟି ଏକ ବିଦ୍ୟୁତ୍ ତାର ଉପରେ ପଡି ଯାଇଥିଲା। ନିର୍ମଳା ଡାଳଟିକୁ ଟାଣିବା ବେଳେ ବିଦ୍ୟୁତ୍ ସଂସ୍ପର୍ଶରେ ଆସିଥିଲେ ଓ ବିଦ୍ୟୁତ୍ ଝଟକାରେ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ହୋଇଥିଲା। ଚୂଆ କୁ ଗାଧୋଇ ଆସିଥିବା କିଛି ଲୋକ ସାଙ୍ଗେ ସାଙ୍ଗେ ଜି ଉଦୟଗିରି ପୋଲିସକୁ ଖବର ଦେଇଥିଲେ। ସୂଚନା ପାଇ ପୋଲିସ୍ ଘଟଣାସ୍ଥଳରେ ପହଁଚି ଶବକୁ ଜି ଉଦୟଗିରି ମେଡ଼ିକାଲ ଆଣି ପୋଷ୍ଟ ମଟମ୍ କରିଛି ଏବଂ ଏକ ଏତଲା ଦାୟର କରି ତଦନ୍ତ ଚଳାଇଛି।