ସେ ମଣିଷ ହେଉ ବା ଇତର ପଶୁଟିଏ, ମା’ ପାଇଁ ତାର ସନ୍ତାନ ହିଁ ସବୁକିଛି। ସନ୍ତାନ ପାଇଁ ଅନ୍ୟର ଜୀବନ ନେଇପାରେ ବା ନିଜର ଜୀବନ ମଧ୍ୟ ଦେଇପାରେ। ଆଉ ସନ୍ତାନକୁ ହରେଇ ବସିଲେ ସେଇଠି ଅଟକିଯାଏ ତାର ସମୟ। ସମସ୍ତେ ସେହି ଅଭାବକୁ ଭୁଲିଯାଇପାରନ୍ତି, ହେଲେ ମା’ ପାଇଁ ଆଜୀବନ ଏହା ଏକ ଅପୂରଣୀୟ କ୍ଷତି ହୋଇରହିଯାଏ। ସେଥିପାଇଁ ତ ଏଇ ମା’ ହାତୀଟି ଘୁରି ବୁଲୁଛି ସେହି ସ୍ଥାନରେ, ଯେଉଁଠି ସେ ତାର ଶାବକ ଜନ୍ମ ଦେଇ ହରେଇଥିଲା।
ସେହି ଜାଗାରେ ଏଣେ ତେଣେ ଖୋଜୁଛି ତାର ଛୁଆକୁ। ସେହି ସ୍ଥାନ ଛାଡି ଆଉ କୁଆଡେ ଯାଉନି। ଏଭଳି ଏକ ହୃଦୟସ୍ପର୍ଶୀ ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ, ଯୋଡ଼ା ସେକ୍ସନ୍ ଦଡୁଆଁ ଜଙ୍ଗଲରେ । ଛୁଆକୁ ହରାଇ ମା’ହାତୀ ଦୁଃଖରେ ମ୍ରିୟମାଣ ହୋଇ ମୃତ ହାତୀଛୁଆ ପୋତାଯାଇଥିବା ସ୍ଥାନ ଚାରିପାଖରେ ରାତିସାରା ପଇଁତରା ମାରିଥିଲା…। ଗତକାଲି ଆମେ ଦେଖାଇଥିଲୁ କି, ଗତ ରବିବାର ରାତି ୮ଟା ରେ ୧୨ ଟିକିଆ ହାତୀ ପଲରୁ ଗୋଟିଏ ମାଈ ହାତୀ ଛୁଆ ଜନ୍ମ କରିଥିଲା । ହେଲେ କୌଣସି କାରଣରୁ ହାତୀ ଛୁଆଟିର ମୃତ୍ୟୁ ଘଟିଥିଲା । ଖବର ପାଇ ଗତକାଲି ବନ ବିଭାଗ ପହଞ୍ଚି ମୃତ ହାତୀ ଛୁଆର ଶବ ବ୍ୟବଛେଦ କରି ଜଙ୍ଗଲରେ ହାତୀ ଛୁଆର ମୃତଦେହକୁ ସମାଧି ଦେଇ ସେଠାରୁ ଚାଲିଯାଇଥିଲା।
କିଛି ସମୟ ପରେ ମାଆ ହାତୀ ସେଠାରେ ପହଞ୍ଚି ଲୁହ ଛଳଛଳ ଆଖିରେ ଖୋଜିଥିଲା ତା ଛୁଆକୁ। ଅନେକ ସମୟ ଧରି ସେଠାରେ ଠିଆ ହୋଇ ନିଜ ସନ୍ତାନକୁ ଅପେକ୍ଷା କରି ରହିଥିଲା ଯେମିତି । ନିକଟରେ ଥିବା ବନକର୍ମଚାରୀ ମାଆ ହାତୀର ଏହି ଯନ୍ତ୍ରଣାସିକ୍ତ ଅବସ୍ଥାକୁ ରେକର୍ଡ କରିଥିଲେ ନିଜ ମୋବାଇଲରେ। ହାତୀଟିଏ ହୋଇ ବି ନିଜ ଛୁଆପ୍ରତି ତାର ଅନାବିଳ ମମତା ବିହ୍ବଳିତ କରିଥିଲା ଅନେକଙ୍କୁ। ମା ହାତୀର ଯନ୍ତ୍ରଣାରେ ସାରା ଜଙ୍ଗଲ ଯେମିତି ହୋଇଯାଇଥିଲା ମ୍ରିୟମାଣ
Your point of view caught my eye and was very interesting. Thanks. I have a question for you.
Your article helped me a lot, is there any more related content? Thanks!
Can you be more specific about the content of your article? After reading it, I still have some doubts. Hope you can help me.
Thanks for sharing. I read many of your blog posts, cool, your blog is very good.
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?