Tag: #Suchanatv24x7

ନାବାଳିକା ବଖାଣିଲା ଅପହରଣର ଲୋମ ଟାଙ୍କୁରା କାହାଣୀ

ଚଉଦ ବର୍ଷର ନାବାଳିକା ବଖାଣିଲା ନିଜ ଅପହରଣର ଲୋମ ଟାଙ୍କୁରା କାହାଣୀ। ତା ଉପରେ ଲୋଲୁପ ଦୃଷ୍ଟି ରଖିଥିବା ମଣିଷ ରୂପି ରାକ୍ଷସ ତା ସମ୍ପର୍କୀୟ ଭାଇ କିପରି ତାକୁ ଅପହରଣ କରିଥିଲା ଓ କିପରି ତା କବଳରୁ ରକ୍ଷା ପାଇ ନୂଆ ଜୀବନ ପାଇଲା ସେ ସବୁ ବଖାଣିଛି ନାବାଳିକା। କେନ୍ଦ୍ରାପଡ଼ା ସଦର ଥାନା ଅଧୀନ ବସପୁର ନାରହରିପୁର ଅଞ୍ଚଳର ଜଣେ ୧୪ ବର୍ଷୀୟା ନାବାଳିକା ଉପରେ ପଡୋଶୀ ଘରର ଚାଳିଶ ବର୍ଷୀୟ ସମ୍ପର୍କୀୟ ଭାଇ ଚନ୍ଦନ ଜେନା ଖରାପ ନଜର ରଖିଥିଲା। ବିଭିନ୍ନ ସମୟରେ ତାକୁ ବିବାହ କରିବାକୁ କହୁଥିଲା। ସେ ଘରେ ଏ ବିଷୟରେ କହିଥିଲେ ବି ଘର ଲୋକ କହୁଥିଲେ ମଜାରେ ଚନ୍ଦନ ଏମିତି କହୁଥିବା। ତେଣୁ ଏହି କଥାକୁ ଗୁରୁତ୍ବ ଦେଉନଥିଲେ ନାବାଳିକାର ପରିବାର ଲୋକେ। ହେଲେ ଜାନୁଆରୀ ୧୬ ତାରିଖରେ ନାବାଳିକା ସ୍କୁଲରୁ ଫେରୁଥିବା ସମୟରେ ତାକୁ ଚନ୍ଦନ ଓ ତା ସହଯୋଗୀମାନେ ଏକ କାର ଯୋଗେ ଅପହରଣ କରି ନେଇଥିଲେ।

ଏନେଇ ନାବାଳିକାର ପରିବାର ପକ୍ଷରୁ କେନ୍ଦ୍ରାପଡା ସଦର ଥାନାରେ ଅଭିଯୋଗ ହୋଇଥିଲା। ଚନ୍ଦନ ସେଠାରେ ନାବାଳିକା ସହ ଖରାପ ଆଚରଣ କରିଥିବା ନାବାଳିକା କହିଥିବା ବେଳେ ଚନ୍ଦର କୌଣସି କାମରେ ଘରୁ ବାହାରକୁ ଯାଇଥିବା ବେଳେ ସେ ନିଜ ମାଙ୍କୁ ଫୋନ କରି ସବୁ କଥା କହିଥିଲେ। ପରିବାର ଲୋକ ଝିଅ ଫୋନ କରି ଉଦ୍ଧାର କରିବାକୁ ଗୁହାରି କରିଥିବା ଥାନାରେ ଅଭିଯୋଗ କରିଥିଲେ। ଏହା ପରେ ପୋଲିସ ଚନ୍ଦନର ଫୋନ ଟ୍ରାକ୍ କରି କଳିଙ୍ଗ ନଗର ଅଞ୍ଚଳରୁ ନାବାଳିକାଙ୍କୁ ଉଦ୍ଧାର କରିବା ସହ ଅପହରଣ କାରି ଚନ୍ଦନ କୁ ଗିରଫ କରି କୋର୍ଟ ଚାଲାଣ କରିଥିଲା। ଉଦ୍ଧାର ପରେ ନାବାଳିକା ଏହି ସବୁ କଥା ନିଜ ମୁହଁରେ ବଖାଣିଛି।
ଗୁଣି ସନ୍ଦେହ: ୫ ମାସ ହେଲା ଝିଅ ଘରେ ମୁଣ୍ଡ ଗୁଞ୍ଜିଛି ପରିବାର

ଅନ୍ଧବିଶ୍ୱାସର କୁପରିଣତି । ଗୁଣି ଗାରେଡି ସନ୍ଦେହ ପାଇଁ ପଡୋଶୀଙ୍କ ନିର୍ଯାତନାରେ ଭୟଭୀତ ୫ ପ୍ରାଣୀ କୁଟୁମ୍ବ । ଜୀବନ ବିକଳରେ ଏବେ ଆଶ୍ରୟ ନେଇଛି ଜ୍ବାଇଁଙ୍କ ଘରେ। ସେପଟେ ଗାଁରେ ଥିବା ପୁଅ ମୃତ୍ୟୁକୁ ଆପଣେଇ ନେଇଥିବା ବେଳେ ପୁଅକୁ ହତ୍ୟା କରାଯାଇଥିବା ହେଉଛି ଅଭିଯୋଗ। ଏପରି ଏକ ଅମାନୁଷିକ ଘଟଣା ଘଟିଯାଇଛି କେନ୍ଦୁଝର ଜିଲ୍ଲାରେ। କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ ମଲଦା ପଞ୍ଚାୟତ ରୁଗୁଡି ସାହିର ଗହ୍ମା ମୁଣ୍ଡା ଓ ତାଙ୍କ ସ୍ତ୍ରୀ ସୁନାମଣୀ ୫ ସନ୍ତାନଙ୍କୁ ନେଇ ରହୁଥିଲେ। ହେଲେ ଏହି ଗରିବ ଆଦିବାସୀ ଦମ୍ପତି ଗୁଣିଗାରେଡ଼ି କରୁଥିବା ସନ୍ଦେହ କରୁଥିଲେ ପଡୋଶୀ । ଗହ୍ମା ମୁଣ୍ଡାଙ୍କର ଜଣେ ବୃଦ୍ଧା ପଡ଼ୋଶୀଙ୍କର ଯେତେବେଳେ ଜ୍ଵରରେ ମୃତ୍ୟୁ ହେଲା ଏହି ସନ୍ଦେହ ନେଇଥିଲା ଉତ୍କଟ ରୂପ । ଏହି ଦମ୍ପତି ଗୁଣି କରି ବୃଦ୍ଧାଙ୍କୁ ମାରିଦେଇଥିବା ସନ୍ଦେହରେ ଦିଆଗଲା ନାନା ଶାରୀରିକ ଓ ମାନସିକ ନିର୍ଯାତନା ଦେଇଥିଲେ। ଏମିତି କି ଗହ୍ମା ମୁଣ୍ଡାଙ୍କୁ ମରଣାନ୍ତକ ଆକ୍ରମଣ କରିଥିଲେ । ୫ ମାସ ତଳେ ଗ୍ରାମବାସୀଙ୍କ ଆକ୍ରମଣରେ ଗହ୍ମା ମୁଣ୍ଡା ଓ ସୁନାମଣୀ ଆହତ ହୋଇଥିଲେ। ଏହା ପରେବାଂଶପାଳ ବ୍ଲକ ଫୁଲଝର ରୁଗୁଡ଼ି ମୁଣ୍ଡାସାହିରେ ଥିବା ସେମାନଙ୍କ ଜ୍ୱାଇଁ ସେମାନଙ୍କୁ ଚିକିତ୍ସା କରାଇବା ପରେ ସେମାନେ ଭଲ ହେଲେ। କିନ୍ତୁ ଭୟରେ ଆଉ ଗାଁକୁ ଯିବାକୁ ଚାହିଁନଥିଲେ। ତେଣୁ ଜ୍ବାଇଁ ନିଜ ଗାଁକୁ ଗହ୍ମା, ସୁନାମଣୀ ଓ ତାଙ୍କ ନାବାଳକ ୩ ପୁଅ ଝିଅଙ୍କୁ ଧରି ନିଜ ଘରକୁ ଚାଲିଆସିଥିଲେ। ହେଲେ ରୁଗୁଡି ସାହିରେ ବଡ ପୁଅ ତାର ପରିବାରକୁ ନେଇ ରହୁଥିଲା। କିନ୍ତୁ ତିନି ମାସ ପୂର୍ବେ ବଡ ପୁଅ ଗାଁରେ ମରିଗଲା। କିନ୍ତୁ ପୁଅକୁ ଗାଁ ଲୋକେ ମିଶି ମାରି ଅପ୍ରାକୃତିକ ମୃତ୍ୟୁର ରୂପ ଦେଇଛନ୍ତି ବୋଲି ସନ୍ଦେହ କରୁଛନ୍ତି ଗହ୍ମାଙ୍କ ପରିବାର।

ଏମିତିକି ନିଜ ଉପରେ ହୋଇଥିବା ଆକ୍ରମଣରେ ପୋଲିସରେ ଅଭିଯୋଗ କରିନଥିଲେ ଗ୍ରାମବାସୀଙ୍କ ଭୟରେ। ଗ୍ରାମବାସୀ ଧମକ ଦେଇଥିଲେ ପୋଲିସକୁ ଗଲେ ସମସ୍ତଙ୍କୁ ମାରିଦେବେ। ସେହି ଭୟରେ ପୁଅ ମରିଥିଲେ ମଧ୍ୟ ବାପା, ମାଆ ଭୟରେ ଆଉ ଗାଁକୁ ଫେରି ନ ଥିଲେ। ନିକଟରେ ଜ୍ବାଇଁଙ୍କ ଗ୍ରାମଲୋକେ ନିଜ ନିଜ ସାଧ୍ୟମତେ ସାହାଯ୍ୟ କରି ଶୁଦ୍ଧିକ୍ରିୟା କରିଛନ୍ତି। ଏବେ ଏହି ମୁଣ୍ଡାସାହି ଗ୍ରାମବାସୀ ଗ୍ରାମବାସୀ କହୁଛନ୍ତି କି, ଏହି ପରିବାର ଜୀବନ ପ୍ରତି ବିପଦ ରହିଛି। ପୋଲିସ ଏମାନଙ୍କ ସୁରକ୍ଷା ବ୍ୟବସ୍ଥା କରିବା ସହ ପୁଅ ମୃତ୍ୟୁର ତଦନ୍ତ କରି ଏମାନଙ୍କୁ ନ୍ୟାୟ ଦେଉ।

ସେପଟେ ବଡ ପୁଅର ସ୍ତ୍ରୀ ଓ ପିଲାମାନେ ସେମାନଙ୍କ ନିଜ ଗାଁରେ ରହୁଥିବାରୁ ଗହ୍ମା ମୁଣ୍ଡା ଓ ସୁନାମଣି ଚିନ୍ତାରେ। ଏତେବଡ ଘଟଣାଟିଏ ଘଟିଯାଇଥିଲେ ବି ପୋଲିସ ନିକଟରେ କିପରି ଖବର ନାହିଁ ତାକୁ ନେଇ ବୁଦ୍ଧିଜୀବୀ ଅସନ୍ତୋଷ ବ୍ୟକ୍ତ କରୁଛନ୍ତି।
ସାଇଲୋ ସରକାରୀ ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ସମାରୋହରେ ବିଧାୟକ ସମ୍ବିତ ରାଉତରାୟ

ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ସାଇଲୋ ସରକାରୀ ଉଚ୍ଚ ବିଦ୍ୟାଳୟ ରାହାମା ତାର 50 ବର୍ଷ ପୂର୍ତ୍ତି ଉପଲକ୍ଷେ ପାଳନ କରୁଛି ସୁବର୍ଣ୍ଣ ଜୟନ୍ତୀ ସମାରୋହ। ୧୯୬୪ ମସିହାରେ ସ୍ଥାପିତ ଏହି ବିଦ୍ୟାଳୟ ସମୟ ସ୍ରୋତରେ ତାର କଳେବରରେ ପରିବର୍ତ୍ତନ କରିସାରିଥିବା ବେଳେ ସାଇଲୋ ଜିପି ହାଇସ୍କୁଲ ଏବେ ସରକାରୀ ଉଚ୍ଚ ବିଦ୍ୟାଳୟ ସାଇଲୋରେ ପରିଣତ ହୋଇ 5t ଜରିଆରେ ନୂତନ ରୂପରେ ଝଲସୁଛି।

ଶତାଧିକ ନୂତନ ଓ ପୁରାତନ ଛାତ୍ର ଛାତ୍ରୀଙ୍କୁ ନେଇ ପାଳିତ ଏହି ସୁବର୍ଣ୍ଣ ଜୟନ୍ତୀ ମା ସାରଳାଙ୍କ ପୀଠରୁ ଆଜ୍ଞା ମାଳ ଓ ଜ୍ୟୋତି ଆଣି ଏକ ଶୋଭାଯାତ୍ରାରେ ବଜାର ପରିକ୍ରମା କରି ନିର୍ଦ୍ଧିଷ୍ଟ ସ୍ଥାନରେ ପହଂଚିଥିଲେ। ସୁବର୍ଣ୍ଣ ଜୟନ୍ତୀର ଉପଦେଷ୍ଟା ବୈଜ୍ଞାନିକ ଡ଼ଃ ଅଜୟ କୁମାର ମହାନ୍ତିଙ୍କ ସଭାପତିତ୍ୱ କାଳରେ ମୁଖ୍ୟ ଅତିଥି ଭାବେ ସାଂସଦ ଡା ରାଜଶ୍ରୀ ମଲ୍ଲିକ, ସମ୍ମାନିତ ଅତିଥି ବିଧାୟକ ସମ୍ବିତ ରାଉତରାଏ, ମୁଖ୍ୟ ବକ୍ତା ଭାବେ ଦୂରଦର୍ଶନର ପୂର୍ବ ଉପ ମହା ନିଁର୍ଦ୍ଦେଶକ ଡା ଶାନ୍ତନୁ ରଥ, ବ୍ଲକ ଅଧ୍ଯକ୍ଷା ନିନାରାଣୀ ସାହୁ ପ୍ରମୁଖ ଯୋଗଦେଇଥିଲେ।

ଶିକ୍ଷା ଗୁଣାବଳୀ, ପାରମ୍ପରିକ ଓ ଆଧୁନିକ ଶିକ୍ଷା ପ୍ରଣାଳୀକୁ ନେଇ ବିଶେଷ ବକ୍ତବ୍ୟ ରଖିଥିଲେ ମାନ୍ୟ ଗଣ୍ୟ ଅତିଥି ବୃନ୍ଦ। ସାଇଲୋର ଯୁବ ସରପଞ୍ଚ ସରୋଜ କୁମାର ସେଠୀଙ୍କ ତତ୍ୱାବଧାନରେ ଚାଲିଥିବା ତିନି ଦିନିଆ ସୁବର୍ଣ୍ଣ ଜୟନ୍ତୀ କାର୍ଯ୍ୟର ପ୍ରାରମ୍ଭରେ ଆମ ସ୍କୁଲ କହିବ ଆମ କଥା ନାମକ ଏକ ନିଚ୍ଛକ ଚିତ୍ର ପ୍ରଦର୍ଶିତ ହୋଇଥିଲା। ବିଧାୟକ ଓ ସାଂସଦଙ୍କ ଦ୍ୱାରା ବିଦ୍ୟାଳୟର ନୂତନ ଭିତ୍ତି ପ୍ରସ୍ତର ସ୍ଥାପନ ସହ ହାଇମାଷ୍କ ଲାଇଟ ମଧ୍ୟ ଉଦଘାଟନ କରାଯାଇଥିଲା। ଏହି କାର୍ଯ୍ୟକ୍ରମ ପରେ ବିଭିନ୍ନ ସାଂସ୍କୃତିକ କାର୍ଯ୍ୟ ଉପସ୍ଥାପନ କରାଯାଇଥିଲା, ଯାହା ଦର୍ଶକଙ୍କ ମନ ମୋହିଥିଲା।
କୋରା ନଦୀ ପୋଲରୁ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର

କେନ୍ଦୁଝର ଜିଲ୍ଲା ବଲାଣି ଥାନା, ଆରିୟା ପ୍ଲାଣ୍ଟ ନିକଟ କାରୋ ନଦୀ ପୋଲରୁ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତକ ଯୋଡ଼ା ଅଞ୍ଚଳର ୬୨ ବର୍ଷୀୟ ଝାଡେଶ୍ୱର ସାହୁ। ସେ ଯୋଡ଼ା ଟାଟା ଷ୍ଟିଲ କମ୍ପାନୀର ଜଣେ ଅବସରପ୍ରାପ୍ତ କର୍ମଚାରୀ ଥିଲେ । ଅବସର ପରେ ସେ ନିଜ ପରିବାର ସହିତ ଯୋଡାରେ ରହି ବଲାଣି ଅଞ୍ଚଳରେ ଥିବା କୌଣସି ଏକ ଘରୋଇ ସଂସ୍ଥାରେ କାମ କରୁଥିଲେ । ଗତକାଲି ସେ ପିକନିକ୍ ଯାଉଛି କହି ଘରୁ ବାହାରି ଆସି ଆଉ ଘରକୁ ଫେରି ନଥିଲେ ବୋଲି ତାଙ୍କ ପୁଅ ମନୋରଞ୍ଜନ ସାହୁ ସୂଚନା ଦେଇଛନ୍ତି । ଆଜି ସକାଳୁ କାରୋ ନଦୀ ବ୍ରିଜରେ ଝାଡେଶ୍ୱରଙ୍କ ମୃତଦେହ ଝୁଲୁ ଥିବାର ଦେଖିବାକୁ ମିଳିଥିଲା । ତେବେ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଲା ତାହା ଜଣାପଡିନାହିଁ । ଏହା ଆତ୍ମହତ୍ୟା ନା ଆଉ କିଛି କାରଣ ରହିଛି ସେନେଇ ବଲାଣି ପୋଲିସ୍ ଖୋଳତାଡ଼ ଚଳାଇଛି । ପୋଷ୍ଟ ମାର୍ଟମ୍ ରିପୋର୍ଟ ଆସିବା ପରେ ମୃତ୍ୟୁ ପଛର ପ୍ରକୃତ କାରଣ ସ୍ପଷ୍ଟ ହୋଇପାରିବ ବୋଲି ପୋଲିସ କହିଛି ।
ଆନନ୍ଦପୁର ଡବଲ୍ ମର୍ଡର ଘଟଣା: ଅଭିଯୁକ୍ତକୁ ଆଜୀବନ କାରାଦଣ୍ଡାଦେଶ

ଏକ ଲୋମହର୍ଷଣକାରୀ ତବଲ ମଡର୍ର ଘଟଣାରେ ହତ୍ଯାକାରୀ ଯୁବକ ଦେବାଶିଷକୁ ଆଜୀବନ କାରାଦଣ୍ଡ ସହ ୨୫ ହଜାର ଟଙ୍କା ଜରିମାନାରେ ଦଣ୍ଡିତ କରିଛନ୍ତି କେନ୍ଦୁଝର ଜିଲ୍ଲା ଆନନ୍ଦପୁର ଅତିରିକ୍ତ ଜିଲ୍ଲା ଓ ଦୌରାଜଜ୍ କୋର୍ଟ । ଏଥିସହ ଏହି ମାମଲାରେ ଦଫା ୩୭୮ରେ ଦୁଇବର୍ଷ ଜେଲ ଦଣ୍ଡ ସହ ୩ହଜାର ଟଙ୍କା ଜରିମାନା, ଦଫା ୪୩୬ରେ ୬ମାସ ଜେଲ୍ ସହ ୧୦ହଜାର ଜରିମାନା ଓ ଦଫା ୪୬୧ ରେ ଏକ ବର୍ଷ ଜେଲ୍ ସହ ଏକ ହଜାର ଜରିମାନାର ରାୟ ଦେଇଛନ୍ତି କୋର୍ଟ। ଏଠାରେ ସୂଚନାଯୋଗ୍ଯ, ଗତ ୨୦୨୦ ମସିହା ସେପ୍ଟେମ୍ବର ମାସ ୯ ତାରିଖ ରାତିରେ ଏକ ଡବଲ ମର୍ଡର ହୋଇଥିଲା। ଏଥିରେ ଜଞ୍ଜାଳୀ ଜେନା ଓ ପୁଅ ବନମାଳୀ ଜେନାଙ୍କ ମୃତ୍ୟୁ ହୋଇଥିଲା। ଉଭୟ ନନ୍ଦିପଦା ଥାନା ଅଧୀନ କଳିଗାଁଠାରେ ଥିବା ଏକ ପରିତ୍ୟକ୍ତ ଅଙ୍ଗନବାଡି କେନ୍ଦ୍ରକୁ ଲାଗି ପଲାମାରି ରହୁଥିଲେ। ସେହି ରାତିରେ ଅଭିଯୁକ୍ତ ସେମାନଙ୍କ ପଲା ଭିତରେ ପଶି ଅଭିଯୁକ୍ତକୁ ଯୋର ଜବରଦସ୍ତ ଟଙ୍କା ମାଗିଥିଲା। ସେମାନେ ଟଙ୍କା ନଦେବାରୁ ଯୁକ୍ତି ହୋଇଥିଲା । ଯୁକ୍ତିତର୍କରେ ଉତ୍କ୍ଷିପ୍ତ ହୋଇ ଅଭିଯୁକ୍ତ ଏକ ବାଉଁଶରେ ପିଟିପିଟି ଉଭୟ ମା ଓ ପୁଅଙ୍କୁ ହତ୍ଯା କରିଥିଲା। ପରେ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ଉଭୟଙ୍କ ମୃତଦେହରେ ପେଟ୍ରୋଲ ଢାଳି ନିଆଁ ଲଗାଇଦେବା ସହ ଘରେ ଥିବା ଟଙ୍କା ନେଇ ଫେରାର ହୋଇଯାଇଥିଲା ହତ୍ଯାକାରୀ। କୋର୍ଟଙ୍କ ରାୟ ପରେ ଆନନ୍ଦପୁର ସରକାରୀ ଓକିଲ ବାଇଧର ସେଠୀ ସୂଚନା ଦେଇଛନ୍ତି।
ଧନୁଯାତ୍ରାର ତୃତୀୟ ରଜନୀରେ କୃଷ୍ଣ ଜନ୍ମ, ଗୋପପୁରରେ ନନ୍ଦୋତ୍ସବ ପାଳିତ

ପାରମ୍ପରିକ ଲୋକନାଚ, ଗୀତ ଓ ବାଦ୍ୟରେ ଦୁଲୁକୁଛି ରଙ୍ଗମହଲ, ରାଜ ଦରବାର । ଧନୁଯାତ୍ରା ତୃତୀୟ ରଜନୀରେ ମହାରାଜା କଂସ ଦିଗବିଜୟ ପରେ ମା’ ଶ୍ୟାମାକାଳୀଙ୍କ ଦର୍ଶନ ସାରି ବାହାରିଥିଲେ ମଥୁରା ପରିଭ୍ରମଣରେ । ଭଉଣୀ ଦେବକୀ ଗର୍ଭରୁ ଅଷ୍ଟମ ସନ୍ତାନ ଜନ୍ମର ସୂଚନା ବିଳମ୍ବରେ ଦେବାରୁ ମହାରାଜା କଂସ ଦାସୀ ମୁଦୁସୁଲିଙ୍କୁ କରିଥିଲେ ହତ୍ୟା । ଏହାପରେ ଦେବକୀର ଅଷ୍ଟମ ସନ୍ତାନକୁ ହତ୍ୟା କରିବା ପାଇଁ କାରାଗୃହରେ ପହଞ୍ଚି ବିଜୁଳି କନ୍ୟାକୁ ଶିଳାରେ ପ୍ରହାର କରିଥିଲେ। ଏହି ସମୟରେ ହୋଇଥିଲା ଦୈବବାଣୀ । ଦୈବବାଣୀ ଶୁଣି ମହରାଜା ଭୟଭୀତ ହୋଇ ମହର୍ଷି ନାରଦଙ୍କ ପରାମର୍ଶ କ୍ରମେ ରାକ୍ଷସୀ ପୁତନା ବକା, ଶକଟା, ତୃଣା, ଧେନୁ, ଷଣ୍ଢାଷୁର ଆଦି ଷଡ଼ମଲ୍ଲ ବୀରଙ୍କୁ ଗୋପପୁର ପ୍ରେରଣ କରିବାକୁ ଡକାଇଥିଲେ। ।

ସେପଟେ ଗୋପପୁରରେ ଶ୍ରୀକୃଷ୍ଣଙ୍କ ନନ୍ଦୋତ୍ସବ ଚାଲିଛି। ପ୍ରେମରେ ବିଭୋର ହୋଇଛନ୍ତି ଗୋପୀ, ଗୋପାଙ୍ଗନା । ଦ୍ବାପରର ଚରିତ୍ର ମହି ମଣ୍ଡଳରେ ଉପସ୍ଥାପନ କରୁଥିବା କଳାକାରଙ୍କ ମଧ୍ୟରେ ଦେଖିବାକୁ ମିଳିଛି ଅହେତୁକ ଆନନ୍ଦ। ଅନ୍ୟପଟେ ଏହି ଉତ୍ସାବରେ ଏସପି ବରଗଡ ମଧ୍ୟ ଉପସ୍ଥିତ ରହିଥିଲେ। ସେପଟେ ଧନୁଯାତ୍ରା ମହୋତ୍ସବର ଆଜି ଚତୁର୍ଥ ରଜନୀରେ ମଥୁରାନଗରୀରେ କଂସଙ୍କ ମନ୍ତ୍ରଣା କ୍ରମେ ପୁତନା, ବକା, ଶକଟା, ତୃଣା, ଧେନୁ, ଷଣ୍ଢାସୁର ଆଦିଙ୍କୁ ଗୋପପୁର ପ୍ରେରଣ, କଂସଙ୍କ ଦ୍ବାରା ମୁକ୍ତେଶ୍ବର ବାବାଙ୍କ ରୁଦ୍ରାଭିଷେକ, ଗୋପପୁରରେ ଶ୍ରୀକୃଷ୍ଣଙ୍କ ବାଲ୍ୟଲୀଳା, କଂସ ପ୍ରେରିତ ପୁତନା, ଷଡ଼ମଲ୍ଲଙ୍କୁ ବଧ, ନନ୍ଦୋତ୍ସବ ନାଟ୍ୟ୍ୟାଭିନୟ କାର୍ଯ୍ୟକ୍ରମ ଅନୁଷ୍ଠିତ ହେବ ।
ବଳରାମ ଧିର ବିଦ୍ୟାଳୟର ୧୯୯୯ ବ୍ୟାଚ୍ ଛାତ୍ରଛାତ୍ରୀଙ୍କ ଦ୍ବାରା ଶିକ୍ଷକ ସମ୍ବର୍ଦ୍ଧନା ଉତ୍ସବ

ଘଷିପୁରା ବ୍ଲକ ଅନ୍ତର୍ଗତ ପୁରୁଣାବାନ୍ଧଗୋଡା ସ୍ଥିତ ବଳରାମ ଧୀର ଉଚ୍ଚ ବିଦ୍ୟାଳୟର ୧୯୯୯ ବ୍ୟାଚର ଛାତ୍ରଛାତ୍ରୀମାନଙ୍କ ଦ୍ଵାରା ଶିକ୍ଷକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଏକ ସାଧାରଣ ସଭାରେ ପୁରାତନ ଛାତ୍ର ତାରିଣୀ ପ୍ରସାଦ ପଟ୍ଟନାୟକଙ୍କ ସଭାପତିତ୍ବରେ ଅବସରପ୍ରାପ୍ତ ଶିକ୍ଷକ ବଳରାମ ଦାସ, ଇଶ୍ୱର ଚନ୍ଦ୍ର ବେହେରା, ବୈଷ୍ଣବ ଚରଣ ସେନାପତି, ବଳଭଦ୍ର ବେହେରାଙ୍କୁ ଉତ୍ତରୀୟ ଓ ପୁଷ୍ପଗୁଛ ଦେଇ ସ୍ବାଗତ ସମ୍ବର୍ଦ୍ଧନା କରାଯାଇଥିଲା। ଛାତ୍ରଙ୍କ ମଧ୍ୟରେ ସ୍ନେହ ଓ ସଦଭାବନା ଆଦାନ ପ୍ରଦାନର ମାଧ୍ୟମ ହେଉଛି ବନ୍ଧୁ ମିଳନ।

ସ୍କୁଲର ଶିକ୍ଷକ ମାନଙ୍କ ଦିଗଦର୍ଶନ ପାଇ ଆଜି ଛାତ୍ରଛାତ୍ରୀ ବିଭିନ୍ନ କ୍ଷେତ୍ରରେ ସଫଳ ହୋଇପାରିଛନ୍ତି। ସେମାନଙ୍କ ଏହି ଉନ୍ନତ କାର୍ଯ୍ୟକୁ ଉପସ୍ଥିତ ଛାତ୍ରଛାତ୍ରୀ ବର୍ଣ୍ଣନା କରିବା ସହ ପୁରୁଣା ଦିନର ସ୍ମୃତିଚାରଣ କରିଥିଲେ। ଏହି କାର୍ଯ୍ୟକ୍ରମକୁ ସଂଜିବ ସେଠୀ,ସତ୍ୟବ୍ରତ ପଟ୍ଟନାୟକ,ଚଗଲା ସା, ସଂଜିତ ଦାସ,ଲିପକ ବେହେରା, ମନୋରଞ୍ଜନ ବିଶୋଇ, ପଙ୍କଜ ବେହେରା, କୀର୍ତ୍ତିମାଳା ନାୟକ, କୁନି ରଣା, କବିତା ଚକ୍ର,ମିତା ନାୟକ ସହ ସମସ୍ତ ଛାତ୍ରଛାତ୍ରୀ ପରିଚାଳନା ରେ ସହଯୋଗ କରିଥିଲେ। ପରିଶେଷରେ ଛାତ୍ରୀ କବିତା ଚକ୍ର ସମସ୍ତ ଛାତ୍ରଛାତ୍ରୀଙ୍କୁ ଧନ୍ୟବାଦ ଅର୍ପଣ କରିଥିଲେ।
କୃଷ୍ଣଙ୍କ ନାମ ସଂକୀର୍ତ୍ତନରେ ଆଧ୍ୟାତ୍ମମୟ ପୂରା ପରିବେଶ

ଉଦଯାପନୀ ଉତ୍ସବରେ ଯୋଗଦେଲେ ମନ୍ତ୍ରୀ ଅଶ୍ଵନୀ କୁମାର ପାତ୍ର, ମନ୍ତ୍ରୀ ପ୍ରିତୀରଞ୍ଜନ ଘଡେଇ ଏବଂ କୋଶଳ କବି ପଦ୍ମଶ୍ରୀ ହଳଧର ନାଗ୍

କେନ୍ଦୁଝର ଜିଲ୍ଲାର ଅନ୍ୟତମ ଅଗ୍ରଣୀ ସାମାଜିକ ଏବଂ ସାଂସ୍କୃତିକ ଅନୁଷ୍ଠାନ କୃଷ୍ଣଲୀଳା ଲୋକନୃତ୍ୟ ସଂଘ ଆନୁକୂଲ୍ୟରେ ଯୋଡ଼ା ବ୍ଲକ୍, ବଡହୁଣ୍ଡୁଳା ଗ୍ରାମରେ ୩ ଦିନ ଧରି କୃଷ୍ଣଲୀଳା ରାସ ମହାମଞ୍ଚ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ କେନ୍ଦୁଝର ଜିଲ୍ଲାର ୪୨ ଟି ରାସ ସଙ୍କୀର୍ତ୍ତନ ଦଳ ଗୋଟିଏ ମଞ୍ଚରେ ଯୋଗ ଦେଇ ପାରମ୍ପାରିକ ନାମ ସଙ୍କୀର୍ତ୍ତନ ନୃତ୍ୟ କଳା ପ୍ରଦର୍ଶନ କରି ଲୋକଙ୍କୁ ବିମୋହିତ କରିଥିଲେ । ସଙ୍କୀର୍ତ୍ତନ ଦଳ ଗୁଡିକ ମଧ୍ୟରେ ପ୍ରତିଯୋଗିତା କରାଯାଇ ବିଚାରକଙ୍କ ଦ୍ଵାରା ପ୍ରତି ଦଳ ରୁ ୪ ଜଣ ଲେଖାଏଁ କୃତୀ ପ୍ରତିଭାଙ୍କୁ ଚୟନ କରାଯାଇ ଉଦଯାପନୀ ଉତ୍ସବରେ ମାନପତ୍ର ପ୍ରଦାନ ପୂର୍ବକ ରାସ ରତ୍ନ ସମ୍ମାନ ରେ ସମ୍ମାନିତ କରାଯାଇଥିଲା ।

ଏହା ବ୍ୟତୀତ ଜିଲ୍ଲାର ସମସ୍ତ ମନୋନୀତ ବୟୋଜ୍ୟେଷ୍ଠ କଳାକାରଙ୍କୁ ସାରସ୍ଵତ ସଂକୀର୍ତ୍ତନ ସାଧକ ଭାବେ ସମ୍ବର୍ଦ୍ଧିତ କରାଯାଇଥିଲା । ଉକ୍ତ ସମ୍ବର୍ଦ୍ଧନା ସମାରୋହରେ ରାଜ୍ୟ ସରକାଙ୍କ ପର୍ଯ୍ୟଟନ, ଓଡିଆ ଭାଷା, ସାହିତ୍ୟ ଓ ସଂସ୍କୃତି ତଥା ଅବକାରୀ ବିଭାଗ ମନ୍ତ୍ରୀ ଅଶ୍ଵନୀ କୁମାର ପାତ୍ର, ମୁଖ୍ୟ ଅତିଥି ଭାବରେ ଯୋଗ ଦେଇଥିବାବେଳେ, ଗ୍ରାମ୍ୟ ଉନ୍ନୟନ, ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ମନ୍ତ୍ରୀ ପ୍ରିତୀରଞ୍ଜନ ଘଡେଇ ସ୍ୱତନ୍ତ୍ର ଅତିଥି ଭାବେ ଯୋଗଦେଇଥିଲେ ।

ସେହିପରି ବଡ଼ବିଲ ମହାବିଦ୍ୟାଳୟର ଓଡ଼ିଆ ଅଧ୍ୟାପକ ଡ. ଅସିତ୍ ପ୍ରଧାନ ମୁଖ୍ୟବକ୍ତା, ଚମ୍ପୁଆ ବିଧାୟିକା ମିନାକ୍ଷୀ ମହାନ୍ତ ଏବଂ କୋଶଳ କବି ପଦ୍ମଶ୍ରୀ ହଳଧର ନାଗ୍ ସମ୍ମାନୀତ ଅତିଥି ଭାବରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ସ୍ଥାନରୁ ହଜାର ହଜାର ସଂସ୍କୃତିପ୍ରେମୀ ଯୋଗଦେଇଥିଲେ।
‘ମଦର’ ତରଫରୁ ନାରୀ ଶକ୍ତି ସମ୍ବର୍ଦ୍ଧନା ସମାରୋହ

ଜଗତସିଂହପୁର ତିର୍ତୋଲ ଆନନ୍ଦ ମଣ୍ଡପ ହଲରେ ନାରୀ ଶକ୍ତି ସମ୍ବର୍ଦ୍ଧନା ସମାରୋହ ପାଳିତ ହୋଇଯାଇଛି। ସାମାଜିକ ଅନୁଷ୍ଠାନ ମଦର ତରଫରୁ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଶିଷ୍ଟ ସମାଜସେବୀ, ସୁଲେଖିକା ସସ୍ମିତା ଦାସ ଯୋଗ ଦେଇ ସମାଜ ଗଠନରେ ମହିଳାଙ୍କ ଗୁରୁତ୍ବ ଉପରେ ଦୃଷ୍ଟିପାତ କରିଥିଲେ। ସଚରାଚର ସୃଷ୍ଟିର ସର୍ଜନାରେ ପ୍ରକୃତି ବା ନାରୀ ଶକ୍ତିର ଭୂମିକା ପରି ସନ୍ତାନ ଧାରଣଠାରୁ ଆରମ୍ଭ କରି ପରିବାର ପରିଚାଳନା ତଥା ସମାଜ ଗଠନ ଦିଗରେ ମହିଳାମାନଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଛି।

ତେଣୁ ସମାଜ ଗଠନରେ ସାରଥୀ ସାଜିବାକୁ ମହିଳାଙ୍କୁ ପ୍ରୋତ୍ସାହିତ କରିବାକୁ ଏହି ସମ୍ବର୍ଦ୍ଧନା ସଭା ମଦର ପକ୍ଷରୁ ଆୟୋଜନ କରାଯାଇଛି। କାର୍ଯ୍ୟକ୍ରମରେ ଯୋଗଦେଇ ଅତିଥିଗଣ ମହିଳା ସଶକ୍ତିକରଣର ମହତ୍ବ ସମ୍ପର୍କରେ ସମ୍ୟକ ମତବ୍ୟକ୍ତ କରିଥିଲେ। ମଦର ନିର୍ଦେଶକ ସୁବାସ ରଥ, ଜିଲାରେ ମଦର ତରଫରୁ କରାଯାଉଥିବା ଆର୍ଥୀକ ସଚେତନତା ଓ ସାକ୍ଷରତା ଉପରେ ଗୁରୁତ୍ୱରୋପ କରିଥିଲେ।

ଏହି ଅବସରରେ ଜିଲ୍ଲାରେ ମହିଳାଙ୍କୁ ସଶକ୍ତ କରିବା ଦିଗରେ ଉଲେଖ୍ୟନୀୟ କାର୍ଯ୍ୟ କରି ସୁନାମ ଅର୍ଜନ କରିଥିବା 5ଜଣ ମହିଳାଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏହିପରି ସମ୍ବର୍ଦ୍ଧନାରେ ଉତ୍ସାହିତ ହୋଇ ଆଗାମୀ ଦିନରେ ଅଧିକରୁ ଅଧିକ ମହିଳା ସାମାଜିକ ପରିବର୍ତ୍ତନ ଦିଗରେ କାର୍ଯ୍ୟକରି ଦେଶ ବିଦେଶରେ ସୁନାମ ଅର୍ଜନ କରିବେ।
ବରୀ ନିର୍ବାଚନ ମଣ୍ଡଳୀରେ ବିଭିନ୍ନ ମନ୍ଦିର ଏବଂ ଘରେ ଘରେ ଦୀପ ଦାନ

ଚଳିତ ମାସ ୨୨ ତାରିଖଦିନ ଅଯୋଧ୍ୟା ରେ ହେବ ପ୍ରଭୁ ଶ୍ରୀରାମଙ୍କ ଭାବ୍ୟ ମନ୍ଦିର ଓ ପ୍ରାଣପ୍ରତିଷ୍ଠା । ଏହି ପ୍ରରିପ୍ରେକ୍ଷୀରେ ବରୀ ନିର୍ବାଚନ ମଣ୍ଡଳୀରେ ବିଭିନ୍ନ ମନ୍ଦିର ଏବଂ ଘରେ ଘରେ ଦୀପ ଦାନ କରାଯାଉଛି l ଗୀତିକାର ଦିଲୀପ ଜେନାଙ୍କ ନେତୃତ୍ୱରେ ଧାରପୁର ପଂଚାୟତ ରେ ଘର ଘର ବୁଲି ଏକ ସୁସଜ୍ଜିତ ରଥରେ ପ୍ରଭୁ ଶ୍ରୀରାମ ବେଶ ହୋଇ ପ୍ରଦୀପ ପ୍ରଜ୍ବଳନ ପାଇଁ ଗ୍ରାମବାସୀ ମାନଙ୍କୁ ନିବେଦନ କରାଯାଇଥିଲା। ଏଥି ସହ ପ୍ରଭୁ ରାମଚନ୍ଦ୍ରଙ୍କ ଉପରେ ଆଧାରିତ ହେମନ୍ତ ଦାସଙ୍କ ନିର୍ଦ୍ଦେଶନାରେ ଏକ ଭଜନ ମଧ୍ଯ ସୁଟିଂ କରାଯାଇଛି ।

ଏହି କାର୍ଯ୍ୟକ୍ରମରେ ଅଭିନେତା ପ୍ରକାଶ ସୁଧାଂଶୁଙ୍କ ସମେତ ଅନେକ କଳାକାର ଏବଂ ରାମଙ୍କ ଭକ୍ତ ସାମିଲ ହୋଇଥିଲେ। ଏହି ଭଜନରେ ଓଲିଉଡ କଣ୍ଠଶିଳ୍ପୀ ଶ୍ରୀଚରଣ ଓ ପଙ୍କଜ ଝାଲ କଣ୍ଠ ଦାନ କରିଥିବା ବେଳେ ସ୍ଥାନୀୟ ଅଞ୍ଚଳରେ ଏହାକୁ ନେଇ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା।