ଅଙ୍ଗନୱାଡ଼ି କେନ୍ଦ୍ରର ଛାତ ଉପରୁ ଜଣେ ନାବାଳକର ମୃତଦେହ ଉଦ୍ଧାର । ମୃତକ ହେଲେ ବିଲେଇପଦା ମୁଣ୍ଡା ସାହିର ଗୋବିନ୍ଦ ବବୋଙ୍ଗାଙ୍କ ୭ ବର୍ଷର ପୁଅ ଅରୁଣ ବବୋଙ୍ଗା । ଏହି ପୁରୁଣା ଅଙ୍ଗନୱାଡ଼ି କେନ୍ଦ୍ରର ଛାତ ଉପର ଦେଇ ପାଖ ଦୋକାନକୁ ବିଦ୍ୟୁତ୍ ତାର ସଂଯୋଗ ଯାଇଥିବାବେଳେ ନା’ବାଳକର ମୃତ ଦେହ ବିଦ୍ୟୁତ୍ ତାର ଉପରେ ପଡ଼ିଥିବାର ଦେଖିବାକୁ ମିଳିଛି । ତେଣୁ ଇଲେକ୍ଟ୍ରି କରେଣ୍ଟ ଲାଗି ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ଖବର ପାଇ ଯୋଡ଼ା ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିବା ସହ ଘଟଣାର ତଦନ୍ତ ଚଳାଇଛି । ଶବ ବ୍ୟବଚ୍ଛେଦ ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ପୋଲିସ କହିଛି ।
ଯାଜପୁର ରୋଡ ଚନ୍ଦନ ଜୁଏଲାର୍ସ ତରଫରୁ ସହରର କୁନି କୁନି ପିଲାମାନଙ୍କୁ ନେଇ ଆୟୋଜିତ ହୋଇଥିବା ରଜ କୁଇନର ସିଜିନ-୧ ମେଗା ଅଡିସନ ଆଜି ବ୍ୟାସନଗର ସ୍ଥିତ ସଂସ୍କୃତି ଭବନ ପରିସର ରେ ଅନୁଷ୍ଠିତ ହୋଇଯାଇଅଛି।
ଏହି ରଜକୁଇନ ସିଜିନ ୧ ରେ ମୋଟ ୮୫ ଜଣ ଅଂଶଗ୍ରହଣ କରିଥିବା ବେଳେ ସେମାନଙ୍କ ମଧ୍ୟରୁ ୨୭ ଜଣ ପାଟିସିପେଣ୍ଟ ଙ୍କୁ ମେଗା ଅଡିସନରେ ସୁଯୋଗ ଦିଆଯାଇଥିଲା. ପ୍ରତିଯୋଗୀ ମାନଙ୍କ ମଧ୍ୟରୁ ଯାଜପୁର ରୋଡ ର ଦିବ୍ୟାନ୍ସୀ ବିଶ୍ୱାଳ ପ୍ରଥମ ଓ ଭଦ୍ରକ ର ସାନଭି ମହାନ୍ତି ଦୁତୀୟ ସ୍ଥାନ ଅର୍ଜନ କରିଥିବା ଚନ୍ଦନ ଜୁଏଲାର୍ସ ର ପ୍ରୋପାଇଟର ଚନ୍ଦନ କୁମାର କର୍ମେକାର ସୂଚନା ଦେଇଛନ୍ତି।
ଏଥି ସହିତ ମେଗା ଅଡିସନ ରେ ଭାଗ ନେଇଥିବା ସମସ୍ତ ପାଟିସିପେଣ୍ଟ ମାନଙ୍କୁ ଚନ୍ଦନ ଜୁଏଲାର୍ସ ତରଫରୁ ସାର୍ଟିଫିକେଟ ଓ ଟ୍ରଫି ସହ ୫୦୦୦ ଟଙ୍କା ର ପରଚେଜ କୁପନ ପ୍ରଦାନ କରିବା ସହିତ ରଜ କୁଇନ ହୋଇଥିବା ପ୍ରଥମ ଓ ଦ୍ୱତୀୟ ପାଟିସିପେଣ୍ଟ ଙ୍କୁ ଅନୁଷ୍ଠାନ ତରଫରୁ ଆର୍ଥିକ ରାଶି ୫୩୦୦ ଓ ୩୩୦୦ ଟଙ୍କା ପ୍ରଦାନ କରାଯିବା ସହ ୧୫୦୦୦ ଓ ୧୦୦୦୦ ଟଙ୍କା ର ପରଚେଜ କୁପନ ଦିଆଯାଇଥିବା ରଞ୍ଜନ କୁମାର କର୍ମେକାର କହିଥିଲେ.କୁନି କୁନି ପିଲାମାନଙ୍କ ଭିତରେ ରହିଥିବା ଲୁକାୟିତ ପ୍ରତିଭାକୁ ଲୋକଲୋଚନକୁ ଆଣିବା ପାଇଁ ଚନ୍ଦନ ଜୁଏଲାର୍ସର ଏଭଳି ଏକ ଭିନ୍ନ ପ୍ରୟାସକୁ ସହରବାସୀ ପ୍ରଶଂସା କରିଛନ୍ତି।
ଜନ୍ମିତ ସନ୍ତାନ ସହ ରୋଗୀଣା ପତ୍ନୀଙ୍କୁ କ୍ରୋଧ ଜର୍ଜରିତ ସହ ରକ୍ତ ମୁଖ। ପାଲୋଟି ବର୍ବ ରୋଚିତ କାଣ୍ଡ ଘଟାଇ (ଟାଙ୍ଗିଆରେ ହାଣି) ନିଜେ ଫେରାର୍ ହେବା ଘଟଣା ଚର୍ଚ୍ଚାର ବିଷୟ ହୋଇଛି । ଏଭଳି ଏକ ଲୋମ ହର୍ଷଣକାରୀ ଘଟଣା ଦେଖା ଦେଇଛି ଉତ୍ତର ଭୋଗରାଇ ଖରିଦ ପିପଳ ପଞ୍ଚାୟତ ଅନ୍ତର୍ଗତ ଦହମୁଣ୍ଡା ଗାଁରେ ।
ସୂଚନା ଅନୁସାରେ, ଏହିକି ଦହମୁଣ୍ଡା ଗ୍ରାମର ପଲ୍ଟୁ ଜେନା ନିଜ ପତ୍ନୀ ସହ ଆର୍ଥିକ ଦୁଃସ୍ଥିତି ନେଇ ଘରୋଇ ମନାନ୍ତରକୁ ନେଇ ରକ୍ତମୁଖା ପାଲଟିଥିବାର ଜଣାପଡ଼ିଛି । ଗତକାଲି ରାତ୍ରିରେ କ୍ରୋଧାନ୍ୱିତ ହୋଇ ଅଜ୍ଞାତ ଦୁଇ ସନ୍ତାନ ସହ ପତ୍ନୀଙ୍କୁ ଏକ ଧାରୁଆ ଟାଙ୍ଗିଆରେ ହାଣି ରକ୍ତାକ୍ତ କରିଛି । ତତ୍ସହ ଛୋଟ ସନ୍ତାନଟିକୁ କଚାଡ଼ି ମାରିବା ପ୍ରୟାସ କରିଛି । ଧାରୁଆ ଟାଙ୍ଗିଆ ଟିକୁ ପ୍ରତିବେଶୀମାନେ ଘରର ଅନତି ଦୂରରେ ପଡ଼ିଥିବାର ଦେଖି ଉଦ୍ଧାର କରିଛନ୍ତି । ଏଭଳି ଅଭାବନୀୟ ଘଟଣା ଜାଣି ପ୍ରତିବେଶୀସହ ଅଭିଯୁକ୍ତଙ୍କ ବାପା ମାଆ କୌଶଳ କ୍ରମେ ଆହତ ମାନଙ୍କୁ ନରହନ୍ତା ଠାରୁ ଉଦ୍ଧାର କରି ପ୍ରଥମେ କମର୍ଦ୍ଦା ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ମାତ୍ର ଅବସ୍ଥା ଅଣାୟତ୍ତ ହେବାରୁ ଜିଲ୍ଲା ସଦର ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା ।
ସେଠାରେ ପ୍ରାଥମିକ ଚିକିତ୍ସା ପରେ ଆହତ ମାନଙ୍କୁ କଟକ ବଡ଼ ଡ଼ାକ୍ତରଖାନା ନେବା ନେଇ ଖବର ମିଳିଛି । ମାତ୍ର ନରହନ୍ତା ପଲ୍ଟୁଜେନା ଏଭଳି ଅମାନବୀୟ କାର୍ଯ୍ୟକରି ଘଟଣା ସ୍ଥଳରୁ ଚମ୍ପଟ ମାରି, ଫେରାର ହୋଇଛି । ଘଟଣା ସ୍ଥଳରୁ କୌଣସୀ ସୂତ୍ରରୁ ଜଣା ପଡିଛି କି ଅଭିଯୁକ୍ତଙ୍କ ପତ୍ନୀ ଦୀର୍ଘଦିନୁ ମେରୁଦଣ୍ଡ କ୍ଷତ ଜନିତ ପୀଡ଼ିତ ଥାଇ ପ୍ରାୟତଃ ଅକ୍ଷମ ପାଲୋଟିଅଛନ୍ତି । ଏଣୁ ପତ୍ନୀଙ୍କ ଚିକିତ୍ସା ଜନିତ ବହୁ ଅର୍ଥ ଆବଶ୍ୟକତା ପୁରଣ କରିବା ପଲ୍ଟୁ ପକ୍ଷେ ଅସମ୍ଭବ ହୋଇ ପଡ଼ିଛି, ଏ ନେଇ ପରିବାର ସହ ସଦସର୍ବଦା କଳିତକରାଳ ହେବା ସହ ଦୀର୍ଘ ଦିନୁ ମାନସିକ ଚାପଗ୍ରସ୍ତ ଥାଇ ଏଭଳି ଘଟଣା ଭିଆଇବା ନେଇ ପଡ଼ୋଶୀଙ୍କ ଠlରୁ ଆପାତତଃ ସୂଚନା ମିଳିଛି । ଏପରିକି ଅଭିଯୁକ୍ତ ଜଣକ ଙ୍କର କୌଣସି ମନ୍ଦ ଅଭ୍ୟାସ ନଥିବା ସହ ସାଧାରଣ ଜୀବନ ଯାପନ କରିଥିବା ମଧ୍ୟ ଶୁଣାଯାଉଛି ।
ଏଥି ସହ ଅଭିଯୁକ୍ତ ଏଭଳି ଅମାନବୀୟ ଘଟଣା ଘଟାଇ ଫେରାର୍ ହୋଇ ନିଜେ ଜୀବନ ହାରିଛି କି ନାହିଁ ସମସ୍ତେ ସନ୍ଦେହ ଘେରରେ ଅଛନ୍ତି । କମର୍ଦ୍ଦା ପୋଲିସ ଘଟଣା ଜାଣି ଅଭିଯୁକ୍ତ ଙ୍କ ଘରେ ପହଞ୍ଚି ତଦନ୍ତ ଜାରୀ ରଖିଛି । ହାଣି ଥିବା ସନ୍ତାନ ଦୁଇଜଣଙ୍କ ବୟସ ଜଣେ ୮ ବର୍ଷର ଏବଂ ଅନ୍ୟଜଣେ ୬ ବର୍ଷ ର ଅଟନ୍ତି । ଅଭିଯୁକ୍ତଙ୍କ ମାଆ ଆହତଙ୍କ ସହ କଟକ ଯାଇଥିବା ବେଳେ ବାପା ଘରେ ଅଛନ୍ତି ।
ଦିଲ୍ଲୀର ଦ୍ୱାରକା ସେକ୍ଟର-୧୩ରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡ ଆପାର୍ଟମେଣ୍ଟର ସପ୍ତମ ମହଲାରେ ଘଟିଛି। ୮ଟି ଦମକଳ ଗାଡ଼ି ଘଟଣାସ୍ଥଳକୁ ପହଞ୍ଚିଛି। ଏହି ଦୁର୍ଘଟଣାରେ ତିନି ଜଣଙ୍କର ଜୀବନ ଯାଇଛି। କୋଠାରୁ ଡେଇଁ ପଡ଼ି ବାପା ସମେତ ଦୁଇ ପିଲାଙ୍କ ମୃତ୍ୟୁ ହୋଇଛି। କୋଠାରେ ନିଆଁ ଲିଭାଇବା କାର୍ଯ୍ୟ ଏବେ ବି ଜାରି ରହିଛି।
ଆପାର୍ଟମେଣ୍ଟରେ ଅଗ୍ନିକାଣ୍ଡ ଘଟଣା ଆତଙ୍କ ସୃଷ୍ଟି କରିଥିଲା। ସମ୍ପୂର୍ଣ୍ଣ ଆପାର୍ଟମେଣ୍ଟକୁ ଶୀଘ୍ର ଖାଲି କରାଯାଇଥିଲା। ଏହା ସତ୍ତ୍ୱେ, କିଛି ଲୋକ ଫସି ରହିଥିବା ସମ୍ଭାବନା ରହିଛି। ଏହି ଦୁର୍ଘଟଣାରେ ଦୁଇ ପିଲାଙ୍କ ସମେତ ତିନି ଜଣଙ୍କର ମୃତ୍ୟୁ ହୋଇଛି। ଏକ ପୋଲିସ ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଛି।
ଆପାର୍ଟମେଣ୍ଟରେ ରହୁଥିବା ଲୋକମାନେ ସେମାନଙ୍କ ଜିନିଷପତ୍ର ପୋଡ଼ି ଯିବା ନେଇ ଚିନ୍ତିତ। ନିଆଁର ନିଆଁ ବହୁତ ଦୂରରୁ ଉଠିଥିବା ଦେଖାଯାଇଛି। ନିଆଁ ଦ୍ରୁତ ଗତିରେ ଅନ୍ୟ ମହଲାକୁ ମଧ୍ୟ ବ୍ୟାପିବାରେ ଲାଗିଛି। ଏପରି ପରିସ୍ଥିତିରେ, କୋଠାର ଅନ୍ୟ ମହଲାରେ ଥିବା ଲୋକମାନେ ଏବଂ ନିକଟବର୍ତ୍ତୀ କୋଠାରେ ଥିବା ଲୋକମାନେ ମଧ୍ୟ ଭୟଭୀତ ଯେ ଏହି ନିଆଁ ସେମାନଙ୍କ ଘରକୁ ମଧ୍ୟ ପୋଡ଼ି ଦେଇପାରେ।
ଅନ୍ୟପକ୍ଷରେ, ରବିବାର ବିଳମ୍ବିତ ରାତିରେ ଦିଲ୍ଲୀର ଦିଲଶାଦ ଗାର୍ଡେନରେ ଅଗ୍ନିକାଣ୍ଡ ଘଟିଥିବା ଘଟଣା ସାମ୍ନାକୁ ଆସିଥିଲା । ଦିଲଶାଦ ଗାର୍ଡେନର କୋଡି କଲୋନୀରେ ଏକ ଇ-ରିକ୍ସା ଚାର୍ଜ କରିବା ସମୟରେ ଅଗ୍ନିକାଣ୍ଡ ଘଟିଥିଲା। ଏହି ଦୁର୍ଘଟଣାରେ ଦୁଇ ଜଣଙ୍କର ଜୀବନ ଯାଇଥିଲା । ପ୍ରାଣ ହରାଇଥିବା ଲୋକଙ୍କ ମଧ୍ୟରେ ଜଣେ ୨୪ ବର୍ଷୀୟ ଯୁବକ ଏବଂ ଜଣେ ୬୦ ବର୍ଷୀୟ ବୃଦ୍ଧ ସାମିଲ ଥିଲେ ।
ରାଜ୍ୟ ସରକାର ଅଙ୍ଗନବାଡ଼ି କେନ୍ଦ୍ରରେ ଶିଶୁମାନଙ୍କୁ ଦିଆଯାଉଥିବା ଅଣ୍ଡାର ମୂଲ୍ୟ ବୃଦ୍ଧି କରିଛନ୍ତି । ଅଣ୍ଡା ଦାମ ୫ ଟଙ୍କାରୁ ୭ ଟଙ୍କାକୁ ବୃଦ୍ଧି ହୋଇଛି । ଶିଶୁମାନଙ୍କ ପୋଷଣକୁ ଦୃଷ୍ଟିରେ ରଖି ରାଜ୍ୟ ସରକାର ଅଙ୍ଗନଓ୍ବାଡ଼ି କେନ୍ଦ୍ର ପାଇଁ ଦିଆଯାଉଥିବା ଅଣ୍ଡାର ମୂଲ୍ୟ ୨ ଟଙ୍କା ବଢାଇଛନ୍ତି । ଏଥିପାଇଁ ସରକାର ବର୍ଷକୁ ଅତିରିକ୍ତ ୧୭୫ କୋଟି ୧୪ ଲକ୍ଷ ଟଙ୍କା ଖର୍ଚ୍ଚ କରିବେ । ଏହି ନିଷ୍ପତ୍ତି ପାଇଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ କୃତଜ୍ଞତା ଜଣାଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । ସରକାର ଦେଉଥିବା ଅର୍ଥରେ ଆବଶ୍ୟକ ଅଣ୍ଡା ଦେବା ସମ୍ଭବ ହେଉନଥବା କର୍ମୀମାନେ ପୂର୍ବରୁ ଅଭିଯୋଗ କରିଥିଲେ । ତେଣୁ ଅଣ୍ଡାର ମୂଲ୍ୟ ବୃଦ୍ଧି ଲାଗି ଦୀର୍ଘ ଦିନ ହେଲା ଦାବି ହୋଇଆସୁଥିଲା ।
ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ମଧ୍ୟ ଏହି ସମସ୍ୟାକୁ ସ୍ବୀକାର କରିଥିଲେ । ବଜାରରେ ଗୋଟିଏ ଅଣ୍ଡାର ଦାମ୍ ୮ ଟଙ୍କା ଥିବାବେଳେ ସରକାର ଏ ବାବଦରେ ଦେଉଥିଲେ ୫ଟଙ୍କା । ଏହି କାରଣରୁ ଅଙ୍ଗନଓ୍ବାଡ଼ି ପିଲାଙ୍କୁ ମାସକୁ ୨୦ ବଦଳରେ ମାତ୍ର ୧୫ଟି ଅଣ୍ଡା ମିଳୁଥିଲା । ଗର୍ଭବତୀ ଓ ପ୍ରସୂତୀଙ୍କୁ ମାସିକ ୧୨ଟି ଅଣ୍ଡା ଦେବା କଥା, ମାତ୍ର ଅଙ୍ଗନଓ୍ବାଡ଼ି ଦିଦି କେଉଁଠି ୮ଟି ତ ଆଉ କେଉଁଠି ୯ଟି ଅଣ୍ଡା ଦେଉଥିବା ଅଭିଯୋଗ ହୋଇଥିଲା । ଶେଷରେ ଅଙ୍ଗନଓ୍ବାଡ଼ି କେନ୍ଦ୍ର ପାଇଁ ଦିଆଯାଉଥିବା ଅଣ୍ଡା ମୂଲ୍ୟ ବୃଦ୍ଧି ହୋଇଛି । ଏହି ନିଷ୍ପତ୍ତି ପରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଏକ୍ସ ମାଧ୍ୟମରେ କୃତଜ୍ଞତା ଜଣାଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।
କିଛି ଦିନ ପୂର୍ବରୁ, ବୁଲା କୁକୁର ଆକ୍ରମଣରେ ପିଲାଠାରୁ ବୁଢା ପର୍ଯ୍ୟନ୍ତ ସମସ୍ତେ ଗୁରୁତର ହୋଇ ବାଲେଶ୍ୱରର ବାଲିଆପାଳ ଡାକ୍ତରଖାନାରେ ଭର୍ତ୍ତି ହୋଇଥିଲେ। ଏମିତି ଅନେକ ଘଟଣା ଆମେ ଖବର କାଗଜରେ ପଢିଥିବା ଓ ଟିଭିରେ ମଧ୍ୟ ଦେଖିଥିବା । ଏଭଳି ଅଧିକାଂଶ ଘଟଣା ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ଘଟିଯାଇଛି । ଏହି ଦୁଇଟି ରାଜ୍ୟରେ କୁକୁର ଲୋକଙ୍କ ଜୀବନକୁ କଷ୍ଟକର କରିଦେଇଛନ୍ତି । ଏଠାରେ, ବୁଲା କୁକୁରମାନେ ଗଳିରେ ଖେଳୁଥିବା ପିଲାମାନଙ୍କୁ ଗୋଟିଏ ପରେ ଗୋଟିଏ ଆକ୍ରମଣ କରି ଗୁରୁତର ଆହତ ମଧ୍ୟ କରିଛନ୍ତି ।
ଏମିତିକି ଘର ଅଗଣାରେ ଖେଳୁଥିବା ପିଲାମାନଙ୍କୁ ରାସ୍ତାର ବୁଲା କୁକୁରମାନେ ମଧ୍ୟ ଆକ୍ରମଣ କରିଦେଇଥାନ୍ତି । ଏପରି ପରିସ୍ଥିତିରେ ବୁଲା କୁକୁରଙ୍କ ଆତଙ୍କ ଯୋଗୁଁ ଲୋକମାନେ ଭୟଭୀତ ହୋଇଗଲେ ଏବଂ ପ୍ରଶାସନ ମଧ୍ୟ ଏହି ବୁଲା କୁକୁରମାନଙ୍କୁ ଧରିବା ପାଇଁ ଅଭିଯାନ ଆରମ୍ଭ କରି ଲୋକଙ୍କୁ ଆଶ୍ୱସ୍ତି ଦେଇଥିଲା, ହେଲେ ଏବେ ସମାନ ଏକଘଟଣା ସାମ୍ନାକୁ ଆସୁଛି, କିନ୍ତୁ ଏଥର କଥା ହେଉଛି ପୁରା ବିପରୀତ । ବାସ୍ତବରେ ଗୋଟିଏ କୁକୁର ଦୁଇ ରୁ ତିନି ବର୍ଷର ପିଲାକୁ ଆକ୍ରମଣ କରିଥିଲା, ହେଲେ ପିଲାଟି କୁକୁରକୁ ଏକ ଉଚିତ ଶିକ୍ଷା ଦେଇଥିଲା।
ପୁଷ୍ପା ଷ୍ଟାଇଲ୍ ରେ ପିଲାଟି କାମୁଡ଼ିଦେଲା କୁକୁରଟିର କାନ
ଏହି ସମ୍ପୂର୍ଣ୍ଣ ଘଟଣାର ଭିଡିଓ ସୋସିଆଲ ମିଡିଆରେ ଏବେ ଜୋରସର ଭାଇରାଲ ହେବାରେ ଲାଗିଛି। ଭିଡିଓରେ ଆପଣ ଦେଖିପାରିବେ ଯେ ଜଣେ ପିଲା ତା’ର ସ୍କୁଲ ବ୍ୟାଗ ଧରି ଏକ ଗାଡ଼ିରେ ଚଢ଼ୁଛି ଏବଂ ସେହି ସମୟରେ, ଏକ କଳା କୁକୁର ପଛରୁ ଏହି ପିଲାଟିକୁ ଆକ୍ରମଣ କରିଛି । ପ୍ରଥମେ କୁକୁରଟି ପିଲାଟି ଉପରେ ପ୍ରାଧାନ୍ୟ ବିସ୍ତାର କରୁଥିବା ପରି ମନେହୁଏ ଏବଂ ପରବର୍ତ୍ତୀ ମୁହୂର୍ତ୍ତରେ, ପିଲାଟି କୁକୁରର କାନକୁ କାମୁଡ଼ି ଦିଏ, ଯେପରି ଆଲୁ ଅର୍ଜୁନ “ପୁଷ୍ପା ୨ ଦି ରୁଲ୍” ଫିଲ୍ମରେ ତାଙ୍କ ଶତ୍ରୁର କାନକୁ ତାଙ୍କ ମୁହଁରୁ ଅଲଗା କରିଦେଉଥାନ୍ତି । ପିଲାଟି କାମୁଡ଼ିବା ମାତ୍ରେ ଏହି ବୁଲା କଳା କୁକୁରଟି ଆଉଁ ଆଉଁ କରି ଚିତ୍କାର କରିବାକୁ ଲାଗିଲା । ଏବେ ଲୋକମାନେ ସୋସିଆଲ ମିଡିଆରେ ଏହି ସାହସୀ ପିଲାଟିର ପ୍ରଶଂସା ପ୍ରସଂଶା କରିଚାଲିଛନ୍ତି ।
ଲୋକମାନେ ଜଣେ ସାହସୀ ପିଲା କହି ତାର ପ୍ରଶଂସା କରିଥିଲେ
ଏହି ଭାଇରାଲ ଭିଡିଓରେ ଜଣେ ୟୁଜର ଲେଖିଛନ୍ତି, ‘ଏହି ପିଲାର ସାହସ ଦେଖି ସମଗ୍ର କୁକୁର ସମ୍ପ୍ରଦାୟ ଭୟଭୀତ।’ ଆଉ ଜଣେ ବ୍ୟବହାରକାରୀ ଲେଖିଛନ୍ତି, ‘ଏବେ ଓଟଟି ପାହାଡ଼ ତଳକୁ ଆସିଗଲା’। ତୃତୀୟ ବ୍ୟବହାରକାରୀ ଲେଖିଛନ୍ତି, ‘ଏହି ପିଲାଟି ପୁଷ୍ପରାଜର ସ୍ୱାଗ୍ ପାଇଛି, ସେ କୁକୁରର କାନ ଖାଇ ଦେଇଛି।’ ଚତୁର୍ଥ ବ୍ୟବହାରକାରୀ ଲେଖିଛନ୍ତି, ‘ଆଜିକାଲି ପିଲାମାନଙ୍କ ଉପରେ କୁକୁର ଆକ୍ରମଣ ସାଧାରଣ ହୋଇଗଲାଣି, ତେଣୁ ପିଲାମାନଙ୍କୁ ଏକା ବାହାରକୁ ଯିବାକୁ ଦିଅନାହିଁ।’ ପଞ୍ଚମ ବ୍ୟବହାରକାରୀ ଲେଖିଛନ୍ତି, ‘ଏହି ପିଲାଟିର ସାହସ ଦେଖନ୍ତୁ।’ କୁକୁର କାମୁଡ଼ିବାର ଏହି ଭିଡିଓରେ ପିଲାଟିର ସାହସକୁ ଲୋକମାନେ ଏବେ ପ୍ରଶଂସା କରୁଛନ୍ତି। ଏହି ଭିଡିଓଟି ୧.୫ ଲକ୍ଷରୁ ଅଧିକ ଲାଇକ୍ ଏବଂ ପ୍ରାୟ ୨.୫ ଲକ୍ଷ ସେୟାର ହୋଇସାରିଲାଣି ।
ପୁଣି ଜଣେ ବୁଢା ଜେଜେର କଳା କାରନାମା କୁ ନେଇ କେନ୍ଦ୍ରାପଡାରେ ଚର୍ଚ୍ଚା । ଘରେ କେହି ନଥିବାର ସୁଯୋଗ ନେଇ ନାତୁଣୀ ସହ ଦୁଷ୍କର୍ମ ଉଦ୍ୟମ । ସୁଚନା ମୁତାବକ, କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ବାସିନ୍ଦା ୬୩ ବର୍ଷୀୟ ବଟକୃଷ୍ଣ ସାହୁଙ୍କ ନାଁରେ ଅ।ସିଛି ସଂଗୀନ ଅଭିଯୋଗ। ବଟକୃଷ୍ଣ ଜନୈକ ନଅ ବର୍ଷର ନାବାଳିକାଙ୍କ ଘରେ ବାପ-ମା’ ନଥିବା ଜାଣି ଝିଅକୁ ଶାଗ ମାଗିଥିଲେ । ଝିଅଟି ମା’ ନାହିଁ ଦେଇ ପାରିବିନି ବୋଲି କହି ସଫା ସଫା ମନା କରିବା ପରେ ଚତୁର ବଟକୃଷ୍ଣ ତତ୍ କ୍ଷଣାତ୍ ଅ।ଉ ଏକ ସୁତ୍ର ଅ।ପଣେଇଲା । ଝିଅଟିକୁ ପାଣି ପିଇବାକୁ ମାଗିଥିଲା …. ଝିଅ ଘର ଭିତରକୁ ଯାଇ ପାଣି ଆଣିବା ସମୟରେ ବଟକୃଷ୍ଣ ଘର ଭିତରକୁ ଜୋର ଜବରଦସ୍ତ ପଶିଯାଇ ଦାଣ୍ଡ କବାଟ ବନ୍ଦ୍ କରି ଦେଲା । ନାବାଳିକା ଜଣକ ବଟକୃଷ୍ଣ କବଳରୁ ନିଜକୁ ବଂଚାଇବାକୁ ଚେଷ୍ଟା କରୁଥିବା ବେଳେ ଅଭିଯୁକ୍ତ ଜଣକ ଜୋର ଜବର ଦସ୍ତ ନାବାଳିକାକୁ ଦୁଷ୍କର୍ମ କରିଥିଲା ।
ଏନେଇ, ଗାଁ ଲୋକେ ବଟକୃଷ୍ଣଙ୍କୁ ପଚାରିବାରୁ ସେ ସିଧା ମନା କରିଥିଲା ।ଏହାପରେ ପିଡିତା ନାବାଳିକାର ମା’ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରିବା ପରେ ଗ୍ରାମାଞ୍ଚଳ ପୋଲିସ ଘଟଣାସ୍ଥଳରେ ପହଂଚି ବଟକୃଷ୍ଣ ସାହୁଙ୍କୁ ଗିରଫ କରିଛି । ନାବାଳିକା ଝିଅର ଡାକ୍ତରୀ ମାଇନା କରିବା ସହ ଅଭିଯୁକ୍ତ ବଟକୃଷ୍ଣର ଡାକ୍ତରୀ ମାଇନା ପରେ ତାକୁ କୋର୍ଟ ଚାଲାଣ କରାଯାଇଛି । ଅଭିଯୁକ୍ତ ବଟକୃଷ୍ଣଙ୍କୁ କଠୋର ଦଣ୍ଡ ମିଳୁ ବୋଲି ଦାବି କରିଛନ୍ତି ପିଡିତା ପରିବାର । ଅନ୍ୟପଟେ, ଅଭିଯୁକ୍ତ କହିଛନ୍ତି ମୁଁ କିଛି ଖରାପ କାର୍ଯ୍ୟ କରିନି ମୋ ନାତୁଣୀ ହିସାବରେ ମଜାରେ ମୁଁ ତାସହ ଲାଗିଥିଲି ।
ତେବେ ଦର୍ଶକ ବନ୍ଧୁ, ଅ।ମ ସମାଜରେ ହୁ ହୁ ହୋଇ ବଢିବାରେ ଲାଗିଛି ମହିଳାଙ୍କ ଉପରେ ହିଂସା । କିଏ ଜଳି ପୋଡି ପାଉଁଶ ହୋଇ ଯାଉଛି ତ ଅ।ଉ କିଏ ଜୀବନ ସାରା ଜଳି ଜଳି ଜିଇଁବାକୁ ସଂଘର୍ଷ କରୁଛି । ଏ ପୁରୁଷ ପ୍ରାଧାନ୍ୟ ସମାଜରେ ମହିଳା ଉପରେ ଘରୋଇ ହିଂସା ଯେପରୀ ବ୍ୟାଧୀ ଭଳି ବ୍ୟାପିବାରେ ଲାଗିଛି , ସେହିପରି କୋମଳ ମୋତି ଶିଶୁଙ୍କୁ ମଧ୍ୟ ନିଜ ପ୍ରିୟ ଜନଙ୍କ ଦ୍ବାରା ଦୁଷ୍କର୍ମର ଶିକାର ହେବାକୁ ପଡିଛି ।
ତେବେ ଅ।ଗାମୀର ପୀଢି, ଏ ନିଷ୍ପାପ ଶିଶୁମାନଙ୍କ ଅଜାଣରେ ହେଉଥିବା ଦୁଷ୍କର୍ମ କିମ୍ବ ଦୁଷ୍କର୍ମ ଭଳି ଅଚରଣ ପଦର୍ଶନ କରୁଥିବା ମଣିଷ ରୂପୀ ରାକ୍ଷସଙ୍କ ବିରୋଧରେ ସ୍ବର ଉଠାନ୍ତୁ । ନିରିହ ନିଷ୍ପାପ ଶିଶୁଙ୍କ ଜୀବନ ବଞ୍ଚାନ୍ତୁ ।
ବରଗଡ଼ ଜିଲା ପାଇକମାଳ ଥାନା ଅଞ୍ଚଳରେ ସାମ୍ନାକୁ ଆସିଲା ଲଜ୍ଜା ଜନକ ଘଟଣା । ମଛମାରିବାକୁ ଘରୁ ଡାକି ନେଇ ୪ ବର୍ଷର ନାବାଳିକା ଝିଅକୁ ଦୁଷ୍କର୍ମ ପରେ ହତ୍ୟା କଲା ଅଭିଯୁକ୍ତ । ମିଳିଥିବା ସୂଚନା ଅନୁଯାୟୀ ଗତକାଲି ଅପରାହ୍ନ ସମୟରେ ସୋଢା ଗ୍ରାମର ପ୍ରଶାନ୍ତ ନାମକ ଜଣେ ଯୁବକ ନାବାଳିକାଙ୍କୁ ମାଛମାରିଯିବା ପାଇଁ କହି ସାଙ୍ଗରେ ନେଇଯାଇଥିଲା । ନିକଟରେ ଥିବା ଡୁଙ୍ଗୁରି ଜଙ୍ଗଲକୁ ନେଇ ଉକ୍ତ ନାବାଳିକାଙ୍କୁ ବଳାତ୍କାର କରିଥିଲା ଅଭିଯୁକ୍ତ । ଘଟଣା ପ୍ରଘଟ ହେବା ଭୟରେ ନାବାଳିକା ଝିଅଟିର ମୁଣ୍ଡକୁ ପଥରରେ ଛେଚି ହତ୍ୟା କରିବା ପରେ ଜଙ୍ଗଲରେ ଫିଙ୍ଗି ଦେଇଥିଲା । ଅନ୍ୟପକ୍ଷେ ଘରେ ଝିଅ ନ ଥିବା ଦେଖି ପରିବାର ଲୋକେ ଖୋଜାଖୋଜି କରି ପାଇ ନ ଥିଲେ। ପରେ ପ୍ରଶାନ୍ତ ତାଙ୍କ ଝିଅଙ୍କୁ ମାଛ ମାରିଯିବା କହି ନେଇଯାଇଥିବା ଜଣାପଡିବାରୁ ଗ୍ରାମର ଯୁବକମାନେ ପ୍ରଶାନ୍ତଙ୍କୁ ଧରି ପଚରାଉଚରା କରିଥିଲେ। ଏହାପରେ ପ୍ରଶାନ୍ତ ଉକ୍ତ ନାବାଳିକାଙ୍କୁ ବଳାତ୍କାର କରି ଜଙ୍ଗଲରେ ଫିଙ୍ଗି ଦେଇଥିବା ସ୍ବୀକାର କରିଥିଲେ ବୋଲି ପୋଲିସ କହିଛି। ଘଟଣାର ଅଭିଯୁକ୍ତଙ୍କୁ ଗିରଫ କରାଯିବା ସହ ତଦନ୍ତ ଚାଲିଛି ବୋଲି ପାଇକମାଳ ଥାନାଧିକାରୀ ସୁଶାନ୍ତ କୁମାର ପ୍ରଧାନ ଜଣାଇଛନ୍ତି।
ହୋଲି ଖେଳି ସାରି ପୋଖରି ରେ ଗାଧୋଇଲା ବେଳେ ବୁଡିଗଲା ନାବାଳକ | ପାରାଦୀପ ଲକଥାନା ଅଧିନସ୍ଥ କତକୁଲା ଗ୍ରାମରେ ଘଟିଛି ଏଭଳି ଘଟଣା | ଏହି ଗ୍ରାମର ଜୟନ୍ତ ରାଉତ ଙ୍କ ବାରବର୍ଷ ର ପୁଅ ରାଜକିଶୋର ରାଉତ ଆଜି ସାଙ୍ଗ ସାଥି ଙ୍କ ସହ ରଙ୍ଗ ଖେଳି ପୋଖରି କୁ ଗାଧୋଇବାକୁ ଯାଇଥିଲେ | ସେଠାରେ ତାଙ୍କ ଗୋଡ ଖସିଯିବାରୁ ସେ ପୋଖରୀ ର ଗଭୀର ପାଣି ଭିତରେ ବୁଡ଼ିଯାଇଥିଲେ | ଅନେକ ଚେଷ୍ଟା ପରେ ମଧ୍ଯ ତାଙ୍କ ପାଖରେ ଥିବା ସାଙ୍ଗସାଥି ଉଦ୍ଧାର କରି ପାରି ନଥିଲେ। ପରେ ଗ୍ରାମବାସୀଙ୍କ ଦ୍ବାରା ଉଦ୍ଧାର ହେବା ପରେ ତାଙ୍କୁ ତୁରନ୍ତ ଅଠରବାଙ୍କି ମେଡ଼ିକାଲକୁ ଅଣାଯାଇଥିଲା। ତେବେ ମେଡ଼ିକାଲରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ। ଫଳରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି।
ଯେଉଁ ବୟସରେ ପାଠ ପଢିବା କଥା ସେହି ବୟସରେ ଜଣେ ନାବାଳକ ଅତି ହୁସିାର ସହ ଦୋକାନରୁ ମୋବାଇଲ ଚୋରୀ କରିଛି । ସୂଚନା ଅନୁଯାୟୀ ଡେରାବିଶ ଚାନ୍ଦୋଳ ଫାଣ୍ଡି ଛକରେ ଥିବା ପ୍ରଧାନ ମୋବାଇଲ ଦୋକାନ କୁ ଜଣେ ନାବାଳକ ପ୍ରଥମେ ଯାଇ ଦୋକାନ କୁ ଭଲରେ ବୁଲିଥିଲା. କୋଉଠି କଣ ଅଛି ଦେଖିଥିଲେ. ପରେ ଦୋକାନୀ ଦୋକାନ ବାହାରକୁ ଯାଇଥିବା ବେଳେ ନୂଆ ମୋବାଇଲ ଫୋନ ଓ ଆଇ ଫୋନ କୁ ଅତି ଚତୁରତାର ସହ ସେଠୁ ନେଇ ଫେରାର ହୋଇଥିଲେ. ତବେ ସିସି ଫୁଟେଜରେ ଏହା ରେକର୍ଡ ହୋଇଥିଲା. ଏନେଇ ଚାନ୍ଦୋଳ ଫାଣ୍ଡି ରେ ଏତଲା ହେବାପରେ ଉକ୍ତ ନାବାଳକକୁ ଭୋଳ ଅଞ୍ଚଳ ରୁ ଆଣି ଅଟକ ରଖିଛି ପୋଲିସ।