ସ୍କୁଲ୍ ମଧ୍ୟାହ୍ନ ଭୋଜନ ରୁ ବାହାରିଲା ଅସରପା l ଆଉ ପିଲା ସ୍କୁଲର ଶିକ୍ଷୟତ୍ରୀଙ୍କୁ ଜଣାଇଲେ, ହେଲେ ଶିକ୍ଷୟତ୍ରୀ କହିଲେ ସେହି ଅସରପା କୁ ବାହାର କରି ମଧ୍ୟାହ୍ନ ଭୋଜନ ଖାଇଦିଅ ।ଏଭଳି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ବଙ୍କ ସ୍କୁଲ୍ ରେ। ସୁଚନା ମୁତାବକ ଗତ ୨୩ ତାରିଖ ରେ ସବୁଦିନ ପରି ପିଲାମାନେ ସ୍କୁଲ ଯାଇଥିଲେ। ମଧ୍ୟାହ୍ନ ଭୋଜନ ପାଇଁ ସ୍କୁଲରେ ପିଲାମାନଙ୍କ ପାଇଁ ଭୋଜନ ପ୍ରସ୍ତୁତ ମଧ୍ୟ ହୋଇଥିଲା। ପିଲାମାନେ ଖାଇବା ସମୟରେ ଗୋଟେ ପିଲାର ଖାଦ୍ୟରୁ ଅସରପା ବାହାରିଥିଲା।
ଆଉ ସେହି ପିଲାଟି ଯାଇ ସ୍କୁଲର ଶିକ୍ଷୟତ୍ରୀ ଙ୍କୁ ଜଣାଇଥିଲେ ହେଲେ ଶିକ୍ଷୟତ୍ରୀ ଜଣକ କହିଥିଲେ କି ସେହି ଖାଦ୍ୟରୁ ଅସରପା ଟିକୁ ବାହାରକରି ଖାଇଦିଅ l ପିଲାମାନେ ମଧ୍ୟ ସେହି ଅସରପା ଟିକୁ ବାହାର କରି ମଧ୍ୟାହ୍ନ ଭୋଜନ ଖାଇଥିଲେ। ପରେ ପିଲାମାନେ ଘରେ ଯାଇ ତାଙ୍କ ଅଭିଭାବକ ଙ୍କୁ ଜଣାଇବା ରୁ କିଛି ଅଭିଭାବକ ମାନେ BEO ଅଫିସ୍ କୁ ଆସି ଲିଖିତ ଅଭିଯୋଗ କରିଛନ୍ତି। ପିଲାମାନଙ୍କର ଅବିଭାବକ କହିବା ଅନୁସାରେ ଯଦି ଶିକ୍ଷୟତ୍ରୀ ଜାଣିଲେ ପିଲାଙ୍କ ଖାଦ୍ୟରୁ ଅସରପା ବାହାରିଲା କାହିଁକି ସେହି ଖାଦ୍ୟକୁ ପିଲାମାନଙ୍କୁ ଖାଇବାକୁ ଦେଲେ ଯଦି କିଛି ପିଲାମାନଙ୍କ ର ଅସୁବିଧା ହୋଇଥାନ୍ତା ତାହେଲେ କିଏ ଦାୟୀ ରହିଥାନ୍ତା।
ଅନ୍ୟପଟେ ଏ ବାବଦରେ ଆମେ ସ୍କୁଲ ର ପ୍ରଧାନ ଶିକ୍ଷୟତ୍ରୀ ଙ୍କୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ଯୋଗାଯୋଗ ହୋଇପାରିନାହିଁ |
Leave a Reply