Blog

ଟ୍ରକ ଧକ୍କାରେ ଶିଶୁର ମୃତ୍ୟୁ

ଆନନ୍ଦପୁର – ଛେନାପଦି – ହଦଗଡ଼ ରାସ୍ତାର ସଙ୍କଟପାଲିଆ ଛକ ନିକଟରେ ଆଜି ଘଟିଛି ଏକ ମିନିଟ୍ରକ୍ ଦୁର୍ଘଟଣା। ଛତୁଆ ବୋଝେଇ ମିନିଟ୍ରକ ଧକ୍କାରେ ଗୋଟିଏ ୫ବର୍ଷର ଶିଶୁର ମୃତ୍ୟୁ ଘଟିଛି। ମୃତକ ଜଣକ ହେଉଛନ୍ତି ଭଦ୍ରକ ଜିଲ୍ଲା ଦୋଳପଦି ଗ୍ରାମରକାଳିଆ ମୁଣ୍ଡାଙ୍କ ପୁଅ ବାଦଲ ମୁଣ୍ଡା। ସେ ନିଜ ବାପା ମା ଙ୍କ ସହ ସଙ୍କଟ ପାଲିଆ ଗାଁ କୁ ବୁଲିବାକୁ ଆସିଥିଲା। ରାସ୍ତା ପାର ହେଉଥିବା ବେଳେ ଏହି ଟ୍ରକଟି ଧକ୍କା ଦେଇଥିଲା। ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇବା ସହ ଲୋକମାନେ କ୍ଷତିପୂରଣ ଦାବିରେ ରାସ୍ତାରୋକ କରିଛନ୍ତି। ସୋସୋ ଥାନା ପୁଲିସ ପହଞ୍ଚି ଉତ୍ୟେକ୍ତ ଳୋକଙ୍କୁ ବୁଝାସୁଝା କରୁଛି।
ଇକୋ ରିଟ୍ରିଟ୍ ପାଇଁ ପ୍ରସ୍ତୁତ ଦାରିଙ୍ଗବାଡ଼ି

ଦାରିଙ୍ଗବାଡ଼ି ଇକୋ ରିଟ୍ରିଟ୍ ପରିସରରେ ଗୁରୁବାର ପୂର୍ବାହ୍ନରେ ଦୁଇ ଦିନିଆ ପୁଞ୍ଜି ବିନିଯୋଗ କର୍ମଶାଳା ଶୁଭ ଉଦ୍‌ଘାଟନ ହୋଇଯାଇଛି | କନ୍ଧମାଳ ଜିଲାପାଳ ଅମ୍ରିତ ଋତୁରାଜଙ୍କ ଅଧ୍ଯକ୍ଷତାରେ ମୁଖ୍ୟ ଅତିଥ୍‌ ଭାବେ କନ୍ଧମାଳ ଏମ୍‌ପି ସୁକାନ୍ତ କୁମାର ପାଣିଗ୍ରାହୀ ଯୋଗଦେଇ ଏହାକୁ ଉଦ୍‌ଘାଟନ କରିଥିବା ବେଳେ ଅନ୍ୟତମ ଅତିଥ୍‌ଙ୍କ ମଧ୍ଯରେ ଜି. ଉଦୟଗିରି ବିଧାୟକ ପ୍ରଫୁଲ ଚନ୍ଦ୍ର ପ୍ରଧାନ,ଜିଲାପରିଷଦ ଅଧ୍ଯକ୍ଷା ନନ୍ଦିନୀ ମଲିକ,ବ୍ଳକ ଅଧ୍ଯକ୍ଷ ସୁଶାନ୍ତି କୁମାର ପ୍ରଧାନ, ବାଲିଗୁଡ଼ା ଉପଜିଲାପାଳ ଡ. ରୀନା ପ୍ରଧାନ, ଅତିରିକ୍ତ ଜିଲାପାଳ ରମେଶ ଚନ୍ଦ୍ର ଜେନା ମୁଖ୍ୟ ଉନ୍ନୟନ ଅଧୂକାରୀ ଶମ୍ଭୁନାଥ ନନ୍ଦୀ ପ୍ରମୁଖ ଯୋଗଦେଇଥିଲେ।କାର୍ଯ୍ୟକ୍ରମ ଆରମ୍ଭରୁ ଅତିରିକୁ ଜିଲାପାଳ ରମେଶ ଚନ୍ଦ୍ର ଜେନା ବିବରଣୀ ପଠନ କରି ଦାରିଙ୍ଗବାଡ଼ିର ପର୍ଯ୍ୟଟନ କ୍ଷେତ୍ର ସହ ଜୈବିକ ପଦ୍ଧତିରେ କରାଯାଉଥିବା ଚାଷ ହଳଦୀ, ଅଦା, କଫି, ପନିପରିବା ଆଦି ସମ୍ପର୍କରେ ଉପସ୍ଥିତ ପୁଞ୍ଜି ନିବେଶକାରୀ ଓ ନିମନ୍ତ୍ରିତ ଅତିଥ୍‌ଙ୍କ ଉଦ୍ଦେଶ୍ୟରେ ପ୍ରକାଶ କରିଥିଲେ। ଦାରିଙ୍ଗବାଡ଼ିର ବିକାଶ ତଥା ଅଞ୍ଚଳବାସୀଙ୍କ ଜୀବନଜୀବିକା ସ୍ବାବଲମ୍ବୀ । କରିବା ପାଇଁ କୃଷି, ପର୍ଯ୍ୟଟନକ୍ଷେତ୍ର ସମେତ ସରକାରୀ-ଶିଳ୍ପ ସଂଳାପ,ବିଭିନ୍ନ କ୍ଷେତ୍ରରେ ଆତିଥ୍ଯ ବ୍ୟବସ୍ଥା,କ୍ଷେତ୍ରରେ ହିତାଧୂକାରୀ ନେଟୱାର୍କିଂ ବିଭିନ୍ନ ବ୍ୟବସାୟିକ କ୍ଷେ ସୁଯୋଗ, ଏଗ୍ରୋ-ଟୁରିଜିମ୍‌ରେ ଅର୍ଥ ବିନିଯୋଗ ଉପରେ ଗୁରୁତ୍ବ ଦିଆଯାଇଥିଲା।
ହେ ଭଗବାନ.. ୩୭ ବର୍ଷ ପରେ ମହାକୁମ୍ଭରେ ଭେଟିଲେ ୨ ପୁରୁଣା ବନ୍ଧୁ, ଭାଇରାଲ ହେଲା ଇମୋସନାଲ ଭିଡିଓ

ପ୍ରୟାଗରାଜରେ ଅନୁଷ୍ଠିତ ମହାକୁମ୍ଭ ମେଳାରେ ଏକ ହୃଦୟସ୍ପର୍ଶୀ ମୁହୂର୍ତ୍ତ କ୍ୟାମେରାରେ କଏଦ ହୋଇଥିଲା, ଯେତେବେଳେ ଅଗ୍ନିଶମ ଅଧିକାରୀ ସଞ୍ଜୀବ କୁମାର ସିଂହ ୩୭ ବର୍ଷ ପରେ ତାଙ୍କ କଲେଜ ବନ୍ଧୁ ରଶ୍ମି ଗୁପ୍ତାକୁ ଭେଟିବାର ସୁଯୋଗ ପାଇଲେ। ଦୁହେଁ ୧୯୮୮ ବ୍ୟାଚର ସହପାଠୀ ଥିଲେ ଏବଂ ଏତେ ବର୍ଷ ପରେ ପରସ୍ପରକୁ ଦେଖି ଅତ୍ୟନ୍ତ ଭାବପ୍ରବଣ ହୋଇଯାଇଥିଲେ। ଏହି ବିଶେଷ ମୁହୂର୍ତ୍ତର ଭିଡିଓ ସୋସିଆଲ ମିଡିଆରେ ସେୟାର ହେବା ମାତ୍ରେ ଭାଇରାଲ ହୋଇଗଲା ଏବଂ ଦର୍ଶକେ ଏହାକୁ ବହୁତ ପସନ୍ଦ କରୁଛନ୍ତି।

ଭିଡିଓରେ ସଞ୍ଜୀବ ତାଙ୍କ ପୁରୁଣା ବନ୍ଧୁଙ୍କୁ ପରିଚୟ କରାଇ କହୁଛନ୍ତି, “ଏ ହେଉଛନ୍ତି ମୋର ସହପାଠୀ ରଶ୍ମି। ଆମେ ୧୯୮୮ ବ୍ୟାଚର ଛାତ୍ର ଥିଲୁ ଏବଂ ୩୭ ବର୍ଷ ପରେ ମହାକୁମ୍ଭରେ ପ୍ରଥମ ଥର ପାଇଁ ଭେଟିଥିଲୁ। ଏବେ ସେ ଲକ୍ଷ୍ନୌର ଏକ କଲେଜରେ ପାଠ ପଢ଼ାନ୍ତି।” ଏହି ସ୍ମରଣୀୟ ସାକ୍ଷାତରେ ରଶ୍ମି ମଧ୍ୟ ବହୁତ ଖୁସି ଦେଖାଯାଉଥିଲେ। ସେ କହିଲେ, “ଏଠାକାର ପରିବେଶ ବହୁତ ଭଲ, ବ୍ୟବସ୍ଥା ଉତ୍କୃଷ୍ଟ ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏତେ ବର୍ଷ ପରେ ମୋ ବନ୍ଧୁଙ୍କୁ ଭେଟିବା ସ୍ୱପ୍ନଠାରୁ କମ୍ ନୁହେଁ।”

ରଶ୍ମି ମଧ୍ୟ ମଜା କରି ସଞ୍ଜୀବଙ୍କ ପୁରୁଣା ସ୍ମୃତିକୁ ତାଜା କଲେ। ସେ ହସି ହସି କହିଲେ, “ଆମର କଲେଜ ସମୟରେ ସଞ୍ଜୀବ ବହୁତ ଶାନ୍ତ ଏବଂ ଅନ୍ତର୍ମୁଖୀ ଥିଲେ, କିନ୍ତୁ ଏବେ ତାଙ୍କର ବ୍ୟକ୍ତିତ୍ୱ ସମ୍ପୂର୍ଣ୍ଣ ବଦଳି ଯାଇଛି।” ସଞ୍ଜୀବ ଏହାର ଉତ୍ତର ହସି ହସି କହିଲେ, “ରଶ୍ମି ଏବଂ ତାଙ୍କ ଦଳ ମୋ କଲେଜ ସମୟରେ ମୋ ସହିତ କଥା ମଧ୍ୟ ହୋଇନଥିଲେ।” ତା’ପରେ ସେ ମଜାରେ କହିଲେ, “କିନ୍ତୁ ଏବେ ମୁଁ ତୁମର ମିଛ ପ୍ରଶଂସାକୁ ଗ୍ରହଣ କରୁଛି।”

ଏହି ସମୟରେ, ମହାଶିବରାତ୍ରି ଅବସରରେ, ଲକ୍ଷ ଲକ୍ଷ ଭକ୍ତ ପବିତ୍ର ସ୍ନାନ କରିବା ପାଇଁ ପ୍ରୟାଗରାଜର ତ୍ରିବେଣୀ ସଙ୍ଗମରେ ପହଞ୍ଚିଥିଲେ। ୧୩ ଜାନୁଆରୀ, ୨୦୨୫ ରେ ଆରମ୍ଭ ହୋଇଥିବା ମହାକୁମ୍ଭ ମେଳା ଆଜି ଶେଷ ଆଡକୁ ଯାଉଛି। ଏହା ବିଶ୍ୱର ସବୁଠାରୁ ବଡ଼ ଧାର୍ମିକ କାର୍ଯ୍ୟକ୍ରମ, ଯେଉଁଥିରେ ଭାରତ ଏବଂ ବିଦେଶରୁ କୋଟି କୋଟି ଭକ୍ତ ଆସିଥାନ୍ତି ।

ସଞ୍ଜୀବ ଏବଂ ରଶ୍ମିଙ୍କ ଭାବପ୍ରବଣ ପୁନର୍ମିଳନର ଏହି ଭିଡିଓ ଇଣ୍ଟରନେଟରେ ଅଧିକ ଭାଇରାଲ ହେବାରେ ଲାଗିଛି। ଏହାକୁ ଦେଖିବା ପରେ ଅନେକ ବ୍ୟବହାରକାରୀ “ଅତୀତର ଏକ ସ୍ମରଣକାରୀ” ହୋଇଗଲେ ଏବଂ ମନ୍ତବ୍ୟରେ ସେମାନଙ୍କର ପୁରୁଣା ସ୍ମୃତି ବାଣ୍ଟିବା ଆରମ୍ଭ କଲେ। ଜଣେ ବ୍ୟବହାରକାରୀ ମନ୍ତବ୍ୟ ଦେଇଛନ୍ତି, “ଏହା ହେଉଛି ବନ୍ଧୁତାର ପ୍ରକୃତ ଅର୍ଥ।” ଆଉ ଜଣେ ବ୍ୟବହାରକାରୀ ଲେଖିଛନ୍ତି, “ଏପରି ଏକ ପୁନର୍ମିଳନ ଦେଖି ମୋର ହୃଦୟ ଆନନ୍ଦରେ ପୂର୍ଣ୍ଣ ହୋଇଗଲା। ସମୟ ଯେତେ ବିତିଗଲେ ମଧ୍ୟ, ପ୍ରକୃତ ବନ୍ଧୁତା ସବୁଦିନ ପାଇଁ ରହିଥାଏ।”
ଇଦରେ ସ୍କ୍ରିନ ଫାଡିବାକୁ ପ୍ରସ୍ତୁତ ଭାଇଜାନ, ସିକନ୍ଦରରୁ ପ୍ରଶଂସକଙ୍କୁ ଏହି ଉପହାର ଦେବେ ସଲମାନ ଖାନ

ସଲମାନ ଖାନଙ୍କ ବହୁ ଚର୍ଚ୍ଚିତ ଫିଲ୍ମ ସିକନ୍ଦରର ପ୍ରଥମ ଟିଜର ରିଲିଜ୍ ହୋଇଛି। ଏହି ଆକ୍ସନ ଡ୍ରାମାରେ ପୁଣିଥରେ ଭାଇଜାନଙ୍କୁ ଆକ୍ସନ କରୁଥିବାର ଦେଖିବାକୁ ମିଳିଛି।

ସଲମାନ ଖାନଙ୍କ ଫିଲ୍ମ ସିକନ୍ଦରର ପ୍ରଥମ ଟିଜର ରିଲିଜ୍ ହୋଇଯାଇଛି। ଏହି ଆକ୍ସନ ଡ୍ରାମାରେ ପୁଣିଥରେ ଭାଇଜାନଙ୍କୁ ଆକ୍ସନ କରୁଥିବାର ଦେଖିବାକୁ ମିଳିଛି। ସିକନ୍ଦରର ଅନେକ ପୋଷ୍ଟର ଏପର୍ଯ୍ୟନ୍ତ ରିଲିଜ୍ ହୋଇସାରିଛି। ଯେଉଁଥିରେ ସଲମାନ ଖାନଙ୍କ ଲୁକ୍ ପ୍ରଶଂସକମାନଙ୍କୁ ବହୁତ ପସନ୍ଦ ଆସିଛି । ଏବେ ସିକନ୍ଦରର ଟିଜରରେ ଭାଇଜାନଙ୍କ ଆକ୍ସନ ଅବତାର ମଧ୍ୟ ପ୍ରଶଂସକଙ୍କ ଉତ୍ସାହକୁ ଦ୍ୱିଗୁଣିତ କରିପାରେ। ଟିଜରଟି ସଲମାନ ଖାନଙ୍କ ପ୍ରବେଶରୁ ଆରମ୍ଭ ହୁଏ। ଏହା ପରେ, ଟିଜରରେ ତାଙ୍କର ଆକ୍ସନ ଦୃଶ୍ୟ ଦେଖିବାକୁ ମିଳିଛି।

ସିକନ୍ଦରଙ୍କ ଟିଜରରେ ସଲମାନ ଖାନ ତାଙ୍କର ପୁରା ଫର୍ମରେ ନଜର ଆସିଛନ୍ତି, ଏବଂ ତାଙ୍କ ସହିତ ରଶ୍ମିକା ମନ୍ଦାନାଙ୍କ ଯୋଡ଼ି ମଧ୍ୟ ପୁରା ଫ୍ରେଶ ଲାଗୁଛି। ଏହି ଫିଲ୍ମଟି ସାଜିଦ ନାଡିଆଡୱାଲାଙ୍କ ଦ୍ୱାରା ପ୍ରଯୋଜିତ ଏବଂ ଏ.ଆର. ମୁରୁଗଦସ ଦ୍ୱାରା ନିର୍ଦ୍ଦେଶିତ ଏହାକୁ ଏକ ଚମତ୍କାର ଢଙ୍ଗରେ ଉପସ୍ଥାପନ କରିଛନ୍ତି। ସିକନ୍ଦର ପ୍ରଥମ ଦୃଶ୍ୟରୁ ହିଁ ଆପଣଙ୍କୁ କଏଦ କରିଦିଏ। ସଲମାନ ଖାନଙ୍କ ଶକ୍ତିଶାଳୀ ସ୍କ୍ରିନ୍ ଉପସ୍ଥିତି ଏକ ସମ୍ପୂର୍ଣ୍ଣ ଭିନ୍ନ ସ୍ତରରେ ଅଛି – ତାଙ୍କର ଶକ୍ତିଶାଳୀ ସଂଳାପ ଏବଂ ବିସ୍ଫୋରକ ଆକ୍ସନ୍ ସିକ୍ୱେନ୍ସ ଆପଣଙ୍କୁ ଆପଣଙ୍କ ସିଟ୍ ରୁ ଡେଇଁ ପଡ଼ିବାକୁ ବାଧ୍ୟ କରିବ। ଭାଇଙ୍କ ଶକ୍ତି, ଚମତ୍କାର ପୃଷ୍ଠଭୂମି ସ୍କୋର ସହିତ ମିଶି, ଏପରି ଏକ ପରିବେଶ ସୃଷ୍ଟି କରେ ଯାହା ଆପଣଙ୍କୁ ହସରେ ଚମକାଇ ଦେବ। ଏହି ଫିଲ୍ମଟି କେବଳ ଏକ ଆକ୍ସନ୍ ମନୋରଞ୍ଜନକାରୀ ନୁହେଁ, ବରଂ ଏହା ଏକ ଅଭିଜ୍ଞତା ହେବାକୁ ଯାଉଛି ଯାହା ବର୍ଷ ବର୍ଷ ଧରି ମନେ ରହିବ।

ସିକନ୍ଦରର ଟିଜରରେ ଦେଖାଯାଇଥିବା ଭାଇଜାନଙ୍କ କରିସ୍ମା କୌଣସି ଧମାକାଠାରୁ କମ୍ ନୁହେଁ! ସଲମାନ ଖାନ ପରଦାରେ ଆସିବା ମାତ୍ରେ ତାଙ୍କର ଶକ୍ତିଶାଳୀ ସଂଳାପ ଆପଣଙ୍କୁ ହସରେ ଚମକାଇ ଦେବ । ‘ମୁଁ ନ୍ୟାୟ ପାଇଁ ଆସିନାହିଁ, ବରଂ ସଫା କରିବାକୁ ଆସିଛି!’ ଏହା କେବଳ ଆଇନ ପାଇଁ ଲଢ଼େଇ ନୁହେଁ, ବରଂ ବ୍ୟବସ୍ଥାକୁ ସଫା କରିବା ପାଇଁ ଏକ ଘୋଷଣା। ଏବଂ ତା’ପରେ ଆଉ ଏକ ଆଶ୍ଚର୍ଯ୍ୟଜନକ ସଂଳାପ ଆସେ, ‘ନିୟମ ମଧ୍ୟରେ ରୁହ… ଲାଭଦାୟକ ରୁହ।’ ନଚେତ୍ ଶ୍ମଶାନ କିମ୍ବା ଶ୍ମଶାନରେ ରୁହ!’ ମୋ ଭାଇର ଏହି କଥାଟି ସିଧା ମୋ ହୃଦୟକୁ ଯାଏ। ସିକନ୍ଦର ସ୍ପଷ୍ଟ କରିଛନ୍ତି ଯେ ନ୍ୟାୟ କେବଳ ଆଇନ ପାଳନ କରିବା ବିଷୟରେ ନୁହେଁ, ବରଂ ଏହା ସଠିକ୍ ନିଷ୍ପତ୍ତି ନେବାର ଆଗ୍ରହ ମଧ୍ୟ।
ପୁରୁଷ ନୁହଁ, ମଦ ପିଇବା ପାଇଁ ହାଁ ହାଁ ହେଉଛନ୍ତି ମହିଳା

ମଦ ପିଇବାକୁ ହଙ୍କ ହଙ୍କ ମହିଳା, ଢକ ଢକ କରି ପିଇଯାଉଛନ୍ତି ମଦ, ଯେମିତି ଅମୃତ ହିଁ ଝରିପଡୁଛି, ହଁ ଆଜ୍ଞା, ଆଗରୁ ଘରେ ପିଉଥିଲେ, ଏବେ ରାସ୍ତାଘାଟରେ ଅନ୍ଧାର ରାତିରେ, ତାହା ପୁଣି ଅନ୍ୟ ପୁରୁଷ ସହ ବସି ପେଗ ପରେ ପେଗ ପିଇଯାଉଛନ୍ତି |ଯୁବକଙ୍କ ସହ ନିଶାରେ ବୁଡ଼ିଥିବା ମହିଳାଙ୍କର ସମ୍ପର୍କ କ’ଣ ? ଏ ବିଷୟରେ ଗ୍ରାମବାସୀ ପଚାରିବାରୁ ଚିହିଁକି ଉଠି ଯୁବକ କହିଥିଲେ ଏ ମୋ ସ୍ତ୍ରୀ, କିନ୍ତୁ ଗାଁ ଲୋକେ କହିଥିଲେ, ତୁମ ସ୍ତ୍ରୀ ଯଦି ଘରେ ବସି କିମ୍ବା କେଉଁ ହୋଟେଲରେ ପିଇଲନି ଅନ୍ୟ ଗାଁରେ ଆସି କାହିଁକି ପିଉଛ | ଦର୍ଶକବନ୍ଧୁ, ବାଲେଶ୍ବର ଜିଲ୍ଲା ବାଲିଆପାଳରୁ ଆସିଛି ଏଭଳି ଦୃଶ୍ୟ, ସର୍ବସଧରଣ ସ୍ଥାନରେ ମଦ ପିଇବାକୁ ବିରୋଧ କରୁଥିବା ଲୋକଙ୍କୁ ମଦ ପିଉଥିବା ମହିଳା ଜଣକ କହୁଛନ୍ତି ‘ଆମ ଇଚ୍ଛା, ଆମେ ଯୋଉଠି ପିଇଲେ ତୁମର କଣ ଗଲା, ଥରେ ଶୁଣନ୍ତୁ କଣ କହୁଛନ୍ତି ନିଶାରେ ଉବୁଟୁବୁ ମହିଳା

ଶୁଣିଲେ ତ, ବିରୋଧ କରୁଥିବା ଗାଁ ଲୋକଙ୍କୁ କେମିତି ନାଲିଆଖି ଦେଖାଉଛନ୍ତି ନିଶାଗ୍ରସ୍ତ ମହିଳା ଜଣକ, ନା ଅଛି ଭୟ ନା ଡର, ଖୋଲାମ ଖୋଲା ପବ୍ଲିକ ପ୍ଲେସରେ ମହିଳା ଓ ଯୁବକ ଜଣକ ମିଶି ଗଡାଇ ଚାଲିଛନ୍ତି ପେଗ ପରେ ପେଗ | ବର୍ତ୍ତମାନ ଏହି ଭିଡିଓଟି ସୋସିଆଲ ମିଡ଼ିଆରେ ଭାଇରାଲ ହେବା ପରେ ଏଭଳି କାର୍ଯକୁ ଘୋର ନିନ୍ଦା କରାଯାଇଛି |

ସୂଚନା ଅନୁସରେ, ବାଲେଶ୍ଵର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ବଡାଶ ଗ୍ରାମର ଏହି ଯୁବକ ବୋଲି ଜଣାପଡିଛି | ରାତି ଅଧରେ ମହିଳାଙ୍କ ସହିତ କଣ ଚାଲିଥିଲା | ବାସ୍ତବରେ ଏହି ଯୁବକ ଏବଂ ମହିଳା ଉଭୟେ ସ୍ବାମୀ ସ୍ତ୍ରୀ ନା ଅନ୍ୟ କିଛି | ଏଭଳି ଅସାମାଜିକଙ୍କ ପାଇଁ ସମାଜ କଳଙ୍କିତ ହେବାକୁ ବସିଥିବା ସ୍ଥାନୀୟ ବୁଦ୍ଧିଜୀବୀ ମହଲରେ ତୀବ୍ର ନିନ୍ଦା କରାଯାଇଛି |
ଗଙ୍ଗାଘାଟରେ ଚାଞ୍ଚଲ୍ୟ! ଟ୍ରଲିବ୍ୟାଗରୁ ମିଳିଲା ମୁଣ୍ଡ କଟା ଶବ

ପ୍ରତ୍ୟେକ ଦିନପରି ସୋମବାର ଲୋକେ କରୁଥାନ୍ତି ଯୋଗାଭ୍ୟାସ। ସେତିକି ବେଳେ କେଉଁଆଡୁ ଆସି ଛିଡା ହେଲା ଗୋଟେ ଧଳା କାର୍। କାରରୁ ଓହ୍ଲାଇଲେ ଦୁଇ ଜଣ ମହିଳା। ଆଉ ସଙ୍ଗରେ ଥିଲା ଗୋଟେ ନୀଳ ରଙ୍ଗର ଟ୍ରଲି ବ୍ୟାଗ୍। ଖାଲି ଏପଟ ସେପଟ ଚାହୁଁଥାନ୍ତି ଆଉ ଭାରି ବ୍ୟାଗ୍ ଘୋଷାରି ଘୋଷାରି ଆଣୁଥାନ୍ତି । ନଦୀରେ ଫିଙ୍ଗିବାକୁ ଚେଷ୍ଟା କରୁଥାନ୍ତି । ସେମାନଙ୍କ କାର୍ଯ୍ୟକଳାପ ଦେଖି ସ୍ଥାନୀୟ ଲୋକଙ୍କ ମନେରେ ସନ୍ଦେହ ଉପୁଜିଥିଲା ।

ଏବଂ ସେ ଦୁହେଁ କୁ ବ୍ୟାଗ୍ ରେ କଣ ଅଛି ପଚାରିବା ସହିତ ସୁଟକେସକୁ ଖୋଲିବାକୁ କହିଥିଲେ। ଏହାଶୁଣି ସେ ଦୁହେଁ ଉତ୍ତର ଦେଇଥିଲେ ଯେ ସେଥିରେ ତାଙ୍କର ମଲା କୁକୁରର ମୃତ ଦେହ ଅଛି । ହେଲେ ଏହାକୁ ଲୋକ ମାନେ ବିଶ୍ୱାସ କରିନଥିଲେ। ସଙ୍ଗେ ସଙ୍ଗେ ପୋଲିସ୍ କୁ ଖବର ଦେଇଥିଲେ। ଖବର ପାଇ ଘଟଣା ସ୍ଥଳରେ ପହଞ୍ଚିଲା ପୋଲିସ। ତା ପରେ ସୁଟକେସ ଖୋଲିଲା। ତାହା ଭିତରେ ଯାହା ଦେଖିଲା ତାହା ସମସ୍ତଙ୍କ ହସ ଉଡ଼ାଇ ଦେଲା।

କରଣ ସେଥିରେ ଥିଲା ଗୋଟେ ମହିଳାଙ୍କ ମୁଣ୍ଡ ବିହୀନ ରକ୍ତ ଯୁଡୁବୁଡୁ ମୃତ ଦେହ। ତେବେ ପୋଲିସ ଟ୍ରଲିବ୍ୟାଗରୁ ରକ୍ତ ଯୁଡୁ ବୁଡୁ ମୃତଦେହକୁ ଜବତ କରିବା ସହ ଉଭୟ ମହିଳାଙ୍କୁ ଗିରଫ କରିଛି। ମହିଳା ଅଭିଯୁକ୍ତ ଦୁଇ ଜଣ ହେଲେ ଫାଲଗୁନୀ ଘୋଷ ଓ ତାଙ୍କ ମାଆ ଆରତୀ ଘୋଷ। ଆଉ ମୃତ ମହିଳା ଜଣକ ହେଲେ ସୁମିତା ଘୋଷ। ସେ ହେଉଛନ୍ତି ଫାଲଗୁନ ଘୋଷଙ୍କ ପିଉଷୀ ଶାଶୁ । କୋଲକାତାର ମଧ୍ୟମ ଗ୍ରାମରୁ ମୃତ ଦେହକୁ ଆଣି କୁମାରଘାଟି ଆସିଥିଲେ।

ଖବର ଅନୁଯାୟୀ ଫାଲଗୁନିଙ୍କର ତାଙ୍କ ସ୍ବାମୀଙ୍କ ସହ ପଡେନାହିଁ । ତେବେ ସେ ତାଙ୍କ ମାଆ ଆରତିଙ୍କ ସହ ରହୁଥିଲେ। ମୃତ ସୁମିତା ହେଉଛନ୍ତି ତାଙ୍କ ସସୁରଙ୍କ ଭଉଣୀ। ତାଙ୍କ ଘର ଆସାମର ଚୋରାହାଟ ରେ। ସେ ବି ତାଙ୍କ ସ୍ବାମୀଙ୍କ ଠାରୁ ଅଲଗା ହୋଇଯାଇଥିଲେ। ଏବଂ ୨ ବର୍ଷ ହେବ ଫାଲଗୁନି ଙ୍କ ସହ ରହୁଥିଲେ। ଗତ ଷୋମବାର ଅପରାହ୍ନ ୪ଟା ବେଳେ ୩ଜଣଙ୍କ ମଧ୍ୟରେ ଜୋର୍ ରେ ପାଟିତୁଣ୍ଡ ହୋଇଥିଲା।

ଫାଲଗୁନି ଏତିକିବେଳେ ସୁମିତାଙ୍କୁ ଧକ୍କା ମାରିଥିଲେ। ତାଙ୍କ ମୁଣ୍ତ କାନ୍ଥରେ ମଡ ହୋଇ ସେ ଅଚେତ୍ ହୋଇଯାଇଥିଲେ। ଆଉ ସେତିକି ବେଳେ ଫାଲଗୁନି ଗୋଟେ ଇଟାରେ ତାଙ୍କ ମୁଣ୍ଡକୁ ଛେଚି ଦେଇଥିଲେ। ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା।

ଏହାପରେ ମାଆ ଝିଅଙ୍କ ମୁଣ୍ଡ ଶୁନ୍ ହୋଇଥିଲା। ତାପରେ ସୁଟକେସ ରେ ମୃତ ଦେହକୁ ପୁରାଇ ଗଙ୍ଗା ନଦୀରେ ଫିଙ୍ଗିବା କୁ ଆଣିଥିଲେ। କିନ୍ତୁ ସମସ୍ତଙ୍କ ଆଗରେ ଏହି ଘଟଣାର ପର୍ଦ୍ଦଫାଶ ହୋଇଛି। ବର୍ତମାନ ଉଭୟ ହାଜତରେ ଥିବା ଜଣା ପଡିଛି।
ମହାଶିବରାତ୍ରିରେ ମହା ଅଘଟଣ, ଖସିପଡିଲେ ସେବାୟତ

ମହାଶିବରାତ୍ରିରେ ଘଟିଲା ବଡ ଅଘଟଣ । ମହାଦୀପ ଚୂଡାକୁ ଉଠାଇବା ବେଳେ ଖସିପଡିଲେ ସେବାୟତ। ଏଭଳି ଘଟଣା ଘଟିଛି ଭୁବନେଶ୍ୱରର ଲିଙ୍ଗରାଜ ମନ୍ଦିରରେ। ଲିଙ୍ଗରାଜ ମନ୍ଦିରରେ ମହାଦୀପ ସହ ତଳେ ପଡିଗଲେ‌ ସେବାୟତ । ତାଙ୍କ ମୁଣ୍ଡରେ ଓ ବାମ ପାର୍ଶ୍ବ ଆଖି ପାଖରେ ଗଭିର ଆଘାତ ଲାଗିଥିବା ଜଣାପଡିଛି । ଆହତ ସେବାୟତ ହେଉଛନ୍ତି ଯୋଗେନ୍ଦ୍ର ସମର୍ଥା । ଗୁରୁତର ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆହତ ସେବାୟତଙ୍କୁ ହସ୍ପିଟାଲରେ ଭେଟି ଆଶୁ ଆରୋଗ୍ୟ କାମନା କରିଛନ୍ତି । ନିଆଁ ଛିଟିକି ଦୁଇ ସେବାୟତ ମଧ୍ୟ ଆହାତ ହୋଇଛନ୍ତି । ଆହତ ସମର୍ଥା ସେବାୟତ ଭାବେ ମନ୍ଦିରରେ ସେବା କରନ୍ତି। ପ୍ରତିବର୍ଷ ମନ୍ଦିରର ବାନା ବାନ୍ଧିବା ଓ ଧ୍ଵଜା ବଦଳାଇବା ସହ ମହାଦୀପ ଉଠାଇବା କାମ କରନ୍ତି । ଗତକାଲି ମହାଶିବରାତ୍ରିରେ ମହାଦୀପ ଧରି ସେ ମନ୍ଦିର ଚୂଡାକୁ ଯିବାକୁ ବାହାରିଥିଲେ । ମାତ୍ର 20 ଫୁଟ ଉଚ୍ଚତାକୁ ଚଢିବା ପରେ ତାଙ୍କ ହାତ ଖସିଯିବାରୁ ସେ ତଳେ ପଡିଯାଇଥିଲେ ।

ଭିଡକୁ ଏଡାଇ ଆମ୍ବୁଲାନ୍ସ ଯୋଗେ ଆହତ ସେବାୟତଙ୍କୁ ଗୁରୁତର ଭାବରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପରେ ଅନ୍ୟ ଜଣେ ସମର୍ଥା ସେବାୟତ ମହାଦୀପ ନେଇ ଉପରକୁ ଉଠିଥିଲେ । ପ୍ରଥମ ଥର ପାଇଁ ମହାଶୀବରାତ୍ରିରେ ଏପରି ଅଘଟଣ ଘଟିଛି ।
ସେବାୟତ ଆହତ ସମ୍ପର୍କରେ ଖବର ପାଇବା ପରେ କ୍ୟାପିଟାଲ ହସ୍ପିଟାଲରେ ପହଞ୍ଚିଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନ, ବିଧାୟକ ବାବୁ ସିଂ ମଧ୍ୟ ହସ୍ପିଟାଲ ଯାଇ ଆହତ ସେବାୟତଙ୍କୁ ଭେଟିଥିଲେ । ସେମାନଙ୍କର ଅବସ୍ଥା ବୁଝିବା ସହ ଆଶୁ ଆରୋଗ୍ୟ କାମନା କରିଛନ୍ତି ।

ଜଣେ ସେବାୟତ ଯିଏ ମହାଦୀପ ନେଉଥିଲେ ତାଙ୍କର ମୁଣ୍ଡରେ ଆଘାତ ଲାଗିଛି ଓ ଅନ୍ୟ ଦୁଇ ଜଣ ମହାଦୀପର ନିଆଁ ଛିଟିକି ପଡି ଆହାତ ଥିବା ଆଇନମନ୍ତ୍ରୀ କହିଛନ୍ତି । ଏପରି ଅଘଟଣ ପରେ ମହାଦୀପକୁ ସୁରୁ ଖୁରୁରେ ଉଠା ଯାଇଛି ।

ସେପଟେ ଲିଙ୍ଗରାଜ ମନ୍ଦିରରେ ଏପରି ଘଟଣା ସମୟରେ ଦକ୍ଷିଣ ଦ୍ଵାରରେ ଦେଖାଦେଇଥିଲା ସେବାୟତଙ୍କ ମଧ୍ୟରେ ଉତ୍ତେଜନା । ଦୁଇ ସେବାୟତ ଗୋଷ୍ଠୀ ମଧ୍ୟରେ ଧସ୍ତାଧସ୍ତି ଓ ଠେଲାପେଲା ଦେଖିବାକୁ ମିଳିଥିଲା। ପରେ ପରିସ୍ଥିତି ଶାନ୍ତ ପଡ଼ିଥିଲା।
ସୁନିତାଙ୍କ ବୟାନ ପରେ, ୩୦ ବର୍ଷର ସମ୍ପର୍କରେ ପଡ଼ିବାକୁ ଯାଉଛି ଫାଟ

ଅଲଗା ହେବେ ଗୋବିନ୍ଦା ଏବଂ ସୁନିତା। ୩୦ ବର୍ଷ ପରେ ସମ୍ପର୍କରେ ଫାଟ ସୃଷ୍ଟି ହୋଇଛି । ରିପୋର୍ଟ ଅନୁସାରେ, ଏହି ଦମ୍ପତି ଅଲଗା ହେବାକୁ ଯାଉଛନ୍ତି । ଯଦିଓ ଉଭୟ ଏପର୍ଯ୍ୟନ୍ତ ଏହାକୁ ନିଶ୍ଚିତ କରିନାହାଁନ୍ତି। ତଥାପି ଏହି କଥା ସବୁଆଡେ ଚର୍ଚ୍ଚା ହେଉଛି । ଗୋବିନ୍ଦା ତାଙ୍କ ବୈବାହିକ ଜୀବନକୁ ନେଇ ଚର୍ଚ୍ଚାକୁ ଆସିଛନ୍ତି । ତାଙ୍କ ପତ୍ନୀ ସୁନୀତା ଗତ କିଛି ଦିନ ତଳେ ଏପରି କିଛି ବୟାନ ଦେଇଛନ୍ତି, ଯାହା ପରେ ତାଙ୍କ ଜୀବନରେ ଅଶାନ୍ତି ଦେଖାଦେଇଛି।

ବିବାହର ଅନେକ ବର୍ଷ ପରେ, ଗୋବିନ୍ଦା ଏବଂ ସୁନୀତାଙ୍କ ଅଲଗା ହେବାର ଖବର ଆସୁଛି। ପିଙ୍କଭିଲାକୁ ଦେଇଥିବା ଏକ ସାକ୍ଷାତକାରରେ ସୁନୀତା କହିଛନ୍ତି, ଜଣେ ପୁରୁଷ ଗିରଗିଟ ପରି, ତାକୁ ଦୃଢ଼ ଭାବରେ ଧରି ରଖ, ଯେପରି ମୁଁ କରିଥିଲି।’ ଯଦି ତୁମେ ଏହା କିପରି କରିବ ଜାଣିନାହଁ, ତେବେ ତାକୁ ଭଲ ଭାବରେ ମାରି ଦିଅ।

ସୁନୀତା ଆହୁରି ମଧ୍ୟ କହିଥିଲେ ଯେ, ସେ ତାଙ୍କ ସୱାମୀ ଗୋବିନ୍ଦାଙ୍କ ଠାରୁ ଅଲଗା ରୁହନ୍ତି। ଗୋବିନ୍ଦା ବଙ୍ଗଳାରେ ରୁହନ୍ତି ଏବଂ ସୁନିତା ତାଙ୍କ ଦୁଇ ପିଲାଙ୍କ ସହିତ ଅଲଗା ଫ୍ଲାଟରେ ରୁହନ୍ତି। ସୁନୀତାଙ୍କ ଏହି ବୟାନ ପରେ ଉଭୟଙ୍କ ସମ୍ପର୍କରେ ତିକ୍ତତାର ଖବର ଆସିବା ଆରମ୍ଭ ହେଲା।

ସୁନିତା କର୍ଲି ଟେଲ୍ସକୁ ଦିଆଯାଇଥିବା ଏକ ସାକ୍ଷାତକାରରେ କହିଥିଲେ ଯେ ସେ ତାଙ୍କ ଜନ୍ମଦିନ ଏକା ପାଳନ କରନ୍ତି, ଗୋବିନ୍ଦାଙ୍କ ସହିତ ନୁହେଁ। ସେ କହିଥିଲେ- ନିଜ ପାଇଁ କେବେ ବଞ୍ଚିବି? ପ୍ରତିବର୍ଷ ମୋ ଜନ୍ମଦିନରେ, ମୁଁ ସକାଳେ ପୂଜା କରେ। ରାତି ୮ଟା ବାଜିବା ମାତ୍ରେ, ଏକା କେକ କାଟି ମଦ୍ୟପାନ କରିଥାଏ।

ପିଙ୍କଭିଲାକୁ ଦିଆଯାଇଥିବା ଏକ ସାକ୍ଷାତକାରରେ ସୁନୀତା କହିଥିଲେ ଯେ ସେ ତାଙ୍କ ପରବର୍ତ୍ତୀ ଜୀବନରେ ଗୋବିନ୍ଦାଙ୍କ ପରି ସୱାମୀ ଚାହାଁନ୍ତି ନାହିଁ। ସେ କହିଥିଲେ, ମୁଁ ତାଙ୍କୁ କହିସାରିଛି ଯେ ପରବର୍ତ୍ତୀ ଜନ୍ମରେ ସେ ମୋର ସୱାମୀ ହେବା ଉଚିତ ନୁହେଁ। ମୁଁ ଏପରି ଜଣେ ବ୍ୟକ୍ତି ଯିଏ ମୋ ସୱାମୀଙ୍କ ସହିତ ବାହାରକୁ ଯାଇ ରାସ୍ତାରେ ଗୁପଚୁପର ମଜା ନେବାକୁ ଚାହେଁ। ସେ କାମରେ ବହୁତ ବ୍ୟସ୍ତ, ଆମେ ଦୁହେଁ କେବେ ସିନେମା ଦେଖିବାକୁ ଯାଇଥିଲୁ, ସେପରି କିଛି ମନେ ନାହିଁ। ଏବେ ମୁଁ ଜାଣିନାହିଁ ଯେ ସେ ବଦଳି ଯାଇଛନ୍ତି କି ନାହିଁ।

ଯଦି ଏହି ବୟାନଗୁଡିକୁ ବିଶ୍ୱାସ କରାଯାଏ, ତେବେ ଗୋବିନ୍ଦା ଏବଂ ସୁନୀତାଙ୍କ ବୈବାହିକ ଜୀବନରେ ସବୁକିଛି ଠିକ ଚାଲୁନାହିଁ। କୁହାଯାଉଛି ଯେ, ଗୋବିନ୍ଦାଙ୍କ ଏକ୍ସଟ୍ରା ମ୍ୟାରିଟାଲ ସମ୍ପର୍କ ରହିଛି ଏବଂ ତାଙ୍କର ଛାଡପତ୍ର ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି।
କାହିଁକି ହୋଇଥାଏ ଡିପ୍ରେସନ ? ଏପରି କଲେ ଦୂର କରିବ ଡିପ୍ରେସନ

ଆଜିକାଲିର ବ୍ୟସ୍ତ ବହୁଳ ଜୀବନରେ ଆମେ ଅନେକ ସମୟରେ ଦୁଖିତ ରହିଥାନ୍ତି | ଏହା ଏକ ସାଧାରଣ କଥା |କିନ୍ତୁ ଯଦି ଆପଣ ଏକ କିମ୍ବା ଦୁଇ ସପ୍ତାହରୁ ଅଧିକ ଦିନ ଯାଏ ଚିନ୍ତାରେ ରହୁଛନ୍ତି ତେବେ ଏହା ମାନସିକ ରୋଗ ବା ଡିପ୍ରେସନ ହୋଇଥାଏ |କଣ ଆପଣ ବି ଡିପ୍ରେସନରେ ରହୁଛନ୍ତି କି ?କେମିତି ଆପଣ ମୁକ୍ତ ହେବେ ଡିପ୍ରେସନରୁ | କାହିଁକି ହୋଇଥାଏ ଡିପ୍ରେସନ |ଜଣେ ବ୍ୟକ୍ତି ଡିପ୍ରେସନରେ ଅଛି ବୋଲି ଆପଣ କେମିତି ଜାଣିବେ | ମାନସିକ ଅବସାଦ ବା ଡିପ୍ରେସନ ଏହା ଏମିତି ଏକ ସମସ୍ଯା ଯାହା ସାରା ବିଶ୍ୱରେ ସବୁଠାରୁ ବଡ ସମସ୍ଯା ହୋଇ ଦେଖାଦେଉଛି | ମାନସିକ ଅବସାଦ କାରଣରୁ ଆତ୍ମହତ୍ୟା ସଂଖ୍ୟା ମଧ୍ୟ ବଢି ବଢି ଚାଲିଛି | ପିଲାଠୁ ବୟସ୍କ ଯାଏ ଏବେ ସମସ୍ତେ ଡିପ୍ରେସନରେ ଗତି କରୁଛନ୍ତି | ସାଧାରଣତଃ ପରୁଷଙ୍କଠୁ ଅଧିକ ମହିଳା ମାନେ ଡିପ୍ରେସନର ଶିକାର ହୋଇଥାନ୍ତି |

କାହିଁକି ହୁଏ ଡିପ୍ରେସନ କଣ ରହିଛି ଏହାର ଲକ୍ଷଣ
ମାନସିକ ଚାପରେ ରହିଲେ, ମନ ସବୁବେଳେ ଦୁଖଃ ରହିଲେ,ଭୋକ ନ ଲାଗିଲେ, କାମ କରିବାକୁ ଇଛା ହୋଉନଥିଲେ, ଠିକରେ ନିଦ ନହେଲେ, ବାରମ୍ବାର ରାତିରେ ନିଦ ଭାଙ୍ଗିଲେ, ଅନ୍ୟମନସ୍କ ରହିଲେ, ଅସ୍ଥିର ମନେ କଲେ, ଚିଡଚିଡ ଲାଗିଲେ, ଅତ୍ୟାଧିକ ରାଗିଯିବା ଏ ସବୁ ଡିପ୍ରେସନର କାରଣ ହୋଇଥାଏ |

ପ୍ରତିକାର –
ସକାଳର ବ୍ୟାୟମ ଆପଣ ମାନସିକ ରୋଗ ପାଇଁ ନିହାତି ଜରୁରୀ | ଯଦି ଜଣେ ବ୍ୟକ୍ତି ଏକ ସପ୍ତାହରୁ ଅଧିକ ମାନସିକ ଚିନ୍ତାରେ ରହୁଛି ତେବେ ଏହାକୁ ଅବହେଳା କରନ୍ତୁ ନାହିଁ ତୁରନ୍ତ ଯାଇ ମାନସିକ ରୋଗ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ |ଛୋଟ ପିଲାମାନଙ୍କ କ୍ଷେତ୍ରରେ ଯଦି ଡିପ୍ରେସନ ଦେଖାଯାଉଛି ତେବେ କାଉସିଲିଂ କଲେ ଲକ୍ଷଣରେ ଉନ୍ନତି ଆସିବ|
ନିଶାସକ୍ତ ବ୍ୟକ୍ତି ମାନଙ୍କ ପାଇଁ ମାଗଣା ଆରୋଗ୍ୟ କେନ୍ଦ୍ର

କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଶୈଲଙ୍ଗ ଠାରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଓଡ଼ିଶା ସରକାରଙ୍କ ପକ୍ଷରୁ ନିଶାସକ୍ତ ବ୍ୟକ୍ତି ମାନଙ୍କ ପାଇଁ ମାଗଣା ନିଶା ନିବାରଣ ଆରୋଗ୍ୟ କେନ୍ଦ୍ର ଉଦଘାଟିତ ହୋଇଛି।

ଏଥିରେ ମୁଖ୍ୟ ଅତିଥି ଭାବେ ଆନନ୍ଦପୁର ଉପଜିଲ୍ଲାପାଳ ଫାଲ୍ଗୁନି ମାଝି, ସମ୍ମାନିତ ଅତିଥି ଭାବେ ବିଶିଷ୍ଟ ପ୍ରବଚକ ଜିତୁ ଦାଶ, ସିଡିପିଓ ଓ ବହୁ ବ୍ୟକ୍ତି ବିଶେଷ ଯୋଗ ଦେଇଥିଲେ ।