ବିଶ୍ୱର ସର୍ବ ବୃହତ ମାଇକ୍ରୋ ବ୍ଲଗିଂ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରର ସିଇଓ ଏଲନ ମସ୍କ ନିଜ ପଦ ଖୁବଶୀଘ୍ର ଛାଡିବାକୁ ଯାଉଛନ୍ତି । ମସ୍କ ଟ୍ୱିଟ କରି ଏହି ସୂଚନା ଦେଇଛନ୍ତି । ଏଥିସହ ଟ୍ୱିଟରର ପରବର୍ତ୍ତୀ ସିଇଓ ଜଣେ ମହିଳା ହେବାକୁ ନେଇ ଦେଇଛନ୍ତି ପରୋକ୍ଷ ସଂକେତ। ସିଇଓ ପଦ ଛାଡିବା ପରେ ସେ ଟ୍ୱିଟରର କାର୍ଯ୍ୟକାରୀ ଅଧ୍ୟକ୍ଷ ଦାୟିତ୍ୱ ତୁଲାଇବେ ବୋଲି ଟ୍ୱିଟ କରିଛନ୍ତି।
ମସ୍କ ଗତ ବର୍ଷ ଟ୍ୱିଟରକୁ କିଣିବା ପରଠୁ ସର୍ବଦା ତାଙ୍କ ବିଭିନ୍ନ କାମକୁ ନେଇ ଚର୍ଚ୍ଚାରେ ରହି ଆସୁଥିଲେ। ଗତବର୍ଷ ସେ ୪୪ ବିଲିୟନ ଡଲାରରେ ଟ୍ୱିଟରକୁ କିଣିଥିଲେ।