କେନ୍ଦୁଝର ଜିଲ୍ଲା ଘଷିପୁରା ବ୍ଲକ ଅନ୍ତର୍ଗତ ଦରଡିପାଳ ଗ୍ରାମରେ ବାବା ଧବଳେଶ୍ଵରଙ୍କ ନୂତନ ମନ୍ଦିର ଓ ବିଗ୍ରହ ପ୍ରତିଷ୍ଠା ଉତ୍ସବ ଆୟୋଜିତ ହୋଇଯାଇଛି। ଦରଡିପାଳ ଓ ଆଖପାଖ ଗ୍ରାମର ୩୦୦ ରୁ ଉର୍ଦ୍ଧ ମହିଳା ଶ୍ରଦ୍ଧାଳୁ କୁଶେଇ ନଦୀରୁ କଳସରେ ଜଳ ସଂଗ୍ରହ ପୂର୍ବକ ଗ୍ରାମ ପରିକ୍ରମା କରି ମନ୍ଦିରରେ କଳସ ସ୍ଥାପନ କରିଥିଲେ। ଏହା ପରେ ସୁସଜ୍ଜିତ ଯଜ୍ଞ ମଣ୍ଡପରେ ଦୀକ୍ଷା ଗ୍ରହଣ, ଅଙ୍କୁରାରୋପଣ ଏବଂ ଦିଅଁଙ୍କୁ ଧ୍ୟାନାଭିଷେକ କରାଯାଇଥିଲା। ଏହି ପ୍ରତିଷ୍ଠା ଉତ୍ସବରେ ବହୁ ସଂଖ୍ୟାରେ ଭକ୍ତ ଯୋଗ ଦେଇଥିବା ବେଳେ ଆନ୍ତର୍ଜାତିକ କର୍ମକାଣ୍ଡ ବିଶାରଦ ପୂଜକ ବୃନ୍ଦାବନ ଷଡ଼ଙ୍ଗୀ, ବାବା ଭୈରବାନନ୍ଦ ସରସ୍ବତୀ, ରବି ନାରାୟଣ ଷଡ଼ଙ୍ଗୀ, ରାଜେଶ କୁମାର ମିଶ୍ର ପ୍ରମୁଖ ରୀତିନୀତି ଅନୁଯାୟୀ ପୂଜାର୍ଚ୍ଚନା କରିଥିଲେ।
ଏଥିରେ ଏକାଧିକ ଦମ୍ପତି ସଂକଳ୍ପ ରେ ବସିଥିଲେ। ଏହି କ୍ରମରେ ବିଗ୍ରହ ପ୍ରତିଷ୍ଠା ପୂର୍ବରୁ ଦିଅଁ ଙ୍କୁ ଶତାଧିକ ଶ୍ରଦ୍ଧାଳୁ ଭକ୍ତଙ୍କ ଗହଣରେ ନାମ ସଂକୀର୍ତ୍ତନ ସହ ଗ୍ରାମ ପରିକ୍ରମା କରାଯାଇ ଯଜ୍ଞ ବେଦୀରେ ଅବସ୍ଥାପିତ କରାଯାଇଥିଲା ଓ ଶିବରାତ୍ରୀ ଅବସରରେ ନବଯୌବନ ବେଶ ଦର୍ଶନ ସହ ପୂର୍ଣ୍ଣାହୁତି ଉତ୍ସବ ଅନୁଷ୍ଠିତ ହେବ । ଗ୍ରାମରେ ହଜାର ହଜାର ପୁରୁଷ ଓ ମହିଳା ଶ୍ରଦ୍ଧାଳୁ ପାଞ୍ଚ ଦିନ ଧରି ମନ୍ଦିର ପ୍ରତିଷ୍ଠା ଉତ୍ସବରେ ସାମିଲ ହୋଇ ନିଜକୁ ଧନ୍ୟ ମନେକରି ଥିଲେ।
ମନ୍ଦିର ର ସଭାପତି କମଳ ଲୋଚନ ନାୟକ ଙ୍କ ପ୍ରତ୍ୟକ୍ଷ ତତ୍ବାବଧାନରେ ବିଭିନ୍ନ ନୀତିକାନ୍ତି ଅନୁଷ୍ଠିତ ହୋଇଥିଲା। ୫ ଦିନ ଧରୁ ଗ୍ରାମରେ ଆଧ୍ଯାତ୍ମିକ ପରିବେଶ ସୃଷ୍ଠି ହୋଇଛି। ଏଥିସହ ମନ୍ଦିର ପ୍ରତିଷ୍ଠା ଉତ୍ସବ ପାଇଁ ମନ୍ଦିର ପାର୍ଶ୍ବରେ ମିନା ବଜାରର ଆୟୋଜନ ମଧ୍ୟ କରାଯାଇଛି
Your article helped me a lot, is there any more related content? Thanks!
Thank you for your shening. I am worried that I lack creative ideas. It is your enticle that makes me full of hope. Thank you. But, I have a question, can you help me? https://www.binance.info/en-IN/register-person?ref=UM6SMJM3