ବରଗଡ଼ ଜିଲ୍ଲାପାଳଙ୍କ ଉପସ୍ଥିତିରେ ବରପାଲିରେ ଏକ ଅଭିଯୋଗ ଶୁଣାଣି କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି ।ତେବେ ଅନୁଷ୍ଠିତ ଏହି କାର୍ଯକ୍ରମରେ ସାଧାରଣ ନାଗରିକ ମାନେ ମୋଟ ୪୫ ଟି ଅଭିଯୋଗ କରିଥିଲେ । ଏହି ଅଭିଯୋଗ ଗୁଡ଼ିକ ମୁଖ୍ୟତଃ ଆୱସ୍ ଯୋଜନା, ଭତ୍ତା ଏବଂ ପାଟକୁଲୁଣ୍ଡା ଅଞ୍ଚଳ ରେ ଗରିବ ଭୂମିହୀନ ଆଦିବାସୀ ପରିବାର କୁ ଜମି ପଟ୍ଟା ପାଇ ନ ଥିବାର ହୋଇଥିବା ଅଭିଯୋଗ ଉପରେ ଜିଲ୍ଲାପାଳ ଦୃଷ୍ଟି ଦେଇ ବିହିତ ପଦକ୍ଷେପ ନେବା ପାଇଁ ନିର୍ଦ୍ଦେଶ ଦେଇ ଥିଲେ । ସେହିପରି ଖେମେଷରା ଓ ବାରଗୁଡ଼ା ପଞ୍ଚାୟତ ର ବହୁ ମହିଳା ଏସ ଏସ ଜି ଗୁଡ଼ିକ ପକ୍ଷ ରୁ ବେଆଇନ ଚୋରା ମଦ କାରବାର କୁ ତୁରନ୍ତ ବନ୍ଦ କରିବା ପାଇଁ ନିବେଦନ କରିଥିଲେ ।
ଏହି କାର୍ଯକ୍ରମ ରେ ବରଗଡ଼ ଜିଲ୍ଲାପାଳ ଆଦିତ୍ୟ ଗୋୟଲ୍, ପୋଲିସ ଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସହାୟୀ ମୀନା, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ନୀରୁପମା ନୀରୁପମା ଷଡଙ୍ଗୀ, ଉପ ଜିଲ୍ଲାପାଳ କୁମାର ନାଗଭୂଷଣ, ତହସିଲଦାର ରୁକ୍ମଣ ମେହେର, ବ୍ଲକ ଅଧ୍ୟକ୍ଷା ରୀନା ଥଇତ, ବିଡ଼ିଓ ପ୍ରସନ୍ନ କୁମାର ପାଣ୍ଡେ ଙ୍କ ସମେତ ବହୁ ଉଚ୍ଚ ପଦସ୍ଥ ଅଧିକାରୀ ଉପସ୍ଥିତ ଥିଲେ।