ପାରାଦ୍ଵୀପରେ ଅନୁଷ୍ଠିତ ଜଗନ୍ନାଥ ଟ୍ରକ ମାଲିକ ସଙ୍ଘ ନିର୍ବାଚନରେ ବାଜି ମାରିଛନ୍ତି ରାକେଶ ଜେନାଙ୍କ ପ୍ୟାନେଲ । ଚଳିତ ନିର୍ବାଚନରେ ସଙ୍ଘର ୫୩୩ ସଭ୍ଯଙ୍କ ମଧ୍ଯରୁ ୪୯୦ ଜଣ ସଭ୍ଯ ଭୋଟ କରୁଥିବାବେଳେ, ନିର୍ବାଚନ ରଣାଙ୍ଗନରେ ଉଭୟ ପ୍ୟାନେଲର ୧୨ ଜଣ ପ୍ରତିଦ୍ବନ୍ଦିତା କରୁଥିଲେ । ରବିବାର ସକାଳୁ ଭୋଟ ଗ୍ରହଣ ଆରମ୍ଭ ହୋଇ ଅପରାହ୍ନ ୩ ଟା ରେ ଶେଷ ହୋଇଥିଲା।
ଭୋଟ ଗଣତି ସରିବା ପରେ ସଭାପତି ଭାବେ ରାକେଶ କୁମାର ଜେନା ବିପକ୍ଷ ପ୍ରାର୍ଥୀ ଛଇଳ ଜେନାଙ୍କ ଠାର ୬୭ ଖଣ୍ଡ ଅଧିକ ଭୋଟ ପାଇ ବିଜୟୀ ହୋଇଛନ୍ତି। ସେହିପରି, କାର୍ଯ୍ୟକାରୀ ସଭାପତି ଭାବେ ବିଜୟ କୁମାର ପରିଡା, ଉପସଭାପତି ଭାବେ ସରୋଜ ମହାପାତ୍ର, ସମ୍ପାଦକ ଭାବେ ବିଶ୍ବରଞ୍ଜନ ପଲାଇ, ସହ ସମ୍ପାଦକ ଭାବେ ସୁଧିର କୁମାର ଜେନା, କୋଷାଧ୍ୟକ୍ଷ ଭାବେ ମାନସ ପାତ୍ର ନିର୍ବାଚିତ ହୋଇଛନ୍ତି।
ବର୍ତ୍ତମାନ, ଟ୍ରକ ବ୍ୟବସାୟ ରେ ମାନ୍ଦାବସ୍ଥା ଥିବା ବେଳେ , ଆଗାମୀ ଦିନରେ ଟ୍ରକ ମାଲିକ ମାନେ କିପରି ଅଧିକ ଭଡା ପାଇବେ ସେଥିପ୍ରତି ଧ୍ୟାନ ଦିଆଯିବ ବୋଲି ବିଜୟୀ ସଭାପତି ରାକେଶ ଜେନା କହିଛନ୍ତି ।
Your point of view caught my eye and was very interesting. Thanks. I have a question for you.