ପ୍ରସ୍ତାବିତ ବିଦେଶୀ ମଦ ଦୋକାନ ଖୋଲିବାକୁ ବିରୋଧ କରି ଜିଲ୍ଲା ପ୍ରଶାସନର ଦ୍ଵାରସ୍ଥ ହେଲେ ଗ୍ରାମବାସୀ ଓ ସରପଞ୍ଚ । ବିଝାଂରପୁର ବ୍ଲକ ଶାସନ୍ଦା ପଞ୍ଚାୟତରେ ଅବକାରୀ ବିଭାଗ ପକ୍ଷରୁ ନୁତନ ମଦ ଦୋକାନ ଖୋଲାଯିବାକୁ ନିଷ୍ପତି ହୋଇଛି । ଏହାକୁ ବିରୋଧ କରି ସ୍ଥାନୀୟ ସରପଞ୍ଚ କାମଦେବ ଧଳଙ୍କ ନେତୃତ୍ବରେ ଏକ ପ୍ରତିନିଧି ଦଳ ଜିଲ୍ଲାପାଳଙ୍କ କାର୍ଯ୍ୟଳୟରେ ଜିଲ୍ଲାପାଳଙ୍କୁ ଭେଟି ତୁରନ୍ତ ବନ୍ଦ କରିବାକୁ ନେଇ ଲିଖିତ ଅଭିଯୋଗ କରିଛନ୍ତି । ଯାଜପୁର ପଣସା ପଂଚାୟତରେ ଖୋଲା ଯିବାକୁ ଥିବା ମଦ ଦୋକାନକୁ ସ୍ଥାନୀୟ ଲୋକ ବିରୋଧ କରିବାରୁ ତରବରିଆ ଭାବେ ଅବକାରୀ ବିଭାଗ କାହାରିକୁ ସୁଚନା ନଦେଇ ଶାସନ୍ଦା ଗ୍ରାମରେ ଦୋକାନ ଖୋଲିବାକୁ ନିଷ୍ପତି ନେଉଥିବା କହିଛନ୍ତି ସ୍ଥାନୀୟ ସରପଞ୍ଚ । ଖାଲି ସେତିକି ନହେଁ ଯେଉଁଠାରେ ମଦ ଦୋକାନ ଖୋଲା ହେଉଛି ସେଠାରୁ ମାତ୍ର କିଛି ଦୁରରେ ମନ୍ଦିର,ସ୍କୁଲ, ବସ୍ତି, ସରକାରୀ ପ୍ରକଳ୍ପ ଆଦି ରହିଥିବାରୁ ଏଠାରେ ମଦ ଦୋକାନ ଖୋଲା ଗଲେ ଜନ ସାଧାରଣ ସ୍କୁଲ କଲେଜ ପିଲା ଓ ମହିଳା ମାନେ ବିଶେଷ ଭାବେ ପ୍ରଭାବିତ ହେବା ନେଇ କହିଛନ୍ତି ।
ତେବେ ପ୍ରଶାସନ ଯଦି ଏହି ନିଷ୍ପତିକୁ ନ ବଦଳାଇଲେ ଗ୍ରାମବାସୀ ଆନ୍ଦୋଳନ କରିବେ ବୋଲି ସରପଂଚ ଓ ଗ୍ରାମବାସୀ ଚେତାବନି ଦେଇଛନ୍ତି ।
