Category: ଦେଶ-ବିଦେଶ

ବିଭିନ୍ନ ପ୍ରକାରର ଖାଦ୍ୟ ପାଇଁ ଭାରତ ସାରା ବିଶ୍ୱରେ ପ୍ରସିଦ୍ଧ । ଏଠାରେ ଖାଦ୍ୟର ସ୍ୱାଦ ଏବଂ ରାନ୍ଧିବାର ଶୈଳି ପ୍ରତି ଶହେ କିଲୋମିଟରରେ ଅନ୍ତରରେ ବଦଳିଥାଏ । କିନ୍ତୁ, ରୁଟି ଏପରି ଏକ ଜିନିଷ ଯାହା ସମଗ୍ର ଭାରତରେ ସମାନ ଭାବରେ ତିଆରି ହୋଇଥାଏ । ଆକାର ମଧ୍ୟ ସବୁ ସ୍ଥାନରେ ସମାନ । ହେଲେ ସମଗ୍ର ଭାରତରେ କେବଳ ଗୋଟିଏ ସ୍ଥାନ ଅଛି ଯେଉଁଠାରେ ବିଶ୍ୱର ସବୁଠୁ ବଡ ରୁଟି ତିଆରି କରାଯାଏ । ଏହି ରୁଟି ଏତେ ବଡ ଯେ, ଗୋଟିଏ ଗାଁର ମଧ୍ୟ ପେଟ ପୂରିଯିବ । ତେବେ ଆସନ୍ତୁ ଜାଣିବା ଏହି ଅନନ୍ୟ ରୁଟିର କାହାଣୀ ବିଷୟରେ ।

ଦୁନିଆର ସବୁଠୁ ବଡ ରୁଟି ଅନ୍ୟ କୌଣସି ସ୍ଥାନରେ ନୁହେଁ ବରଂ ପ୍ରଧାନମନ୍ତ୍ରୀ ମୋଦୀଙ୍କ ଘର ଗୁଜୁରାଟର ଜାମନଗରରେ ତିଆରି ହୋଇଛି । ଯଦିଓ ଏହି ରୁଟି ପ୍ରତିଦିନ ତିଆରି ହୁଏନାହିଁ । ବରଂ ଏହା କେବଳ କିଛି ବିଶେଷ ଉତ୍ସବରେ ତିଆରି ହୋଇଥାଏ । ଯେମିତି ଡାଗଡୁ ସେଠ୍ ଗଣପତି ସର୍ବସାଧାରଣ ମହୋତ୍ସବ କିମ୍ବା ଜଲାରାମ ବାପାଙ୍କ ଜନ୍ମ ବାର୍ଷିକୀ ଆଦି ଉତ୍ସବରେ । ଏହି ରୁଟି ଜଲାରାମ ମନ୍ଦିରର ଜିଣୋଦ୍ଧାର କମିଟି ଦ୍ୱାରା ପ୍ରସ୍ତୁତ କରାଯାଏ । ଆଉ ଏଥିରେ ମନ୍ଦିରକୁ ଆସୁଥିବା ଲୋକମାନେ ପେଟ ଭରି ଖାଆନ୍ତି । ଲୋକମାନେ ଏହି ବିଶେଷ ଦିନରେ ଏହି ରୁଟି ଖାଇବା ପାଇଁ ଦୂରଦୂରାନ୍ତରୁ ଜାମନଗରକୁ ଆସନ୍ତି ।

ଆପଣଙ୍କୁ କହିରଖୁଛୁ ଯେ, ଜଣେ କିମ୍ବା ଦୁଇ ଜଣ ନୁହେଁ ବରଂ ଅନେକ ମହିଳା ଏକାଠି ହୋଇ ଦୁନିଆର ସବୁଠୁ ବଡ ରୁଟି ତିଆରି କରନ୍ତି ଏବଂ ଘଣ୍ଟା ଘଣ୍ଟା ପରିଶ୍ରମ ପରେ ଏହି ରୋଟି ପ୍ରସ୍ତୁତ ହୁଏ । ଏହି ରୁଟି ତିଆରି ପାଇଁ ବହୁତ ଅଟା ବ୍ୟବହୃତ ହୁଏ । ଯେତେବେଳେ ଏହି ରୁଟି ପ୍ରସ୍ତୁତ ହୁଏ, ଏହାର ଓଜନ ୧୪୫ କିଲୋଗ୍ରାମ ପର୍ଯ୍ୟନ୍ତ ହୋଇଥାଏ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ରୁଟି ରାନ୍ଧିବା ପାଇଁ ମନ୍ଦିର ନିକଟରେ ଏକ ବଡ଼ ସ୍ୱତନ୍ତ୍ର ତାଓ୍ବା ରହିଛି । ସେଥିରେ ଏହି ସ୍ବତନ୍ତ୍ର ରୁଟି ରନ୍ଧାଯାଏ । ରୁଟି ରାନ୍ଧିବା ପାଇଁ ଅନେକ ଲୋକ ମଧ୍ୟ ନିୟୋଜିତ ହୁଅନ୍ତି ଏବଂ ରୋଟି ଜଳି ନଯିବା ପାଇଁ ନିଆଁର ଆଞ୍ଚ କମ୍ ରଖାଯାଏ ।

ଜାପାନରେ ଏମିତି ଗୋଟିଏ ମନ୍ଦିର ରହିଛି ଯେଉଁଠାରେ ପୂଜା ନୁହେଁ ହୁଏ ଛାଡପତ୍ର । ଶୁଣିବାକୁ ଟିକିଏ ଅଜବ ଲାଗୁଥିଲେ ବି କଥାଟି ସତ । ଏହି ମନ୍ଦିରରେ ଗୋଟିଏ ବି ଦେବତା କିମ୍ବା ଦେବିଙ୍କ ମୂର୍ତ୍ତି ନାହିଁ ୬୦୦ ବର୍ଷର ପୂରୁଣ ଏହି ମନ୍ଦିର ଟେକୋଜି ମନ୍ଦିର ନାମରେ ଜଣାଶୁଣା । ଏହା ଏକ ଅବଜ ପ୍ରକାରର ଛାଡପତ୍ର ମନ୍ଦିର । ଏଠାକୁ ସେହି ମହିଳା ମାନେ ଆସନ୍ତି ଯେଉଁମାନେ ନିଜ ସ୍ବାମୀ ପାଖେ ଅତିଷ୍ଠ ହୋଇପଡନ୍ତି ।

ଏହି ମନ୍ଦିରକୁ ମାତ୍ସ୍ୟୁଗୋକା ଟୋକେଇ-ଜିଙ୍କ ନାମରେ ସ୍ଥାପିତ କରାଯାଇଥିଲା । ଏହା ଜାପାନର କାମକୁରା ଶହରର କାନାଗାଓ୍ବା ପ୍ରାନ୍ତରେ ଅବସ୍ଥିତ । ଏହା ଅନେକ ମହିଳାଙ୍କ ବାସସ୍ଥାନ ଭାବେ ଜଣାଶୁଣା, ଯେଉଁମାନେ ଘରୋଇ ହିଂସାର ଶିକାର ହୋଇଛନ୍ତି । ଯେତେବେଳେ ମହିଳାଙ୍କ ପାଇଁ କୌଣସି ଅଧିକାର ନଥିଲା ସେହି ସମୟର ଏହି ମନ୍ଦିର । ସେତେବେଳେ ଜାପନରେ ଛାଡପତ୍ରର କୌଣସି ଆଇନ ନଥିଲା ।

୧୨୮୫ ମସିହାରେ ବୌଦ୍ଧ ନନ କାକୁସନ ଶିଦୋ-ନି ଏହି ମନ୍ଦିର ସ୍ଥାପନ କରିଥିଲେ । ଯେଉଁ ମହିଳା ମାନେ ବାହାଘରରେ ଖୁସି ନଥିଲେ ସେମାନେ ଏହି ମନ୍ଦିରକୁ ଆସୁଥିଲେ । ସମୟ ସହିତ ତାଳ ଦେଇ ଏହି ମନ୍ଦିରଟି ଏକ ସୁରକ୍ଷିତ ସ୍ଥାନ ଭାବେ ପ୍ରସିଦ୍ଧ ହୋଇଗଲା । ଜାପାନର ମହିଳା ମାନେ ମଧ୍ୟ ଏଠାରେ ସୁରକ୍ଷିତ ଅନୁଭବ କଲେ । କିଛି ଦିନ ରହିବା ପରେ ମନ୍ଦିର ପକ୍ଷରୁ ଆଧିକାରୀକ ଭାବେ ଛାଡପତ୍ର ସାର୍ଟିଫିକେଟ ମିଳିଯାଇଥାଏ । ଏହାକୁ ସୁଫୁକୁ-ଜି ନାମରେ ଜଣାଯାଏ । ଏହି ସାର୍ଟିଫିକେଟ ଜରିଆରେ ମହିଳାଙ୍କୁ ବିବାହରୁ ମୁକ୍ତି ମିଳେ ।

ଏହି ମନ୍ଦିରଟି ମଧ୍ୟ ଦେଖିବାକୁ ଖୁବ୍ ଆକର୍ଷଣୀୟ । ବିଭିନ୍ନ ବାସ୍ତୁକଳାରେ ପିରିପୂର୍ଣ୍ଣ ଏହି ସ୍ଥାନଟି ସମ୍ପୂର୍ଣ୍ଣ ପ୍ରକୃତି କୋଳେଇ ନେଲା ପରି ମନେହୁଏ । ଏହାକୁ କାକେକୋମୀ ଡେରା, ସମ୍ପର୍କ ଭାଙ୍ଗୁଥିବା ସ୍ଥାନ ଏବଂ ପଳାୟନ କରିଥିବା ମହିଳାଙ୍କ ମନ୍ଦିର ବା ଛଡପତ୍ର ମନ୍ଦିର ଆଦି କୁହାଯାଏ ।