Category: ବିଜ୍ଞାନ ଓ ପ୍ରଯୁକ୍ତି ବିଦ୍ୟା

ନେପାଳ ହନି ହନ୍ଟିଂ ବା ମହୁ ସଂଗ୍ରହ ହେଉଛି ବିଶ୍ବର ଅନ୍ୟତମ ଦୁଃସାହସିକ କାର୍ଯ୍ୟ ବା ପାରମ୍ପରିକ ବେଉସା, ଯାହା ନେପାଳ ପର୍ଯ୍ୟଟନର ଚମତ୍କାର ଏବଂ ଆଶ୍ଚର୍ୟ୍ୟଜନକ ଦୃଶ୍ୟକୁ ତୋଳି ଧରେ। ମହୁମାଛିଙ୍କ କ୍ଷେତ୍ରରେ ନେପାଳ, ବିଶ୍ୱର ଏକ ଧନୀ ଦେଶ ଏବଂ ପାଗଳ ମହୁମାଛି ବା ମ୍ୟାଡ୍ ହନି ସଂଗ୍ରହ ପାଇଁ ଏହା ଏକ ଶ୍ରେଷ୍ଠ ସ୍ଥାନ। ନେପାଳରେ ଅତିକମରେ ପାଞ୍ଚଟି ଭିନ୍ନ ଭିନ୍ନ ପ୍ରଜାତିର ମହୁମାଛି ଅଛନ୍ତି। ସବୁଠାରୁ ବଡ ଓ ଜଙ୍ଗଲୀ ମହୁମାଛିମାନେ ସୁଉଚ୍ଚ ପାହାଡ଼ର ଉପରେ ମହୁମାଛି ତିଆରି କରନ୍ତି ସେମାନଙ୍କର ବସା । ନେପାଳର ହିମାଳୟ ପାଦ ଦେଶରେ ବସବାସ କରୁଥିବା ଗୁରୁଙ୍ଗ ଜାତି ଲୋକେ ଏହି ମହୁ ସଂଗ୍ରହ କରିଥାନ୍ତି, ଏବଂ ସିଲ୍ ଧୁଙ୍ଗା ଗ୍ରାମର ବାସିନ୍ଦା ଏହି କାର୍ୟ୍ୟରେ ସିଦ୍ଧହସ୍ତ । ପାହାଡ ତୀଖରେ ଝୁଲୁଥିବା ମହୁଫେଣାରୁ ପାଗଳ ମହୁ ବା ମ୍ୟାଡ୍ ହନି ସଂଗ୍ରହ ବର୍ଷକୁ ଦୁଇଥର ବସନ୍ତ ଓ ଶରତ ଋତୁରେ କରାଯାଇଥାଏ ।

ତେବେ ଏହି ମହୁକୁ କାହିଁକି କୁହାଯାଏ ପାଗଳ ମହୁ ବା ମ୍ୟାଡ୍ ହନି , ସ୍ବାସ୍ଥ୍ୟ ବିଜ୍ଞାନୀଙ୍କ ଗବେଷଣା ଅନୁସାରେ ଏହା ଶାରୀରିକ ପ୍ରଭାବ ପାଇଁ ବେଶ୍ ଜଣାଶୁଣା, ଏହାକୁ କମ୍ ମାତ୍ରାରେ ଖାଇଲେ ହାଲୁକା ମୁଣ୍ଡବିନ୍ଧା ସହ ଅନନ୍ୟ ଆନନ୍ଦର ଅନୁଭବ ହୁଏ, କିନ୍ତୁ ଯେତେବେଳେ ଅଧିକ ମାତ୍ରାରେ ଗ୍ରହଣ କରାଯାଏ, ଏହା ମତ୍ତିଭ୍ରମ,ବାନ୍ତି, ଚେତନା ହରାଇବା,ହାର୍ଟ ଆଟାର୍କ ଏବଂ ବିରଳ କ୍ଷେତ୍ରରେ ମୃତ୍ୟୁର କାରଣ ହୋଇପାରେ। ଏପରିକି ସାଇକେଡେଲିକ୍ ହାଲୁସିନୋଜେନ୍ ହୋଇଥାଏ ଏହି ମହୁ ଖାଇବା ଦ୍ବାରା । ଏହି ମହୁଫେଣା ବା ମହୁ ଶିକାରର ମଜା ନେବା ପାଇଁ ହଜାର ହଜାର ପର୍ୟ୍ୟଟକ ପ୍ରତିବର୍ଷ ନେପାଳ ବୁଲିବାକୁ ଆସନ୍ତି। କାରଣ ଏଠାରେ ବିଶ୍ୱର ସବୁଠାରୁ ବଡ ମହୁମାଛି ନିଜ ବସା ବା ଫେଣା ତିଆରି କରିଥାନ୍ତି ।

ଏବେ ଆସନ୍ତୁ ଜାଣିବା ଏହି ମହୁ କଣ ପାଇଁ ଏତେ ବିରଳ କାହିଁକି, ଏହି ହିମାନଳୟନ୍ ନେପାଳ ମହୁ ସବୁଠାରୁ ଉତ୍କୃଷ୍ଟ ଓ ଔଷଧୀୟ ଗୁଣରେ ପରିପୂଣ୍ଣ । ଏହି ମହୁକୁ ସଂଗ୍ରହ କରିବା ପାଇଁ ନେପାଳର ହିମାଳୟ ପାଦଦେଶରେ ରହୁଥିବା ଗୁରୁଙ୍ଗ୍ ଜନଜାତି, ବିଶ୍ୱର ସବୁଠାରୁ ଗୁରୁତ୍ୱପୂର୍ଣ୍ଣ ଓ ସବୁଠାରୁ ବିପଜ୍ଜନକ ମହୁମାଛିମାନଙ୍କ ଠାରୁ ମହୁ ଆଣିବା ପାଇଁ ନିଜ ଜୀବନକୁ ବିପଦରେ ପକାନ୍ତି। ଏହି ପେଶା ବା ପରମ୍ପରାକୁ ସ୍ଥାନୀୟ ଲୋକେ ଶହ ଶହ ବର୍ଷ ଧରି ପାଳନ କରିଆସୁଛନ୍ତି । ଏହି ମହୁ ସଂଗ୍ରହ ସ୍ଥାନୀୟ ଲୋକମାନଙ୍କ ପାଇଁ ବହୁତ ଧାର୍ମିକ ଏବଂ ସାଂସ୍କୃତିକ ଗୁରୁତ୍ୱ ବହନ କରେ। ଏହି ମହୁ ସଂଗ୍ରହ କରିବାକୁ ହେଲେ ଜୀବନକୁ ବାଜି ଲଗାଇବାକୁ ପଡେ । ପ୍ରଥମେ ନିଜ ଗ୍ରାମ ଦେବତୀଙ୍କ ପାଖରେ ମହୁ ସଂଗ୍ରହ ପୂର୍ବଦିନ ଏ ପାରମ୍ପରିକ ପୂଜା କରାଯାଏ । ଏହାକୁ ମାରୁନି ପର୍ବ କହୁଯାଏ । ଏହା ପର ଦିନ ଗ୍ରାମର ସବୁଠାରୁ ବରିଷ୍ଠ ବ୍ୟକ୍ତି ପାହାଡ ତଳେ ନିଆଁ ଲଗାଇ ଠାକୁରଙ୍କୁ ପୂଜା କରିଥାଏ । ଏହାପରେ ଆରମ୍ଭ ହୁଏ ସମୁଦ୍ର ପତନ ଠାରୁ ଉଚ୍ଚରେ ଥିବା 20 ହଜାର ଫୁଟ୍ ଉଚ୍ଚ ହିମାଳୟ ପାହାଡର ଚଢିବା ପ୍ରକ୍ରିୟା । ତୀଖ ଓ ସମାନ୍ତରାଳ ଚଟାଣ ଉପରେ ଝୁଲୁଥିବାମହୁ ଫେଣାକୁ ମାତ୍ର ଏକ ଦଉଡି ସାହାଯ୍ୟରେ ଝୁଲି ସଂଗ୍ରହ କରାଯାଇଥାଏ । ଏହା ପୂର୍ବରୁ 3ଟି ଟିମରେ ଭାଗ ହୋଇଥାଏ । ଗୋଟିଏ ଟିମ୍ ପାହାଡ ତଳେ, ଯିଏ କି ତଳେ ପଡିଥିବା ମହୁ ସଂଗହ କରେ । ଆଉ ଗୋଟିଏ ଟିମ୍ ପାହାଡ ଉପରେ ରହେ, ଆଉ ଗୋଟିଏ ଟିମ୍ ପାହାଡ ତଳକୁ ଝୁଲି ମହୁ ତୋଳିଥାଏ ।

ଏହି ବିପଦ ପୂର୍ଣ୍ଣ ମହୁ ତୋଳିବା ପରେ, ଯେତେବେଳେ ସୁରକ୍ଷିତ ତଳକୁ ଓହ୍ଲାଇ ଆସନ୍ତି ସେତେବେଳେ ସେମାନଙ୍କୁ ଶୋ ଶୋ ଗୀତରେ ସ୍ବାଗତ କରାଯାଏ । ସଂଗ୍ରହ ହୋଇଥିବା ମହୁକୁ ପ୍ରଥମେ ଗ୍ରାମବାସୀଙ୍କ ମଧ୍ଯରେ କିଛି ପରିମାଣରେ ବାଣ୍ଟି ଦିଆଯାଏ ଓ ବଳକା ବଜାରରେ ବିକ୍ରି କରାଯାଏ । ଗୋଟିଏ ଗୋଟିଏ ମହୁ ବୋତଲ ପିଛା 3 ଶହ ଡଲାରରେ ବିକ୍ରି ହୁଏ । ଆଉ ଆନ୍ତର୍ଜାତୀୟ ବଜାରରେ ଖୁବ୍ ଡିମାଣ୍ଡ । କିନ୍ତୁଏହି ମହୁ ସଂଗ୍ରହ ବେଳେ ଅନେକ ଲୋକ ପାହାଡ ଉପରୁ ପଡ଼ି ନିଜ ହରାଇଥିଲେ ବି ଗୁରୁଙ୍ଗ୍ ଜନଜାତି ଏହି ପରମ୍ପରା ଛାଡି ନାହାନ୍ତି । ଓଲଟି ଏହାର ବଜାର ଚାହିହା ଓ ବଢି ଚାଲିଥିବା ଦାମ୍ ପ୍ରତି ଆକର୍ଷିତ ହୋଇ ଚାକିରି ଛାଡି ମହୁ ସଂଗ୍ରହ କରୁଛନ୍ତି । ତେବେ ଦିନକୁ ଦିନ ଏହି ମହୁ ଓ ମହୁମାଛିଙ୍କ ସଂଖ୍ୟା କମିବାରେ ଲାଗିଛି । କାରଣ ବିଶ୍ବ ତାପମାତ୍ରା ବୃଦ୍ଧି, ପାଣିପାଗ ପରିବର୍ତ୍ତନ ଓ ଜଙ୍ଗଲ ନିଆଁ କାରଣରୁ ଏମାନଙ୍କ ସଂଖ୍ୟା କମିବାରେ ଲାଗିଛି ।

ପୃଥିବୀ ନିକଟତର ହେଉଥିବା ପଥର ଖଣ୍ଡ ସବୁବେଳେ ହେଡଲାଇନ ସୃଷ୍ଟି କରିଥାଏ କାରଣ ଗୋଟିଏ ସହିତ ଧକ୍କା ହେବା ଦ୍ୱାରା ମାନବ ଜଗତ ପାଇଁ ଏକ ବଡ଼ ବିପର୍ଯ୍ୟୟ ସୃଷ୍ଟି ହୋଇପାରେ । ଏଥର ଆମେରିକାର ସ୍ପେସ୍ ଏଜେନ୍ସି ନାସାର ବୈଜ୍ଞାନିକମାନେ ଏକ ବସ୍ ଆକାରର ପଥର ଖଣ୍ଡ ବିଷୟରେ ଚେତାବନୀ ଦେଇଛନ୍ତି । ଆଜି ଏହା ପୃଥିବୀର ନିକଟତମ ହୋଇପାରେ ବୋଲି ସମ୍ଭାବନା ରହିଛି ।

ନାସାର ଆଷ୍ଟେରଏଡ୍ ୱାଚ୍ ପେଜ୍ ଅନୁଯାୟୀ,39 ଫୁଟ ବସ୍ ଆକାରର କ୍ଷୁଦ୍ରଗ୍ରହ 2023 JL1, ପ୍ରାୟ 2490000 କିଲୋମିଟର ଦୂରରେ ପୃଥିବୀ ଦେଇ ଯିବ । ଏହା ଘଣ୍ଟା ପ୍ରତି 26,316 କିଲୋମିଟର ବେଗରେ ଯାତ୍ରା କରୁଛି । ନାସା ଅନ୍ୟ ଦୁଇଟି ପଥରଖଣ୍ଡ 2023 JO1 ଏବଂ 2023 JD2 ବିଷୟରେ ମଧ୍ୟ ଚେତାବନୀ ଦେଇଛି । ପୂର୍ବଟି ଏକ ଘରର ଆକାର ପ୍ରାୟ 46 ଫୁଟ । ଏହା 2990000 କିଲୋମିଟର ଦୂରରେ ପୃଥିବୀ ଦେଇ ଗତି କରିବ । ଶେଷଟି ବିମାନ ଆକାରର ପ୍ରାୟ 200 ଫୁଟର ଥିବାବେଳେ ପୃଥିବୀ ଦେଇ 5630000 କିଲୋମିଟର ଦୂର ଦେଇ ଗତି କରିବାର ଆଶା କରାଯାଉଛି ।

ଉଲ୍ଲେଖଯୋଗ୍ୟ,ନାସାର ଡ୍ୟାସବୋର୍ଡ ଆଷ୍ଟେରଏଡ ଏବଂ ଧୂମପାନକୁ ଟ୍ରାକ୍ କରିଥାଏ ଯାହା ପୃଥିବୀକୁ ଅପେକ୍ଷାକୃତ ନିକଟତର କରିବ । ପ୍ରତ୍ୟେକ ମୁକାବିଲା ପାଇଁ ଡ୍ୟାସବୋର୍ଡ ନିକଟତମ ପଦ୍ଧତିର ତାରିଖ, ଆନୁମାନିକ ବସ୍ତୁର ବ୍ୟାସ,ଆପେକ୍ଷିକ ଆକାର ଏବଂ ପୃଥିବୀଠାରୁ ଦୂରତା ପ୍ରଦର୍ଶନ କରେ । ଏହା ପୃଥିବୀର 7.5 ନିୟୁତ କିଲୋମିଟର ମଧ୍ୟରେ ଥିବା ଆଷ୍ଟେରଏଡକୁ ଟ୍ରାକ୍ କରିଥାଏ । ସମସ୍ତ ଆକାରର ପ୍ରାୟ 30,000 ଆଷ୍ଟେରଏଡ୍ ଏକ କିଲୋମିଟର ଚଉଡ଼ା ଠାରୁ 850ରୁ ଅଧିକ ବଡ଼ । ପୃଥିବୀ ପରିସରରେ ତାଲିକାଭୁକ୍ତ ହୋଇ ସେମାନଙ୍କୁ ନିକଟ ପୃଥିବୀ ଅବଜେକ୍ଟସ୍ (NEOs) ଲେବଲ୍ ଅର୍ଜନ କରିଥିଲା ​। ପରବର୍ତ୍ତୀ 100 ବର୍ଷ ପାଇଁ ସେମାନଙ୍କ ମଧ୍ୟରୁ କେହି ପୃଥିବୀ ପ୍ରତି ବିପଦ ସୃଷ୍ଟି କରୁନାହାଁନ୍ତି ।

ନାସା ଅନୁଯାୟୀ,ଆମର ସୌର ପ୍ରଣାଳୀ ଗଠନରୁ ଆଷ୍ଟେରଏଡ୍ଗୁଡ଼ିକ ବାକି ଅଛି । ଆମର ସୌର ପ୍ରଣାଳୀ ପ୍ରାୟ 4.6 ବିଲିୟନ୍ ବର୍ଷ ପୂର୍ବେ ଆରମ୍ଭ ହୋଇଥିଲା ଯେତେବେଳେ ଗ୍ୟାସ୍ ଏବଂ ଧୂଳିର ଏକ ବଡ଼ ମେଘ ଖସିଗଲା । ଯେତେବେଳେ ଏହା ଘଟିଲା,ଅଧିକାଂଶ ସାମଗ୍ରୀ ମେଘର ମଧ୍ୟଭାଗରେ ପଡ଼ି ସୂର୍ଯ୍ୟ ସୃଷ୍ଟି କଲା । ମେଘରେ ଥିବା କେତେକ ଘନୀଭୂତ ଧୂଳି ଗ୍ରହ ହୋଇଗଲା ।

ସମସ୍ତ ଆଷ୍ଟେରଏଡ ସମାନ ଆକାର ଏବଂ ଆକୃତି ନୁହେଁ । କାରଣ ସୂର୍ଯ୍ୟଠାରୁ ଭିନ୍ନ ଦୂରତାରେ ବିଭିନ୍ନ ସ୍ଥାନରେ ଗ୍ରହ ସୃଷ୍ଟି ହୁଏ । କୌଣସି ଦୁଇଟି ଗ୍ରହ ସମାନ ନୁହଁନ୍ତି ।

ନାସା ଇଞ୍ଜିନିୟର ମାନେ ଏକ ବୁଦ୍ଧିମାନ ରୋବଟ୍ ସାପ ବିକାଶ କରୁଛନ୍ତି, ଯାହାକି ଅନ୍ୟ ଜଗତକୁ ଅନୁସନ୍ଧାନ କରିବାରେ ଏବଂ ମହାକାଶରେ ନିର୍ମାଣ କାର୍ଯ୍ୟ କରିବାରେ ସକ୍ଷମ ହେବ ।

ନାସା ଇଞ୍ଜିନିୟର ମାନେ ପୂର୍ବାନୁମାନ କରିଛନ୍ତି ଯେ, ରୋବଟ୍ ସାପ ସ୍ବତନ୍ତ୍ର ଭାବେ ଅନ୍ୟ ଗ୍ରହ କିମ୍ବା ଉପଗ୍ରହର ମାଟି ଖୋଳିବାରେ ବେଶ ସକ୍ଷମ, କୌଣସି ଗ୍ରହ ପୃଷ୍ଠରେ ଥିବା ଫାଟ ଏବଂ ସେଠାରେ ସୃଷ୍ଟି ହେଉଥିବା ବିଭିନ୍ନ ଚ୍ୟାଲେଞ୍ଜର ସମ୍ମୁଖୀନ ହୋଇ ତାହାର ମୁକାବିଲା କରିବାକୁ ଏହା ବହୁତ ସକ୍ଷମ । ପାଞ୍ଚ ବର୍ଷ ମଧ୍ୟରେ ମହାକାଶରେ ଯାତ୍ରା ପାଇଁ ଏହା ପ୍ରସ୍ତୁତ ହୋଇଯିବ ବୋଲି ନାସାର ଇଞ୍ଜିନିୟର ମାନେ ଆକଳନ କରିଛନ୍ତି ।

କାଲିଫର୍ନିଆର ସିଲିକନ୍ ଭ୍ୟାଲିରେ ଅବସ୍ଥିତ ନାସାର ଆମସ୍ ରିସର୍ଚ୍ଚ ସେଣ୍ଟରର ଲିଡ୍ “ସ୍ନେକବଟ୍” ଇଞ୍ଜିନିୟର ଗ୍ୟାରି ହେଥ କହିଛନ୍ତି ଯେ, ସାପ ଆମକୁ ଅନ୍ତରିକ୍ଷରେ ବିଭିନ୍ନ କାର୍ଯ୍ୟରେ ସହାୟକ ହେବା ସହ ଦକ୍ଷତା ବଢାଇବ । ଏକ ସ୍ନେକବଟ୍ ଖାଲ-ଢିବ ଭୂମିରେ ବି ଯାଇପାରେ, ଯେଉଁଠାରେ ଏକ ଚକିଆ ରୋବୋଟିକ୍ ରୋଭର ଅଟକି ଯିବାର ସମ୍ଭାବନା ଯଥେଷ୍ଟ ଥାଏ ।

ହେଥ କହିଛନ୍ତି ଯେ, ଆମର ପ୍ରଥମ ପଦକ୍ଷେପ ଥିଲା ଏକ ସରଳ ଯାନ୍ତ୍ରିକ ପରୀକ୍ଷଣ ସାପ ତିଆରି କରିବା ଏବଂ ଅନ୍ୟ ଲ୍ୟାବରେ ପୂର୍ବରୁ କରାଯାଇଥବା କାର୍ଯ୍ୟ ଯୋଗୁଁ ଆମେ ଏହାକୁ ଗୋଟିଏ ଦିନରୁ ବି କମ ସମୟ ଭିତରେ ନିର୍ମାଣ କରିପାରିଥିଲୁ । ଏହା ‘ପୋଲିବୋଟ’ର ପ୍ରତ୍ୟକ୍ଷ ମଡେଲ ଯାହାକୁ ଜେରୋକ୍ସ ପାଲୋ ଅଲଟୋ ରିସର୍ଚ୍ଚ ସେଣ୍ଟରର ମାର୍କ ୟିମ୍ , ପାଲୋ ଅଲଟୋ, ସିଏ ଆଦି ସହଯୋଗରେ ବିକଶିତ କରାଯାଇପାରିଛି । ଆମ ସଂସ୍କରଣରେ ଟିକେ ଅଲଗା ଇଲେକ୍ଟ୍ରୋନିକ୍ସ ଅଛି ବୋଲି ହେଥ କହିଛନ୍ତି । ପରୀକ୍ଷଣ ହୋଇଥିବା ସାପରେ ଗୋଟିଏ ତାର ଅଛି, ଯାହା କମ୍ପ୍ୟୁଟର ମେମୋରିରୁ ଯୋଗାଯୋଗ ଏବଂ ଶକ୍ତି ବହନ କରିଥାଏ ବୋଲି ହେଥ ବର୍ଣ୍ଣନା କରିଛନ୍ତି ।