କହୁ କହୁ ନିଜର ମନର କଥା ସବୁ କହିଦେଲେ ଅଭିନେତା ସାହିଦ କପୁର। ପ୍ରକୃତରେ କଣ ହୋଇଥିଲା ସାହିଦଙ୍କ ସହ ତାକୁ ନେଇ ଏବେ ସବୁଠି ଚର୍ଚ୍ଚା। ବଲିଉଡର ଜଣେ ଆଗ ଧାଡିର ଅଭିନେତା ହେଉଛନ୍ତି ସାହିଦ କପୁର। ଚକଲେଟ ହିରୋ ନାମରେ ସମସ୍ତଙ୍କ ହୃଦୟରେ ସେ ରାଜ କରନ୍ତି । ସାହିଦ ନିଜ ରିଲ ଲାଇଫ ହେଉ କି ରିଅଲ ଲାଇଫ ହେଉ, ସବୁବେଳେ ଚର୍ଚ୍ଚାରେ ଥାନ୍ତି ।
ପୁଣି ଥରେ ଏମିତି କିଛି କହିଦେଇଛନ୍ତି କି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ସାହିଦ। ଖବର ନେବାରୁ ଜଣାପଡିଛି କି, ନିକଟରେ ସାହିଦ କପୁର କହିଥିଲେ ମୁଁ ପୁଣି ଥରେ ସେହି ଚରିତ୍ର କରିବାକୁ ଚାହୁଁଛି ଯାହା ବାସ୍ତବରେ ମୋତେ ଭଲ ଲାଗିନଥିଲା। ତେବେ କଣ ସାହିଦ ଫିଲ୍ମ ପଦ୍ମାବତ କଥା କହୁଛନ୍ତି। କାରଣ ୫ ବର୍ଷ ପୂର୍ତ୍ତି ଅବସରରେ ଥରେ ସାହିଦ କପୁର କହିଥିଲେ କି, ଫିଲ୍ମରେ ମୁଁ ମୋ ଅଭିନୟରେ ଖୁସି ନାହିଁ। ମୁଁ ଫସିଗଲି। ଅର୍ଥାତ୍ ସାହିଦ ନିଜେ ଏକମତ ଯେ, ପଦ୍ମାବତ ଫିଲ୍ମରେ ସେ ଅଭିନୟ କରିଥିବା ରାଜା ରତନ ରାବଲ ସିଂ ଭୂମିକାକୁ ସେ ୧୦୦ ପ୍ରତିଶତ ଅଭିନୟ କରିପାରିନଥିଲେ।
ଆଜ୍ଞା ହଁ, ଏକ ସାକ୍ଷାତକାରରେ ଅଭିନେତା ନିଜେ କହିଛନ୍ତି କି, ଯେତେବେଳେ ସେ ଫିଲ୍ମ ପଦ୍ମାବତରେ ରାଜା ରତନ ରାବଲ ସିଂହଙ୍କ ଭୂମିକାରେ ଅଭିନୟ କରୁଥିଲେ। ସେତେବେଳେ ସେ କୌଣସି ସମସ୍ୟାରେ ଫସି ଯାଇଥିଲେ। ଯେଉଁଥି ପାଇଁ ସେ ଫିଲ୍ମରେ ତାଙ୍କ ୧୦୦ ପ୍ରତିଶତ ଦେଇପାରିନଥିଲେ। ତେଣୁ ତାଙ୍କୁ ଫିଲ୍ମ ସେଟରେ ଜଣେ ଆଉଟ ସାଇଡର ପରି ଲାଗୁଥିଲା ବୋଲି ସେ କହିଥିଲେ।
ତେବେ ସେ ଯାହା ବି ହେଉ ଏହି ଫିଲ୍ମଟି ବକ୍ସ ଅଫିସରେ ସୁପର ହିଟ ହୋଇଥିଲା। ଆଉ ଦର୍ଶକଙ୍କ ହୃଦୟରେ ଏବେବି ରାଜ କରୁଛି।