ଗୋଟିଏ ପଟେ ଯେଉଁଠି ବିଶ୍ୱର ଅନେକ ଦେଶ ସେକ୍ସ ବିଷୟରେ ଖୋଲାଖୋଲି ଭାବେ ଆଲୋଚନା କରିବାକୁ ସଙ୍କୋଚ ଅନୁଭବ କରିଥାଏ, କିମ୍ବା ସେକ୍ସ ଶିକ୍ଷାକୁ ମଧ୍ୟ ପ୍ରୋତ୍ସାହନ ଦିଏନାହିଁ, ସେପରି ସ୍ଥିତିରେ ଅନେକ ଦେଶ ଏହି ପ୍ରସଙ୍ଗରେ ବହୁ ଆଗକୁ ଚାଲିଯାଇଛନ୍ତି । ଏହି ପର୍ଯ୍ୟାୟରେ ସ୍ୱିଡେନ ଇତିହାସ ସୃଷ୍ଟି କରିଛି । ସ୍ୱିଡେନ ସେକ୍ସକୁ କେବଳ ଏକ ଖେଳ ଭାବରେ ସ୍ୱୀକୃତି ଦେଇନାହିଁ, ବରଂ ଖୁବଶୀଘ୍ର ସେକ୍ସ ଚାମ୍ପିୟନଶିପ ମଧ୍ୟ କରିବାକୁ ଯାଉଛି । ଏଥିସହିତ ସ୍ୱିଡେନ ବିଶ୍ୱର ପ୍ରଥମ ଦେଶ ହୋଇପାରିଛି ଯିଏ ସେକ୍ସକୁ ଏକ ଖେଳ ଭାବରେ ସ୍ୱୀକୃତି ଦେଇଛି ।
ବାସ୍ତବରେ ଆନ୍ତର୍ଜାତୀୟ ଗଣମାଧ୍ୟମ ରିପୋର୍ଟରେ ସ୍ୱିଡେନର ଏହି ପଦକ୍ଷେପ ବିଷୟରେ ଅନେକ ଆଲୋଚନା ହେଉଛି । କୁହାଯାଇଛି ଯେ, ଜୁନ୍ ୮ରୁ ସ୍ୱିଡେନରେ ଏକ ସେକ୍ସ ପ୍ରତିଯୋଗିତା ଅନୁଷ୍ଠିତ ହେବାକୁ ଯାଉଛି, ଯାହାର ନାମ ‘ସ୍ୱିଡେନ ସେକ୍ସ ଚାମ୍ପିଅନସିପ୍’ ରଖାଯାଇଛି । ୨୦ଟି ଦେଶରୁ ଅଂଶଗ୍ରହଣକାରୀ ମାନେ ଏହି ଖେଳରେ ଭାଗ ନେବାକୁ ଯାଉଛନ୍ତି । ଯେଉଁଥିପାଇଁ ସେମାନେ ମଧ୍ୟ ପଞ୍ଜୀକରଣ କରିଛନ୍ତି । ଏହି ଅଜବ ଖେଳରେ ୧୬ଟି ପ୍ରତିଯୋଗିତା ଅନ୍ତର୍ଭୁକ୍ତ କରାଯାଇଛି ।
କେବଳ ସେତିକି ନୁହେଁ ଏହି ଟୁର୍ନାମେଣ୍ଟ ପାଇଁ ଅନେକ ଅନନ୍ୟ ନିୟମ ମଧ୍ୟ ତିଆରି କରାଯାଇଛି । ଅନେକ ସପ୍ତାହ ଧରି ଚାଲିବାକୁ ଥିବା ଏହି ଚାମ୍ପିୟନଶିପ୍ରେ ଅଂଶଗ୍ରହଣକାରୀ ମାନଙ୍କୁ ପ୍ରତିଦିନ ୬ ଘଣ୍ଟା ଅଂଶଗ୍ରହଣ କରିବାକୁ ପଡ଼ିବ । ପ୍ରତିଯୋଗୀ ମନେ ମ୍ୟାଚ୍ ପାଇଁ ନିଜକୁ ପ୍ରସ୍ତୁତ କରିବାକୁ ୪୫ ମିନିଟ୍ ସମୟ ପାଇବେ । ବର୍ତ୍ତମାନ ଏହି ଚାମ୍ପିୟନସିପ୍ ପାଇଁ ଅଂଶଗ୍ରହଣକାରୀଙ୍କ ମଧ୍ୟରେ ବହୁତ ଉତ୍ସାହ ରହିଛି । ଏହାର କାରଣ ହେଉଛି ଏହା ହେଉଛି ଦୁନିଆର ସବୁଠାରୁ ଭିନ୍ନ ଚାମ୍ପିଅନସିପ୍ ।
ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ବିଭିନ୍ନ ଦେଶରୁ ୨୦ ଜଣ ଲୋକ ଏହି ଚାମ୍ପିୟନଶିପ ପାଇଁ ଆବେଦନ କରିଛନ୍ତି । ଏଥି ସହିତ ତିନି ଜଣ ଜୁରୀ ଏବଂ ଦର୍ଶକଙ୍କ ରେଟିଂ ମାଧ୍ୟମରେ ବିଜେତା ଚୟନ କରାଯିବ । ପ୍ରତିଯୋଗୀ ମାନେ ପ୍ରତ୍ୟେକ ବିଷୟରୁ ୫ରୁ ୧୦ ମାର୍କ ମଧ୍ୟରେ ସ୍କୋର କରିପାରିବେ । ପ୍ରତିଯୋଗୀ ମାନେ ୧୬ଟି ବିଭାଗରେ ପ୍ରତିଦ୍ୱନ୍ଦ୍ୱିତା କରିପାରିବେ । ଏଥିରେ ସିଡକ୍ସନ ଠାରୁ ଆରମ୍ଭ କରି ଶରୀର ମସାଜ ପର୍ଯ୍ୟନ୍ତ ଅନେକ ଜିନିଷ ଅନ୍ତର୍ଭୁକ୍ତ ।
ଆୟୋଜକ ମାନେ ଏହି ଚାମ୍ପିଅନସିପ୍ ବିଷୟରେ କହିଛନ୍ତି ଯେ, ଏହାର ମୁଖ୍ୟ ଉଦ୍ଦେଶ୍ୟ ହେଉଛି ବିବିଧତାକୁ ଗୁରୁତ୍ୱ ଦେବା ଏବଂ ଏହି ଚାମ୍ପିୟନସିପରେ ଯେକୌଣସି ଲିଙ୍ଗର ବ୍ୟକ୍ତିର ସାମିଲ ହେବାର ଅଧିକାର ଅଛି । ଆୟୋଜକ ମାନେ କହିଛନ୍ତି ଯେ, ଏହି ଖେଳରେ ଯୌନ ଆକର୍ଷଣ ଏକ ରଣନୀତିକ ଭୂମିକା ଗ୍ରହଣ କରିପାରିବ । ଭବିଷ୍ୟତରେ ଏହା ଅନ୍ୟ ୟୁରୋପୀୟ ଦେଶମାନଙ୍କ ଦ୍ୱାରା ଗ୍ରହଣ କରାଯିବ ବୋଲି ସେମାନେ ବିଶ୍ୱାସ କରନ୍ତି ।
ବର୍ତ୍ତମାନ ଏହି ଚାମ୍ପିୟନସିପକୁ ନେଇ ସାରା ବିଶ୍ୱରେ ଆଲୋଚନା ଚାଲିଛି । ଅନ୍ୟ ଏକ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ଏହି ଚାମ୍ପିୟନଶିପରେ କିଏ ବିଜେତା ହେବ ତାହା ବିଚାରପତି ଏବଂ ଦର୍ଶକଙ୍କ ଭୋଟ୍ ଦ୍ୱାରା ସ୍ଥିର ହେବ । କୁହାଯାଉଛି ଯେ ୩୦ ପ୍ରତିଶତ ଭୋଟ୍ ବିଚାରପତିଙ୍କ ହୋଇଥିବା ବେଲେ ୭୦ ପ୍ରତିଶତ ଭୋଟ୍ ଦର୍ଶକଙ୍କ ହେବ । ଉଭୟଙ୍କ ଭୋଟ୍ ଆଧାରରେ ବିଜେତା ଘୋଷିତ ହେବ ।