ଲୋକଙ୍କ ପାଇଁ ଏବେ ଥାଇରଏଡ୍ ଏକ ଗୁରୁତର ସମସ୍ୟା ପାଲଟିଛି । ଏହି ରୋଗ ପାଇଁ କୌଣସି ନିର୍ଦ୍ଧିଷ୍ଟ ଚିକିତ୍ସା ନାହିଁ । ତେବେ ଏହାକୁ ନିୟନ୍ତ୍ରଣ କରି ଆପଣ ସୁସ୍ଥ ଜୀବନଯାପନ କରିପାରିବେ । ଥାଇରଏଡ୍ ହେଉଛି ଥାଇରଏଡ୍ ଗ୍ରନ୍ଥି ଦ୍ୱାରା ନିର୍ମିତ ଏକ ହରମୋନ୍ । ଏହି ହରମୋନ ଅତ୍ୟଧିକ ହେଲେ କିମ୍ବା କିମ୍ବା କମିଗଲେ ଆପଣଙ୍କ ଶରୀରରେ ଅନେକ ସମସ୍ୟା ସୃଷ୍ଟି କରିପାରେ । ତେଣୁ ସବୁବେଳେ ଏଥିପ୍ରତି ଧ୍ୟାନ ଦେବା ଉଚିଛି । ହାଇପରଥାଇରଏଡିଜିମ୍ ହେଉଛି ଏକ ଅବସ୍ଥା ଯେଉଁଥିରେ ଏହି ହରମୋନ୍ ଅଧିକ ମାତ୍ରାରେ ଉତ୍ପନ୍ନ ହୋଇଥାଏ । ଅନ୍ୟପଟେ, ହାଇପୋଥାଇରଏଡିଜିମ୍ ହେଉଛି ଏକ ଅବସ୍ଥା ଯେଉଁଥିରେ ବହୁତ କମ୍ ହରମୋନ ତିଆରି ହୋଇଥାଏ କିମ୍ବା ତିଆରି ସମ୍ପୂର୍ଣ୍ଣ ବନ୍ଦ ହୋଇଯାଏ । ତେଣୁ ଥାଇରଏଡକୁ ନିୟନ୍ତ୍ରଣରେ ରଖିବା ପାଇଁ ଖାଇବାପିଇବାରେ ଯତ୍ନ ନେବା ଆବଶ୍ୟକ ..। ଜଣେ ଥାଇରଏଡ୍ ସମସ୍ୟାରେ ଭୋଗୁଥିବା ରୋଗୀ କ’ଣ ଖାଇଲେ ଏହାକୁ କିଛି ମାତ୍ରାରେ ନିୟନ୍ତ୍ରଣ କରିପାରିବେ ।
କଖାରୁ ମଞ୍ଜି: ଏହା ଦେହ ପାଇଁ ଅନେକ ଉପକାରୀ । ତେବେ ଏହା T4କୁ ସକ୍ରିୟ T3ରେ ରୂପାନ୍ତର କରିବା ପାଇଁ ଆବଶ୍ୟକ । ଯଦି ଆପଣ ଥାଇରଏଡ୍ ରୋଗୀ, ତେବେ ତୁରନ୍ତ ଏହାକୁ ଡାଏଟରେ ଅନ୍ତର୍ଭୁକ୍ତ କରିବା ଉଚିତ୍ ।
ଭୃସଙ୍ଗପତ୍ର : ଭୃସଙ୍ଗପତ୍ର ତମ୍ବାର ଏକ ଉତ୍ତମ ଉତ୍ସ ଯାହା ଥାଇରକ୍ସାଇନ୍ ହରମୋନ୍ T4 ଉତ୍ପାଦନକୁ ବଢ଼ାଇଥାଏ । ଶରୀରର କ୍ୟାଲସିୟମ୍ ସ୍ତରକୁ ନିୟନ୍ତ୍ରଣ କରିଥାଏ । ରକ୍ତ କୋଷରେ T4ର ଅଧିକ ଅବଶୋଷଣକୁ ରୋକିଥାଏ ଏହି ପତ୍ର ।
ନାଣ୍ଡିବାଗୁଲି: ଏଥିରେ ଓମେଗା-3 ଫ୍ୟାଟି ଏସିଡ୍ ଭରପୂର ରହିଛି ଯାହା ଭଲ ମେଟାବୋଲିଜିମ୍ ବଜାୟ ରଖେ । କେବଳ ଏତିକି ନୁହେଁ,ଏହି କ୍ଷୁଦ୍ର ମଞ୍ଜି ଥାଇରଏଡ୍ ଗ୍ରନ୍ଥି କାର୍ଯ୍ୟରେ ଉନ୍ନତି ଆଣିବାରେ ସାହାଯ୍ୟ କରିଥାଏ ।
ଦହି: ଏହା ଆୟୋଡିନର ଏକ ଉତ୍ତମ ଉତ୍ସ । ଏହା ଏକ ପ୍ରୋବାୟୋଟିକ୍ ସୁପରଫୁଡ୍ । ଏହାର ଗୁରୁତ୍ବପୁର୍ଣ୍ଣ କାରଣ ଅନେକ । ଥାଇରଏଡ୍ ସମସ୍ୟା ଅଟୋଇମ୍ୟୁନ ରୋଗ ଦ୍ୱାରା ହୋଇଥାଏ । ମନେ ରଖିବା ଉଚିତ ଯେ ରୋଗ ପ୍ରତିରୋଧକ ଶକ୍ତି ଉପଶମ କରିବା ପାଇଁ ଆପଣ ପ୍ରଥମେ ଅନ୍ତନଳୀକୁ ଭଲ କରିବା ଆବଶ୍ୟକ ।
ଡାଳିମ୍ବ : ଡାଳିମ୍ବରେ ପଲିଫେନୋଲ ଥିବାରୁ ଏହା ଶରୀରରୁ ମୁକ୍ତ ରେଡିକାଲ୍ ଅପସାରଣ କରିବାରେ ସାହାଯ୍ୟ କରିଥାଏ । ଡାଳିମ୍ବ ଖାଇଲେ ଥାଇରଏଡ୍ ଗ୍ରନ୍ଥିର କାର୍ଯ୍ୟ ଆହୁରି ବୃଦ୍ଧି ହୋଇଥାଏ । ତେବେ ଖାଇବା ଉପରେ ନିୟନ୍ତ୍ରଣର ଆବଶ୍ୟକତା ରହିଛି । ସମ୍ପୂର୍ଣ୍ଣ ରୂପେ ଏହାର ନିରାକରଣ ପାଇଁ ଡାକ୍ତରଙ୍କ ପରାମର୍ଶ ନିହାତି ଜରୁରୀ ।
