ଦର୍ଶକବଂଧୁ ସୁପରଷ୍ଟାର ହେବାକୁ ଅନେକ ସ୍ୱପ୍ନ ଦେଖନ୍ତି, ନାଁ ଓ ଖ୍ୟାତି ଅର୍ଜନ କରିବାକୁ ଅନେକ ପରିଶ୍ରମ କରନ୍ତି। ଆଉ ଯେତେବେଳେ ସଫଳତାର ଶୀର୍ଷରେ ପହଞ୍ଚନ୍ତି, ସେତେବେଳେ ନିଜ ଅର୍ଜିତ ସମ୍ପତ୍ତିକୁ ନେଇ ଅନେକ ସ୍ୱପ୍ନ ଦେଖନ୍ତି। କିଏ ନିଜ ପରିବାର ପାଇଁ ବିଳାସପୂର୍ଣ୍ଣ ଜୀବନର ବ୍ୟବସ୍ଥା କରନ୍ତି, ତ ଆଉ କିଏ ନିଜ ସନ୍ତାନଙ୍କ ଭବିଷ୍ୟତକୁ ସୁରକ୍ଷିତ କରିବା ପାଇଁ ସମ୍ପତ୍ତି ସଞ୍ଚୟ କରନ୍ତି। କିନ୍ତୁ ଦକ୍ଷିଣ ଭାରତୀୟ ସିନେମାର ସୁପରଷ୍ଟାର ରଜନୀକାନ୍ତଙ୍କ ନାଁରେ ପ୍ରଚାରିତ ହେଉଥିବା ଏକ ବାର୍ତ୍ତା ଏବେ ଲୋକଙ୍କ ଧ୍ୟାନ ଆକର୍ଷଣ କରୁଛି। ନିଜ ମୃତ୍ୟୁ ପରେ ଅର୍ଜିତ ସମ୍ପତ୍ତିକୁ ଅସହାୟ ଲୋକଙ୍କ କଲ୍ୟାଣରେ ଲଗାଇବେ ରଜନୀକାନ୍ତ |ଏହାକୁ ନେଇ ସୋସିଆଲ ମିଡିଆରେ ତାଙ୍କ ପ୍ରଶଂସା କରାଯାଉଛି।ମିଳିଥିବା ସୂଚନା ଅନୁସାରେ, ରଜନୀକାନ୍ତ କହିଥିବା କଥାର ମୂଳ ଭାବ ହେଉଛି, ତାଙ୍କ ସଫଳତା ପଛରେ ରହିଛି ତାଙ୍କୁ ଭଲ ପାଉଥିବା ଦର୍ଶକଙ୍କ ଅବଦାନ। ଲୋକେ ଟିକେଟ୍ କିଣି ତାଙ୍କ ଫିଲ୍ମ ଦେଖିଛନ୍ତି, ତାଙ୍କ ଅଭିନୟକୁ ଭଲ ପାଇଛନ୍ତି ଏବଂ ତାଙ୍କୁ ସୁପରଷ୍ଟାରର ପରିଚୟ ଦେଇଛନ୍ତି। ତେଣୁ ନିଜ ଅର୍ଜିତ ସମ୍ପତ୍ତିକୁ ସମାଜର ଅସହାୟ ଲୋକଙ୍କ ସହାୟତାରେ ଲଗାଇବା ହେଉଛି ଲୋକଙ୍କ ପ୍ରତି ତାଙ୍କର କୃତଜ୍ଞତାର ପ୍ରତିଫଳନ। ତେବେ ଏହି ପୁରୁଣା ବୟାନ ବର୍ତ୍ତମାନ ପୁଣି ଭାଇରାଲ ହେଉଥିବା କୁହାଯାଉଛି। ରଜନୀକାନ୍ତଙ୍କ ଅଭିନୟ ଯାତ୍ରା କୌଣସି ସାଧାରଣ କାହାଣୀ ନୁହେଁ। ଦୀର୍ଘ ବର୍ଷର ପରିଶ୍ରମ, ଅନେକ ଚ୍ୟାଲେଞ୍ଜ ଓ ଦର୍ଶକଙ୍କ ଭଲପାଇବା ତାଙ୍କୁ ଏହି ସ୍ଥାନରେ ପହଞ୍ଚାଇଛି। ତାଙ୍କର ଅଭିନୟ ଶୈଳୀ, ଷ୍ଟାଇଲ୍ ଏବଂ ପରଦାରେ ତାଙ୍କ ଉପସ୍ଥିତି ପାଇଁ ସେ କେବଳ ଦକ୍ଷିଣ ଭାରତରେ ନୁହେଁ, ସାରା ଦେଶରେ ଏକ ବଡ଼ ପ୍ରଶଂସକ ଗୋଷ୍ଠୀ ସୃଷ୍ଟି କରିଛନ୍ତି। ତାଙ୍କ ଫିଲ୍ମ ରିଲିଜ୍ ହେଲେ ସିନେମା ହଲ୍ରେ ଉତ୍ସାହ ଦେଖିବାକୁ ମିଳେ। ତାଙ୍କ ପ୍ରଶଂସକଙ୍କ ପାଇଁ ତାଙ୍କ ଫିଲ୍ମ କେବଳ ମନୋରଞ୍ଜନ ନୁହେଁ, ଏହା ଏକ ଭାବନା ସହ ଜଡ଼ିତ।ସେହି ଦର୍ଶକଙ୍କ ଅବଦାନକୁ ମନେ ପକାଇ ସମ୍ପତ୍ତିକୁ ଲୋକଙ୍କ କଲ୍ୟାଣରେ ଲଗାଇବାର ବାର୍ତ୍ତା ଏବେ ଚର୍ଚ୍ଚାର ବିଷୟ ପାଲଟିଛି। ଯଦି ଏହି ଉଦ୍ଦେଶ୍ୟ ଅନୁସାରେ ଏକ ଟ୍ରଷ୍ଟ ମାଧ୍ୟମରେ ଅସହାୟ ଲୋକଙ୍କୁ ସହାୟତା ମିଳେ, ତେବେ ତାହା ଶିକ୍ଷା, ସ୍ୱାସ୍ଥ୍ୟସେବା, ଗରିବ ପରିବାରଙ୍କ ସହାୟତା ଏବଂ ଅନ୍ୟାନ୍ୟ ଜନକଲ୍ୟାଣ କାର୍ଯ୍ୟରେ ଉପଯୋଗୀ ହୋଇପାରିବ। ଏପଟେ ରଜନୀକାନ୍ତଙ୍କ ଫିଲ୍ମକୁ ନେଇ ମଧ୍ୟ ଚର୍ଚ୍ଚା ଜାରି ରହିଛି। ତାଙ୍କ ଅଭିନୀତ ‘ଜେଲର୍-୨’କୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଥିବା ଦେଖିବାକୁ ମିଳିଛି । ଫିଲ୍ମର ବ୍ୟବସାୟ, ଦର୍ଶକଙ୍କ ପ୍ରତିକ୍ରିୟା ଏବଂ ଅନ୍ୟ ଚଳଚ୍ଚିତ୍ରର ରେକର୍ଡକୁ ନେଇ ଅନେକ ଆଲୋଚନା ହେଉଛି। ତେବେ ‘ଟକ୍ସିକ୍’ ଭଳି ଫିଲ୍ମର ରେକର୍ଡକୁ ‘ଜେଲର୍-୨’ ଅତିକ୍ରମ କରିଛି ବୋଲି ଚର୍ଚ୍ଚ ହେଉଛି |ତେବେ ସବୁଠୁ ବଡ଼ କଥା ହେଉଛି, ଜଣେ କଳାକାରଙ୍କ ପ୍ରକୃତ ମୂଲ୍ୟ କେବଳ ତାଙ୍କ ରୋଜଗାର, ଲୋକପ୍ରିୟତା କିମ୍ବା ବକ୍ସ ଅଫିସ୍ର ସଫଳତାରେ ସୀମିତ ନୁହେଁ। ସମାଜ ପ୍ରତି ତାଙ୍କର ଦାୟିତ୍ୱବୋଧ ଓ ଅନ୍ୟମାନଙ୍କ ପାଇଁ କିଛି କରିବାର ମନୋଭାବ ମଧ୍ୟ ତାଙ୍କୁ ସ୍ୱତନ୍ତ୍ର ପରିଚୟ ଦେଇଥାଏ। ରଜନୀକାନ୍ତଙ୍କ ଏହି ବାର୍ତ୍ତା ମଧ୍ୟ ସେହି କାରଣରୁ ଲୋକଙ୍କ ମନକୁ ଛୁଇଁଛି।ଯେଉଁ ଦର୍ଶକ ଟିକେଟ୍ କିଣି ଫିଲ୍ମ ଦେଖିଥିଲେ, ସେମାନଙ୍କ ଯୋଗୁଁ ଜଣେ କଳାକାର ସଫଳତା ପାଇଲେ, ଏହି ଭାବନା ହିଁ ଏହି ବାର୍ତ୍ତାର ମୁଖ୍ୟ ଆକର୍ଷଣ। ନିଜ ସଫଳତାକୁ ନିଜ ପାଖରେ ସୀମିତ ନରଖି ସମାଜର ଆବଶ୍ୟକତା ଥିବା ଲୋକଙ୍କ କଥା ଚିନ୍ତା କରିବାର ଧାରଣା ଅନେକଙ୍କୁ ପ୍ରେରଣା ଦେଉଛି।ସେଥିପାଇଁ ସୋସିଆଲ ମିଡିଆରେ ରଜନୀକାନ୍ତଙ୍କୁ ନେଇ ଭୁରି ଭୁରି ପ୍ରଶଂସା କରାଯାଉଛି |