ଭଦ୍ରକ ଜିଲ୍ଲାର ପ୍ରସିଦ୍ଧ ଆରଡ଼ି ଧାମରେ ଆଜି ଭକ୍ତଙ୍କ ଅସମ୍ଭବ ଭିଡ଼ ଦେଖିବାକୁ ମିଳିଛି। ଆରଡ଼ି ଆଖଣ୍ଡଳମଣି ମନ୍ଦିରକୁ ଦର୍ଶନ ପାଇଁ ଆସିଥିବା ପ୍ରାୟ ୩୦ ହଜାର ଭକ୍ତଙ୍କ ଭିଡ଼ ଯୋଗୁଁ ଅଞ୍ଚଳରେ ଯାତାୟାତ ଓ ଭିଡ଼ ନିୟନ୍ତ୍ରଣ ବ୍ୟବସ୍ଥାକୁ ନେଇ ପ୍ରଶ୍ନ ଉଠିଛି।ମାନପୁର ଘାଟଠାରୁ ଆରଡ଼ି ଆଖଣ୍ଡଳମଣି ମନ୍ଦିର ପର୍ଯ୍ୟନ୍ତ ଭକ୍ତଙ୍କ ଭିଡ଼ ଲାଗି ରହିଥିବା ବେଳେ ରାସ୍ତାରେ ଯାନବାହନ ଚଳାଚଳ ମଧ୍ୟ ପ୍ରଭାବିତ ହୋଇଥିବା ଅଭିଯୋଗ ହୋଇଛି। ଏତେ ବଡ଼ ସଂଖ୍ୟାରେ ଭକ୍ତଙ୍କ ସମାଗମ ହୋଇଥିଲେ ମଧ୍ୟ ପର୍ଯ୍ୟାପ୍ତ ପୁଲିସ ମୁତୟନ ନଥିବା ନେଇ ସ୍ଥାନୀୟ ଲୋକ ଓ ଭକ୍ତମାନେ ଅସନ୍ତୋଷ ପ୍ରକାଶ କରିଛନ୍ତି।ଅନ୍ୟପଟେ ମାନପୁର ଘାଟ ଦେଇ ଆରଡ଼ି ଯିବା ସମୟରେ ନୌକା ଭଡ଼ାକୁ ନେଇ ମଧ୍ୟ ଅଭିଯୋଗ ଉଠିଛି। କିଛି ଭକ୍ତଙ୍କ ଅଭିଯୋଗ ଅନୁସାରେ, ନୌକା ଚାଳକମାନେ ପ୍ରତି ଯାତ୍ରୀଙ୍କଠାରୁ ଅଧିକ ଟଙ୍କା ନେଉଥିବାରୁ ଭକ୍ତମାନେ ଅସୁବିଧାରେ ପଡ଼ୁଛନ୍ତି। ଭିଡ଼ ସମୟରେ ଘାଟରେ ସୁରକ୍ଷା ବ୍ୟବସ୍ଥା ଓ ନୌକା ଚଳାଚଳକୁ ନେଇ ମଧ୍ୟ ପ୍ରଶ୍ନ ଉଠିଛି।ଏହା ସହ ଆରଡ଼ି ଅଞ୍ଚଳର ରାସ୍ତାଘାଟ ଓ ଯାତାୟାତ ବ୍ୟବସ୍ଥାକୁ ନେଇ ମଧ୍ୟ ଭକ୍ତମାନେ ଅସନ୍ତୋଷ ପ୍ରକାଶ କରିଛନ୍ତି। ଏତେ ବଡ଼ ଭିଡ଼ ହେବା ସତ୍ତ୍ୱେ ପ୍ରଶାସନ ପକ୍ଷରୁ ଅଧିକ ସୁରକ୍ଷାକର୍ମୀ ଓ ଟ୍ରାଫିକ୍ ନିୟନ୍ତ୍ରଣ ବ୍ୟବସ୍ଥା କରାଯାଇନଥିବା ଅଭିଯୋଗ ହୋଇଛି।ଭକ୍ତଙ୍କ ସୁରକ୍ଷା, ଯାତାୟାତ ବ୍ୟବସ୍ଥା, ଘାଟ ପରିଚାଳନା ଓ ନୌକା ଭଡ଼ା ଭଳି ସମସ୍ୟା ପ୍ରତି ପ୍ରଶାସନ ତୁରନ୍ତ ଦୃଷ୍ଟି ଦେବାକୁ ଦାବି ହୋଇଛି। ଏତେ ବଡ଼ ଜନସମାଗମ ସମୟରେ ପ୍ରଶାସନ କେତେ ସୁଚାରୁ ଭାବେ ଭିଡ଼ ନିୟନ୍ତ୍ରଣ ଓ ଭକ୍ତଙ୍କ ସୁରକ୍ଷା ସୁନିଶ୍ଚିତ କରୁଛି, ଏବେ ତାହା ଉପରେ ସମସ୍ତଙ୍କ ନଜର।