ଦୁବାଇରେ ଫସି ରହିଛନ୍ତି ବଲିଉଡ ଅଭିନେତ୍ରୀ ସୋନାଲ ଚୌହାନ । ଇରାନ ଉପରେ ଇସ୍ରାଏଲୀ ଏବଂ ଆମେରିକାର କ୍ଷେପଣାସ୍ତ୍ର ଆକ୍ରମଣ ପରେ ଦୁବାଇକୁ ବିମାନ ଚଳାଚଳ ବାତିଲ କରାଯାଇଛି। ସେ ଇନଷ୍ଟାଗ୍ରାମରେ ଭାରତ ସରକାର ଏବଂ ପ୍ରଧାନମନ୍ତ୍ରୀ ମୋଦିଙ୍କ ସାହାଯ୍ୟ ପାଇଁ ନିବେଦନ କରି ଏକ ପୋଷ୍ଟ ସେୟାର କରିଛନ୍ତି, ଯାହା ଭାଇରାଲ ହେଉଛି। ସେ ପୋଷ୍ଟରେ ତାଙ୍କୁ ସୁରକ୍ଷିତ ଭାବରେ ଘରକୁ ଫେରାଇ ଆଣିବା ପାଇଁ ସାହାଯ୍ୟ ପାଇଁ ନିବେଦନ କରିଛନ୍ତି। ଇନଷ୍ଟାଗ୍ରାମରେ ପ୍ରଧାନମନ୍ତ୍ରୀଙ୍କୁ ଟ୍ୟାଗ୍ କରି ଅଭିନେତ୍ରୀ ଲେଖିଛନ୍ତି, “ସମ୍ମାନିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୀ, ମୁଁ ବର୍ତ୍ତମାନ ଚାଲିଥିବା ସଙ୍କଟ ମଧ୍ୟରେ ଦୁବାଇରେ ଫସି ରହିଛି। ବିମାନଗୁଡ଼ିକ ବାତିଲ କରାଯାଇଛି ଏବଂ ଭାରତ ଫେରିବାର କୌଣସି ସ୍ପଷ୍ଟ ଉପାୟ ନାହିଁ।”
ସେ ଆହୁରି ଲେଖିଛନ୍ତି ଯେ, “ମୁଁ ସୁରକ୍ଷିତ ଭାବରେ ଘରକୁ ଫେରିବା ପାଇଁ ସରକାରଙ୍କଠାରୁ ମାର୍ଗଦର୍ଶନ ଏବଂ ସମର୍ଥନ ଚାହୁଁଛି। ନିରାପଦରେ ଫେରିବା ପାଇଁ ସରକାରଙ୍କଠାରୁ ଯେକୌଣସି ସହାୟତା ଏବଂ ମାର୍ଗଦର୍ଶନ ପାଇଲେ ମୁଁ ଅତ୍ୟନ୍ତ କୃତଜ୍ଞ ହେବି। ସେହିପରି ଭାରତୀୟ ସଟଲର ପିଭି ସିନ୍ଧୁ ଏବଂ ଭାରତୀୟ ବାସ୍କେଟବଲ୍ ଦଳ ମଧ୍ୟ ଦୋହାରେ ଫସି ରହିଛନ୍ତି।