ବିହାରର ଗୋପାଳଗଞ୍ଜରେ ଜଣେ ବୃଦ୍ଧ ତାଙ୍କ ବଡ଼ ବୋହୂଙ୍କ ନାମରେ ତାଙ୍କ ପୋୖତୃକ ଜମି ପଞ୍ଜିକରଣ କରିବାକୁ ଆସିଥିଲେ। ବୃଦ୍ଧଙ୍କ ସାନ ପୁଅ ଏବଂ ବୋହୂ ଏଥିରେ ରାଗି ଯାଇଥିଲେ। ସାନ ପୁଅ କୋର୍ଟରେ ପହଞ୍ଚି ତାଙ୍କ ପିତାଙ୍କୁ ଆକ୍ରମଣ କରିଥିଲା। ଯାହାଦ୍ୱାରା କୋର୍ଟ ପରିସରରେ ବିଶୃଙ୍ଖଳା ସୃଷ୍ଟି ହୋଇଥିଲା ।
ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ଜଣା ପଡିଛି । ଏହି ଭାଇରାଲ ଭିଡିଓ ଗୁରୁବାରର ବୋଲି କୁହାଯାଉଛି। ବୃଦ୍ଧ ଜଣକ ତାଙ୍କ ବଡ଼ ପୁଅର ସ୍ତ୍ରୀ ନାଁରେ ଜମି ପଞ୍ଜିକରଣ କରିବାକୁ ଆସିଥିଲେ। ଏଥିରେ ତାଙ୍କ ସାନ ପୁଅ ଏବଂ ବୋହୂ ରାଗି ଯାଇଥିଲେ।
ମାଂଝାଗଡ ପୋଲିସ ଷ୍ଟେସନ ଅଞ୍ଚଳର ଛବହି ଗାଁର ଜଣେ ବୃଦ୍ଧ ବାସିନ୍ଦା ତାଙ୍କ ବଡ଼ପୁଅଙ୍କ ପତ୍ନୀ ଅର୍ଥାତ୍ ବଡ଼ ବୋହୂଙ୍କ ନାମରେ ପୌତୃକ ଜମି ପଞ୍ଜିକରଣ କରିବାକୁ କୋର୍ଟରେ ପହଞ୍ଚିଥିଲେ । ଏହି ସମୟରେ ବୃଦ୍ଧଙ୍କ ସାନ ପୁଅ ତାଙ୍କ ପତ୍ନୀଙ୍କ ସହ କୋର୍ଟରେ ପହଞ୍ଚି ତାଙ୍କ ପିତାଙ୍କ ସହ ଝଗଡା ଆରମ୍ଭ କରିଦେଇଥିଲେ। ବୃଦ୍ଧଙ୍କୁ ମାରପିଟ କରିଥିବା ସାନପୁଅ ଅଭିଯୋଗ କରିଛି ଯେ ତାଙ୍କ ପିତା ବଡ ଭାଉଜଙ୍କ ସହିତ ଦୀର୍ଘ ୨୦-୨୫ ବର୍ଷ ଧରି ଅନୈତିକ ସମ୍ପର୍କ ରଖିଛନ୍ତି।