ମଦ ଦୋକାନ ଖୋଲିବା ବିରୁଦ୍ଧରେ ମହିଳାଙ୍କ ପ୍ରତିବାଦ, ସାମିଲ ହେଲେ ସରପଞ୍ଚ

ମଦ ଦୋକାନ ଖୋଲିବା ବିରୁଦ୍ଧରେ ମହିଳାଙ୍କ ପ୍ରତିବାଦ। ଭଦ୍ରକ ଜିଲ୍ଲା ବାସୁଦେବପୁର ବ୍ଲକର ବାଲିମୁଣ୍ଡା ପଞ୍ଚାୟତରେ ଠିପି ଖୋଲା ମଦ ଦୋକାନକୁ ବିରୋଧ କରିଛନ୍ତି ସ୍ୱୟଂ ସହାୟକ ଗୋଷ୍ଠୀର ସହ ସହ ମହିଳା । ସୂଚନା ଅନୁଯାଇ “ଅଭିଷେକ ବାର ଆଣ୍ଡ ରେଷ୍ଟୁରାଣ୍ଟ” ନାମକ ଏକ ଠିପି ଖୋଲା ମଦ ଦୋକାନ ଖୋଲିବାକୁ ବିରୋଧ କରି ଶତାଧିକ ମହିଳା ଓ ବାଲିମୁଣ୍ଡା ପଞ୍ଚାୟତ ର ସରପଞ୍ଚ ଭେଟିଛନ୍ତି ଭଦ୍ରକ ଅବକାରୀ ଅଧିକ୍ଷକଙ୍କୁ I

ମଦ ଦୋକାନ ଖୋଲା ଗଲେ ଉକ୍ତ ବାଲିମୁଣ୍ଡା ଗ୍ରାମର ପୁରୁଷ ମାନେ ରୋଜଗାର ଅର୍ଥରେ ମଦ ପିଇ ପରିବାରକୁ ଅବହେଳା କରିବା ସହ ନିଶାଶକ୍ତ ଅବସ୍ଥାରେ ବିଭିନ୍ନ ଅପରାଧ ଘଟାଉଛନ୍ତିI ମଦଦୋକାନ ନିକଟରେ ମଦ୍ୟପ ମାନଙ୍କ ଦୌରାତ୍ମ୍ୟ ବଢିବା ସହ ନିକଟରେ ଅବସ୍ଥିତ ମନ୍ଦିର ପରିବେଶ ମଧ୍ୟ ପ୍ରଦୂଷଣ ହେଉଛି ,ସ୍କୁଲକୁ ଯିବା ଆସିବା କରୁଥିବା ପିଲାମାନେ ନିକଟ ରାସ୍ତାରେ ଯିବାକୁ ସୁରକ୍ଷିତ ମଣୁ ନାହାନ୍ତି | ଯଦି ଆଗାମୀ ଦିନରେ ଦାବି ପୂରଣ ନ ହୁଏ ତେବେ ରାଜରାସ୍ତାକୁ ଓଲ୍ହାଇବା ନେଇ ଚେତାବନୀ ମଧ୍ୟ ଦେଇଛନ୍ତି ମହିଳା ମାନେ |

ଅନ୍ୟପଟେ ଜନଶୁଣାଣୀ ପରେ ତଦନ୍ତ ହୋଇ ସରକାର ଙ୍କ ନିଷ୍ପତ୍ତି ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଦାୟିତ୍ୱରେ ଥିବା ଭଦ୍ରକ ଜିଲ୍ଲା ଅବକାରୀ ଅଧିକ୍ଷକ