ଗୁରୁକୁଳ ଇଣ୍ଟର ନ୍ୟାସନାଲ ପବ୍ଲିକ ସ୍କୁଲର ୧୨ତମ ବାର୍ଷିକ ଉତ୍ସବ ପାଳିତ

ବ୍ରହ୍ମପୁର: ଲାଞ୍ଜିପଲ୍ଲୀ ଗୁଡସ ସେଡ୍ ରୋଡ ସ୍ଥିତ ଗୁରୁକୁଳ ଇଣ୍ଟର୍ ନ୍ୟାସନାଲ ପବ୍ଲିକ ସ୍କୁଲର ୧୨ତମ ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ରାଜ୍ୟ ବୋର୍ଡ ସଦସ୍ୟ ତଥା ବ୍ରହ୍ମପୁରର ପୂର୍ବତନ ବିଧାୟକ ରମେଶ ଚନ୍ଦ୍ର ଚାଉ ପଟ୍ଟନାୟକ, ବିଧାୟକ ବିକ୍ରମ କୁମାର ପଣ୍ଡା,ସାଂସଦ ଚନ୍ଦ୍ର ଶେଖର ସାହୁ ପ୍ରମୁଖ ଯୋଗଦେଇ ଥିଲେ। ଉତ୍ସବ ଆରମ୍ଭରେ ଅତିଥିଗଣ ଦ୍ଵୀପ ପ୍ରଜ୍ବଳନ କରିଥିଲେ କାର୍ଯ୍ୟକ୍ରମର ଶୁଭାରମ୍ଭ କରିବା ସହ ଛାତ୍ର ଛାତ୍ରୀ ମାନଙ୍କ ଉଦ୍ଦେଶ୍ୟରେ ନିଜ ନିଜର ଉଦ୍ଭାଷଣ ଦେଇଥିଲେ। ମନଦେଇ ପାଠ ପଢି ଦେଶ ଓ ଜାତିକୁ ଗୌରବ ମଣ୍ଡିତ କରିବାକୁ କହିଥିଲେ। ଏହି ଉତ୍ସବରେ ପିଲାମାନଙ୍କ ଦ୍ବାରା ବିଭିନ୍ନ ଚିତ୍ତାକର୍ଷକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି ଅବସରରେ ଡ ନାରାୟଣ ମିଶ୍ର, ଡ ରବି କୁମାରଙ୍କୁ ଚିକିତ୍ସା କ୍ଷେତ୍ରରେ ଓ ଆଇ ଆଇ ସି ଗୋଷାଣୀ ନୂଆଁ ଗାଁର ସ୍ମୃତି ପ୍ରଭା ପ୍ରଧାନଙ୍କୁ ଆଇନ ଶୃଙ୍ଖଳା ପାଇଁ ସମ୍ମାନୀତ କରାଯାଇଥିଲା। ସ୍କୁଲ ର ଚେୟାରମେନ୍ ଶ୍ରୀଯୁକ୍ତ ପ୍ରଶାନ୍ତ ମହାପାତ୍ର ସଭା ପରିଚାଳନା କରିଥିଲେ। ସମ୍ପାଦିକା ଅନିତା ପାଢ଼ୀ ଧନ୍ୟବାଦ୍ ଅର୍ପଣ କରିଥିଲେ।ସ୍କୁଲ ର ଅଧ୍ୟକ୍ଷା ମଧୁସ୍ମିତା ପରିଡ଼ା ବାର୍ଷିକ ରିପୋର୍ଟ ପାଠ କରିଥିଲେ।