କନ୍ଧମାଳ ଜିଲ୍ଲା କ ନୂଆଗାଁ ବ୍ଲକ ସାରଙ୍ଗଡ଼ ପଂଚାୟତ କାର୍ଯ୍ୟାଳୟଠାରେ ମଦ ଦୋକାନ ନବୀକରଣ ପାଇଁ ସ୍ୱତନ୍ତ୍ର ଗ୍ରାମସଭା ବସିଥିଲା। ସରପଞ୍ଚ ବରୁଣ ପ୍ରଧାନଙ୍କ ଅନୁପସ୍ଥିତି ଯୋଗୁଁ ନାଏବ ସରପଞ୍ଚ ବୈଠକରେ ସଭାପତିତ୍ୱରେ କରିଥିଲେ । ବୈଠକରେ ମଦ ଦୋକାନ ଖୋଲିବା ପ୍ରସଙ୍ଗରେ ସପକ୍ଷବାଦୀ ଦାବି କରିଥିବା ବେଳେ ବିପକ୍ଷବାଦୀ ମଦ ଦୋକାନ ବନ୍ଦ କରିବାକୁ ଦାବି କରିଥିଲେ। ଏହି ସମୟରେ ସପକ୍ଷ୍ଯ ଓ ବିପକ୍ଷ୍ୟବାଦୀଙ୍କ ମଧ୍ୟରେ କଥା କଟା କଟି ହୋଇ ଉତେଜନା ଦେଖା ଦେଇଥିଲା। ମଦ ଦୋକାନ ସପକ୍ଷବାଦୀ ଲୋକମାନେ ମଦ ନିଶାରେ ଚୁର ହୋଇ ଗ୍ରାମସଭା ବୈଠକକୁ ଭଣ୍ଡୁର କରିଦେଇଥିଲେ। ଫଳରେ ଗ୍ରାମ ସଭାକୁ ନାଏବ ସରପଞ୍ଚ ସ୍ଥଗିତ କରିଥିଲେ। ଏହା ପରେ ମଦ ଦୋକାନକୁ ବିରୋଧ କରୁଥିବା ଶତାଧିକ ପୁରୁଷ ମହିଳା ଗ୍ରାମ ସଭା କରିବା ନିମନ୍ତେ ଅଡ଼ି ବସି ଥିଲେ। କିଛି ସମୟ ପାଇଁ ପରିସ୍ଥିତି ଅଣାୟତ ହୋଇଥିଲା । ଖବର ପାଇ ସାରଙ୍ଗଡ଼ ପୋଲିସ ଘଟଣା ସ୍ଥଳରେ ପହଁଚି ଲୋକଙ୍କୁ ବୁଝା ସୁଝା କରିଥିଲେ। ପରେ ଗ୍ରାମ ପଂଚାୟତ ନିର୍ବାହୀ ଅଧିକାରୀ ତଥା ବରିଷ୍ଠ କଂଗ୍ରେସ ନେତା ଉପେନ୍ଦ୍ର ପ୍ରଧାନ ମଦ ବିରୋଧୀ ଅଭିଯାନର ଆବାହକ ସୁଧୀର ସାହୁଙ୍କ ସମେତ ଗ୍ରାମ ପଞ୍ଚାୟତର ବରିଷ୍ଠ ନାଗରିକ ନାଏବ ସରପଞ୍ଚ ପୋଲିସ୍ ୱାର୍ଡ ସଭ୍ୟ ମାନଙ୍କୁ ନେଇ ରୁଦ୍ଧ ଦ୍ଵାର ବୈଠକ ବସିଥିଲା। ଆଗାମୀ 14 ତାରିଖ ରେ ଗ୍ରାମ ସଭା ବୈଠକ କରାଯିବ ବୋଲି ନାଏବ ସରପଞ୍ଚ ସର୍ବ ସମ୍ମୁଖ ରେ ଘୋଷଣା କରିଥିଲେ । ନାଏବ ସରପଞ୍ଚ ଙ୍କ ନିର୍ଭର ପ୍ରତିଶୃତି ପରେ ଶତାଧିକ ମହିଳା ପଂଚାୟତ କାର୍ଯ୍ୟାଳରୁ ହଟି ଥିଲେ।