ଲୋକପ୍ରିୟ ୟୁଟୁବର ଧୃବ୍ ରାଠି ଏକ ନୂଆ ଇନିଙ୍ଗସ ଆରମ୍ଭ କରିବାକୁ ଯାଉଛନ୍ତି । ସୋସିଆଲ ମିଡିଆ ପ୍ଲାଟଫର୍ମରେ ଧୃବ ସର୍ବଦା ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉଠାଇ ତାହାର ପୋଷ୍ଟମର୍ଟମ କରନ୍ତି । ଦେଶ ବିଦେଶର ଘଟଣାବଳୀ, ଦୁନିଆର ରହସ୍ୟ ଏବଂ ବିଭିନ୍ନ ପ୍ରକାର ପୌରାଣିକ ଆଉ ବୈଜ୍ଞାନିକ କଥାବସ୍ତୁକୁ ବିଶ୍ଳେଷଣ କରି ଧୃବ ଲୋକପ୍ରିୟତା ହାସଲ କରିଛନ୍ତି । ଜଣେ ପଲିଟିକାଲ କ୍ରିଟିକ୍ସ ସହିତ ବିଭିନ୍ନ ଦେଶ ବୁଲି ଅନେକ ବ୍ଲଗ କରିଛନ୍ତି ଧୃବ ରାଠି । ଏତେସବୁ ସଫଳାତା ପରେ ଏବେ ସେ ରିଆଲିଟି ଶୋ’ ବିଗବସରେ ପାଦ ରଖିବାକୁ ଯାଉଛନ୍ତି ଧୃବ ।
ଏପିସୋଡ୍ ବଢିବା ସାଙ୍ଗକୁ ମଜାଦାର ହୋଇଚାଲିଛି ରିଆଲିଟି ଶୋ’ ବିଗବସ୍ ଓଟିଟି-୨ । ଏବେ ଏହି ଶୋ’କୁ ଆହୁରି ମଜାଦାର କରିବାକୁ ଏଣ୍ଟ୍ରି କରିବେ ଲୋକପ୍ରିୟ ଯୁଟ୍ୟୁବର ଧୃବ ରାଠି । ଖୁବ୍ ଶୀଘ୍ର ସେ ୱାଇଲ୍ଡ କାର୍ଡ କଣ୍ଟେଷ୍ଟାଣ୍ଟ ବନିବେ ବୋଲି ଶୁଣିବାକୁ ମିଳୁଛି । ଏନେଇ ଶୋ’ ମ୍ୟାନେଜମେଣ୍ଟ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି । ଶୋ’ପକ୍ଷରୁ ତାଙ୍କୁ ପୂର୍ଣ୍ଣ ସମର୍ଥନ ରହିଛି । ରାଜନୀତି ସହ ବିଭିନ୍ନ ସାମାଜିକ ପ୍ରସଙ୍ଗକୁ ନେଇ ଲୋକପ୍ରିୟ କଣ୍ଟେଣ୍ଟ ବନାଇବାରେ ପାରଙ୍ଗମ ଧୃବଙ୍କର ୟୁଟ୍ୟୁବରେ ୧୧.୮ ମିଲିଅନ୍ ସବସ୍କ୍ରାଇବର ଅଛନ୍ତି ।