ପୃଥିବୀ ବ୍ୟତୀତ ଅନ୍ୟ ଗ୍ରହରେ ଜୀବ ଅଛନ୍ତି କି- ଏହାକୁ ନେଇ ଦଶନ୍ଧି ଦଶନ୍ଧି ଧରି ଗବେଷଣା ରତ ବୈଜ୍ଞାନିକ। କେତେବେଳେ ଅନୁସନ୍ଧାନରୁ କିଛି ଗବେଷକ ହଁ କହୁଥିବା ବେଳେ କିଛି ଏହାକୁ ପ୍ରତ୍ୟାକ୍ଷାନ କରିଦିଅନ୍ତି। କେତେବେଳେ ପୁଣି ଆକାଶରେ ଉଡନ୍ତା ଥାଳି ଦେଖା ଦେବା ନେଇ ଦାବି କରାଯାଏ ଓ ପୁଣି ଏଲିଏନ ପ୍ରସଙ୍ଗ ଉଜ୍ଜିବିତ ହୋଇଥାଏ। ବର୍ତ୍ତମାନ ପୁଣି ଏଲିଏନକୁ ନେଇ ଆରମ୍ଭ ହୋଇଛି ଚର୍ଚ୍ଚା।
ହାର୍ଭାର୍ଡ ପ୍ରଫେସର ଆଭି ଲୋବ ଏଲିଏନ ଥିବାର କରିଛନ୍ତି ଦାବି। ୨୦୧୪ରେ ପାପୁଆ ନ୍ୟୁ ଗିନି ଉପକୂଳରେ ଖସିପଡିଥିବା ଏଲିଏନ ଟେକ୍ନୋଲୋଜି ଖୋଜି ପାଇବାରେ ସଫଳ ହୋଇଥିବା କହିଛନ୍ତି। ସିବିଏସ୍ଇ ନ୍ୟୁଜ୍ ରିପୋର୍ଟ ଅନୁଯାୟୀ,ପ୍ରଫେସର ଆଭି ଲୋଏବ ଓ ତାଙ୍କ ଟିମ୍ ଅଧ୍ୟୟନ ପାଇଁ ହାର୍ଭାର୍ଡକୁ ସେହି ଉଲକାପିଣ୍ଡ ଆଣିଥିଲେ। ଅଧ୍ୟୟନ ପରେ ୟୁଏସ୍ ସ୍ପେସ୍ କମାଣ୍ଡ ତାହା ଦ୍ୱିତୀୟ ସୌର ସିଷ୍ଟମର ହୋଇଥିବା ସମ୍ଭାବନା ୯୯.୯୯ ପ୍ରତିଶତ ଥିବା କହିଛନ୍ତି।
ଅଧ୍ୟୟନ କରିବାକୁ ସରକାର ଆଭି ଲୋବଙ୍କୁ ଅନୁମତି ଦେଇଥିଲେ। ଆଭି ଲୋବ କହିଛନ୍ତି ଯେ ପ୍ରାୟ ୧୦ କିଲୋମିଟର ବ୍ୟାସାର୍ଦ୍ଧ ଅଞ୍ଚଳରେ ଫାୟାରବଲ୍ ପଡିଥିଲା ଓ ସରକାରଙ୍କ ପ୍ରତିରକ୍ଷା ବିଭାଗ ଏହାକୁ ଚିହ୍ନଟ କରିଥିଲା। ଏହା ଏକ ବହୁତ ବଡ କ୍ଷେତ୍ର, ପ୍ରାୟ ବୋଷ୍ଟନର ଆକାର। ତେଣୁ ଆମେ ଏହାକୁ ସଂକୀର୍ଣ୍ଣ କରିବାକୁ ଚାହିଁଥିଲୁ | ବିସ୍ଫୋରଣ ଏବଂ ବିସ୍ଫୋରଣର ଆଲୋକ ମଧ୍ୟରେ ଥିବା ସମୟ ଏବଂ ବିସ୍ଫୋରଣ ତରଙ୍ଗର ପହଞ୍ଚିବା ବିଳମ୍ବକୁ ଆଧାର କରି ଆମେ ପୃଥିବୀରୁ ଅଗ୍ନି ବଲର ଦୂରତା ଅନୁମାନ କରିଛୁ |
ୟୁଏସ୍ ଟୁଡେ ଅନୁଯାୟୀ, ପ୍ରଫେସର ଆଭି ଲୋଏବଙ୍କ ଦଳ ଦ୍ୱାରା ଆବିଷ୍କୃତ ହୋଇଥିବା ଖଣ୍ଡଗୁଡ଼ିକ ବାସ୍କେଟବଲ ଆକାରର ଉଲ୍ଲକାପିଣ୍ଡ। ୨୦୧୪ ମସିହାରେ ପୃଥିବୀର ବାୟୁମଣ୍ଡଳରେ ପ୍ରବେଶ କରି ପଶ୍ଚିମ ପ୍ରଶାନ୍ତ ମହାସାଗରରେ ପଡିଥିଲା। ଲୋବ କହିଛନ୍ତି ଯେ ସୌର ପ୍ରଣାଳୀ ବାହାରେ ଉତ୍ପନ୍ନ ହେଉଥିବା ଉଲକାପିଣ୍ଡର ଗତି ସୂର୍ଯ୍ୟ ଚାରିପାଖରେ ଥିବା ସମସ୍ତ ତାରାଙ୍କ ତୁଳନାରେ ଦୁଇଗୁଣ ଦ୍ରୁତ ଅଟେ। ବ୍ୟାଖ୍ୟା କରିବାବେଳେ ପ୍ରଫେସର ଆଭି ଲୋଏବ ଏହା କହିଥିଲେ ଯେ, ଆମେ ଦଶଟି ସେଲ ପାଇଥିଲୁ। ଏଗୁଡ଼ିକ ପ୍ରାୟ ଉପଯୁକ୍ତ କ୍ଷେତ୍ର ବା ଧାତବ ପଥର। ଯେତେବେଳେ ତୁମେ ସେମାନଙ୍କୁ ମାଇକ୍ରୋସ୍କୋପ୍ ତଳେ ଦେଖିବ, ସେଗୁଡ଼ିକ ବହୁତ ଭିନ୍ନ ଦେଖାଯାଏ। ସେଗୁଡ଼ିକ ସୁବର୍ଣ୍ଣ, ନୀଳ ଏବଂ ବାଦାମୀ ରଙ୍ଗର, ସେମାନଙ୍କ ମଧ୍ୟରୁ କେତେକ ପୃଥିବୀର କ୍ଷୁଦ୍ର ଆକାର ସଦୃଶ ଦେଖାଯାଏ |