ବ୍ରାଜିଲର ଏକ ଯାତ୍ରୀବାହୀ ବିମାନ ହଜାର ଫୁଟ ଉଚ୍ଚରେ ଉଡ଼ିବା ସମୟରେ ତାର ଜରୁରୀକାଳୀନ କବାଟ ଖୋଲିଯାଇଥିଲା। ଫଳରେ ବିମାନ ଭିତରେ ଖେଳିଯାଇଥିଲା ଆତଙ୍କ। ବିମାନଟି ସାଓ ଲୁଇସରୁ ସାଲଭାଡୋର ଅଭିମୁଖେ ଯାତ୍ରା ଆରମ୍ଭ କରିବାର ୩୦ ମିନିଟ ପରେ ସୋମବାର ଏହି ଘଟଣା ଘଟିଥିବା ବେଳେ ଶୁକ୍ରବାର ଦ ଡେଲି ମେଲରେ ରିପୋର୍ଟ ପ୍ରକାଶ ପାଇଛି।
ସୋସିଆଲ ମିଡିଆରେ ଏହି ଘଟଣାର ଏକ ଫୁଟେଜ ସେୟାର ହେଉଛି। ଫୁଟେଜରେ ମଧ୍ୟବର୍ତ୍ତୀ ଦ୍ବାରଟି ଖୋଲିଯାଇଥିବାରୁ ବିମାନର ପଛପଟେ ଥିବା ଯାତ୍ରୀଙ୍କ ଲଗେଜ ସହ ବାଦ୍ୟ ଉପକରଣ ଦେଖିବାକୁ ମିଳିଥିଲା। ଜରିରୀକାଳୀନ ଦ୍ୱାର ଦେଇ ବିମାନ ମେଘ ଖଣ୍ଡ ଦେଇ ଗତିକରୁଥିବା ଦୃଶ୍ୟ ସହ ପବନ ଭିତରକୁ ପ୍ରବେଶ କରିବାରୁ ସମସ୍ତ ସାମଗ୍ରୀ ଯାତ୍ରୀଙ୍କ ଆଡକୁ ମାଡିଯାଇଥିବା ଦେଖିବାକୁ ମିଳିଥିଲା। ଏଥିସହ ସବୁଜିମାଭରା ଶସ୍ୟ କ୍ଷେତ।
ଏହି ବିମାନରେ ଦକ୍ଷିଣ ଆମେରିକାର ବିଶିଷ୍ଟ ଗାୟକ ଟେରୀଙ୍କ ବ୍ୟାଣ୍ଡର ସଦସ୍ୟଗଣ ଯାତ୍ରା କରୁଥିଲେ। ଏହି ଘଟଣାକୁ ନେଇ ତଦନ୍ତ ଆରମ୍ଭ ହୋଇଯାଇଛି। ଚଳିତ ବର୍ଷ ଆରମ୍ଭରେ ବ୍ରାଜିଲରେ ଏକ ବିମାନରେ ହଠାତ୍ ବିଦ୍ୟୁତ୍ ସଂଯୋଗରେ ବ୍ୟାହତ ହୋଇଥିଲା। ଏହି ବିମାନରେ ଜଣେ ଶିଶୁ ଏବଂ ନବଜାତ ଶିଶୁ ସମେତ ୬ ଜଣ ଥିଲେ। ଏହା ପରେ ସେମାନଙ୍କୁ ଜରୁରୀକାଳୀନ ପାରାଚ୍ୟୁଟ୍ ସହାୟତାରେ ସୁରକ୍ଷିତ ଉଦ୍ଧାର କରାଯାଇଥିଲା।