ଭାରତୀୟ ନୌସେନା ଏବଂ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ମିଳିତ ଅପରେସନରେ କେରଳ ଉପକୂଳବର୍ତ୍ତୀ ଏକ ଜାହାଜରୁ ପ୍ରାୟ ୨୫୦୦ କିଲୋଗ୍ରାମ ମେଥାମଫେଟାମାଇନ୍ ଡ୍ରଗ୍ସ ଜବତ କରାଯାଇଛି। ଜବତ ଡ୍ରଗ୍ସର ଆନୁମାନିକ ମୂଲ୍ୟ ୧୨୦୦୦ କୋଟି ଟଙ୍କା ହେବ। ଆଣ୍ଟି ଡ୍ରଗ୍ ଏଜେନ୍ସି ସୂଚନା ଦେଇଛି ଯେ ୧୩ ମଇ ଅର୍ଥାତ୍ ଶନିବାର ଦିନ ଦେଶରେ ସବୁଠାରୁ ବଡ ମେଥାମଫେଟାମାଇନ୍ ଜବତ। ଏହା ସହିତ ଆହୁରି ସୂଚନା ଦିଆଯାଇଛି କି, ଡ୍ରଗ୍ସ ସଂପର୍କରେ ଜଣେ ପାକିସ୍ତାନୀ ନାଗରିକଙ୍କୁ ଅଟକ ରଖାଯାଇଛି। ଏତେ ପରିମାଣର ମେଥାମପେଟାମାଇନ୍ ସହ ପାକିସ୍ତାନର ଲିଙ୍କ ଥିବା ସନ୍ଦେହ କରାଯାଇଛି।
ଜବତ ଉଚ୍ଛେଦ ସମ୍ପର୍କରେ ଏନସିବି ଅପରେସନ୍ ବିଭାଗର ଡେପୁଟି ଡାଇରେକ୍ଟର ଜେନେରାଲ ସଞ୍ଜୟ କୁମାର ସିଂ କହିଛନ୍ତି ଯେ ଏହା ‘ଅପରେସନ୍ ସମୁଦ୍ରଗୁପ୍ତ’ ର ଏକ ଅଂଶ | ମୁଖ୍ୟତଃ ସମୁଦ୍ର ପଥ ଦେଇ ଆଫଗାନିସ୍ତାନରୁ ଆସୁଥିବା ଔଷଧ ଏବଂ ଡ୍ରଗ୍ସର ଚୋରା ଚାଲାଣକୁ ରୋକିବାକୁ ଅପରେସନ ସମୁଦ୍ରଗୁପ୍ତର ଆରମ୍ଭ କରାଯାଇଛି। ଡ୍ରଗ୍ସ ବିରୋଧୀ ଏଜେନ୍ସି କହିଛି କି, ଏନସିବି ଦ୍ୱାରା ଗତ ଦେଢ଼ବର୍ଷ ମଧ୍ୟରେ ଦକ୍ଷିଣ ମାର୍ଗ ଦେଇ ହେଉଥିବା ଡ୍ରଗ୍ କାରବାରର ଏହା ହେଉଛି ତୃତୀୟ ପ୍ରମୁଖ ଜବତ । ଏହି ଅପରେସନ ଅଧୀନରେ ଏପର୍ଯ୍ୟନ୍ତ ପ୍ରାୟ ୩୨୦୦ କିଲୋଗ୍ରାମ ମିଥାମଫେଟାମାଇନ୍, ୫୦୦ କିଲୋଗ୍ରାମ ହେରୋଇନ୍ ଏବଂ ୫୨୯ କିଲୋଗ୍ରାମ ହାଶିଶ ଜବତ କରାଯାଇଛି।