କଥାରେ ଅଛି ପ୍ରେମ ଦେଖେ ନାହିଁ ଜାତି, ଧର୍ମ, ବର୍ଣ୍ଣ ଓ ବୟସ। ହୁଏତ ସେଥିପାଇଁ ସମାଜ, ଲୋକ ଲଜ୍ଜା ସବୁକୁ ପଛ କରି ୨୨ବର୍ଷର ଛାତ୍ର ବିବାହ କରିଛନ୍ତି ୪୮ ବର୍ଷୀୟା ମହିଳାଙ୍କୁ। ଯାହା ଏବେ ଚାରିଆଡେ ଚର୍ଚ୍ଚାରେ। ୪୮ ବର୍ଷୀୟା ମହିଳାଙ୍କୁ ସ୍କୁଲରେ ଭେଟିଥିଲେ ୨୨ବର୍ଷୀୟ ଯୁବକ। ମହିଳା ସେହି ସ୍କୁଲରେ ଜଣେ ଶିକ୍ଷୟିତ୍ରୀ ଥିଲେ ଓ ଯୁବକଙ୍କୁ ପଢାଉଥିଲେ। ସ୍କୁଲରେ ପାଠ ପଢୁଥିବା ବେଳେ କେତେବେଳେ ସେ ନିଜଠାରୁ ୨୬ ବର୍ଷ ବଡ଼ ମହିଳାଙ୍କ ପ୍ରେମରେ ପଡିଥିଲେ। ଆଉ ଶେଷରେ ଏମିତି ପ୍ରେମରେ ପାଗଳ ହୋଇଯାଇଥିଲେ କି, ନିଜ ବୟସରୁ ଦୁଇଗୁଣା ବଡ ଶିକ୍ଷୟିତ୍ରୀଙ୍କ ବିନା ବଞ୍ଚିପାରିବେ ନାହିଁ। ତେଣୁ ସେ ଶେଷରେ ବିବାହ କରିଛନ୍ତି ଶିକ୍ଷୟିତ୍ରୀଙ୍କୁ। ଏମିତି ବିରଳ ଏକ ବିବାହ ଘଟିଛି ମାଲେସିଆରେ।
ମାଲେସିଆର ନ୍ୟୁଜ୍ ୱେବସାଇଟ୍ ନ୍ୟୁ ଷ୍ଟ୍ରେଟ୍ସ ଟାଇମ୍ସ ଖବର ଅନୁଯାୟୀ, ମାଲେସିଆର ୨୨ ବର୍ଷୀୟ ମହମ୍ମଦ ଡାନିଏଲ ଅହମ୍ମଦ ଅଲି ଶିକ୍ଷୟିତ୍ରୀ ଜମିଲା ମହମ୍ମଦଙ୍କୁ ବିବାହ କରି ଚର୍ଚ୍ଚାକୁ ଆସିଛନ୍ତି। ୨୦୧୬ ମସିହାରେ ଡାନିଏଲ୍ ହାଇସ୍କୁଲରେ ପଢ଼ୁଥିବା ସମୟରେ ଜମିଲା ମହମ୍ମଦ ତାଙ୍କର ଶିକ୍ଷୟିତ୍ରୀ ଥିଲେ।ଜମିଲାଙ୍କ ବ୍ୟବହାର, ପଢାଇବା ଶୈଳୀ ତଥା ଛାତ୍ର ଛାତ୍ରୀଙ୍କ ପ୍ରତି ସ୍ନେହପୂର୍ଣ୍ଣ ବ୍ୟବହାରକୁ ନେଇ ଡାନିଏଲ୍ ଜମିଲାଙ୍କୁ ବହୁତ ପସନ୍ଦ କରିବା ଆରମ୍ଭ କରିଥିଲେ। ଜମିଲା ଯେଉଁଭଳି ଛାତ୍ରଛାତ୍ରୀମାନଙ୍କର ଯତ୍ନ ନେଉଥିଲେ, ତାହା ଡାନିଏଲଙ୍କୁ ତାଙ୍କ ପ୍ରତି ଆକୃଷ୍ଟ କରିଥିଲା। ଦିନ ବିତିବା ସହ ଡାନିଏଲ ଯୁବକତ୍ୱ ଲାଭ କଲେ। ଧୀରେ ଧୀରେ ଡାନିଏଲ ଓ ଜମିଲାଙ୍କ ମଧ୍ୟରେ ସମ୍ପର୍କ ଆହୁରି ନିବିଡ ହୋଇଥିଲା। ସ୍କୁଲରେ ପରସ୍ପରକୁ ଭେଟି କଥା ହେବା ନିତିଦିନିଆ ଘଟଣା ହୋଇଗଲା।
ଡାନିଏଲଙ୍କ ଜନ୍ମଦିନରେ ଜମିଲା ମେସେଜ କରି ଶୁଭେଚ୍ଛା ଜଣାଇବା ଥିଲେ। ଏହା ପରେ ଦୁହେଁ ମୋବାଇଲ ମେସେଜରେ ପରସ୍ପର ସହ ଆହୁରି ଘନିଷ୍ଠ ହୋଇଥିଲେ। କିନ୍ତୁ ଜାମିଲା ଜଣେ ସ୍ନେହ ବତ୍ସଳା ଶିକ୍ଷୟତ୍ରୀ ହୋଇଥିବାରୁ ଜଣେ ଛାତ୍ର ସହ ବନ୍ଧୁତ୍ୱ ଭାବି ନେଇଥିଲେ। କିନ୍ତୁ ଡାନିଏଲ ଦିନ ଟିଏ କଥା ନ ହେଇ, ମେସେଜ ନ କରି ରହିପାରୁନଥିଲେ। ଏମିତି ବହୁ ଦିନ ଚାଲିବା ପରେ ଡାନିଏଲ ଅନୁଭବ କଲେ ସେ ଆଉ ଜମିଲାଙ୍କ ବିନା ରହିପାରିବେ ନାହିଁ। ଦିନେ ସାହସ କରି ଜମିଲାଙ୍କୁ ପ୍ରେମ ନିବେଦନ କରିଥିଲେ। କିନ୍ତୁ ବୟସରେ ଅଧା ହୋଇଥିବା ଡାନିଏଲଙ୍କ ପ୍ରେମ ନିବେଦନକୁ ପ୍ରତ୍ୟାକ୍ଷାନ କରିଥିଲେ ଜାମିଲା।
ଜାମିଲାଙ୍କ ପ୍ରତ୍ୟାକ୍ଷାନର ଭାଙ୍ଗି ପଡିନଥିଲେ ଡାନିଏଲ। ଜମିଲାଙ୍କ ଘରକୁ ଯାଇ ତାଙ୍କୁ ବୁଝାଇବାକୁ ଚେଷ୍ଟା କରିଥିଲେ। ନିଜ ପାଇଁ ଡାନିଏଲଙ୍କ ମନରେ ଏତେ ଭଲପାଇବା ଦେଖି ଶେଷରେ ଜମିଲା ମଧ୍ୟ ଡାନିଏଲଙ୍କୁ ଭଲପାଉଥିବା ସ୍ବୀକାର କରିଥିଲେ। ଏହା ପରେ ଦୁହେଁ ପରିବାରର ସ୍ୱୀକୃତିକ୍ରମେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି।