Month: January 2024

ପାରାଦ୍ୱୀପରେ ଉଦଘାଟିତ ହେଲା ଏଚଡିଏଫସି ବ୍ୟାଙ୍କର ନୂତନ ଶାଖା

()ପାରାଦ୍ୱୀପରେ ଉଦଘାଟିତ ହୋଇଯାଇଛି ଏଚଡିଏଫସି ବ୍ୟାଙ୍କର ନୂତନ ଶାଖା । ମଧୁବନ ବ୍ୟାଙ୍କ ଷ୍ଟ୍ରିଟରେ ଥିବା ଟ୍ରେଡ଼ସେଣ୍ଟର ରେ ଏଚଡିଏଫସି ପାରାଦ୍ୱୀପ ପୋର୍ଟ ଶାଖାକୁ ଅନୁଷ୍ଠାନିକ ଭାବରେ ଉଦଘାଟନ କରିଛନ୍ତି ପାରାଦ୍ୱୀପ ବନ୍ଦର ଅଧ୍ୟକ୍ଷ ପି ଏଲ ହରାନାଦ । ଦୀର୍ଘଦିନ ଧରି ଗ୍ରାହକ ମାନଙ୍କ ତରଫରୁ ପାରାଦ୍ୱୀପ ଟାଉନସିପରେ ଏଚଡ଼ିଏଫସି ବ୍ୟାଙ୍କ ଖୋଲାଯିବାକୁ କରାଯାଉଥିବା ଦାବି ହୋଇଆସୁଥିବା ବେଳେ ଆଜି ତାହା ସାକାର ହୋଇଛି ।

ଟ୍ରେଡ଼ ସେଣ୍ଟରରେ ନୂତନ କରି ଏଚଡିଏଫସି ପୋର୍ଟ ଶାଖା ଖୋଲାଯିବା ସହିତ ଗ୍ରାହକ ମାନେ ଏଠାରେ ନିଜର ନୂତନ ଖାତା ଖୋଲିବା ସହିତ ସମସ୍ତ ପ୍ରକାର ନେଣଦେଣ କରିପାରିବେ । ଏବଂ ତା ସହିତ ସମସ୍ତ ପ୍ରକାର ଋଣ ସୁବିଧା ଉପଲବ୍ଧ ରହିଥିବା ନେଇ କହିଛନ୍ତି ଏଚଡିଏଫସି ବ୍ୟାଙ୍କର କ୍ଳଷ୍ଟର ହେଡ଼ ସଂଗ୍ରାମ ଦାସ ।
ମାଗେ ପର୍ବ ପାଇଁ ଦୁଲୁକୁଛି ମହେଶ୍ୱରପୁର

କେନ୍ଦୁଝର ଚମ୍ପୁଆ ନିକଟସ୍ଥ ମହେଶ୍ୱର ପୁର ଗ୍ରାମରେ ଆଦିବାସୀ ହୋ ସଂପ୍ରଦାୟର ପାରମ୍ପରିକ ମାଗେ ପର୍ବ ପାଳିତ ହୋଇ ଯାଇଛି। ଗ୍ରାମର ଆଦିବାସୀ ସଂଗ୍ରାମ ସମିତି ଦ୍ୱାରା ପ୍ରତ୍ୟେକ ବର୍ଷ ମାଘ ମାସର ଆଗମନରେ ଏହି ପର୍ବ ପାଳନ କରା ଯାଉଥିବା ବେଳେ ଚଳିତ ବର୍ଷ ମଧ୍ୟ ମହା ଧୁମଧାମରେ ପାଳିତ ହୋଇ ଯାଇଛି । ଆଦିବାସୀ ପୁରୁଷ, ମହିଳା ମାନଙ୍କ ପାରମ୍ପରିକ ମାଗେ ନୃତ୍ୟ ଏହି ପର୍ବର ମୁଖ୍ୟ ଆକର୍ଷଣ ହୋଇ ଥିବାବେଳେ ପର୍ବ ଦେଖିବାକୁ ଆଖ ପାଖ ଗ୍ରାମ ମାନଙ୍କରୁ ହଜାର ହଜାର ସଂଖ୍ୟାରେ ଲୋକଙ୍କ ସୁଅ ଛୁଟି ଥିବା ଦେଖିବାକୁ ମିଳି ଥିଲା ।

ଏହି ଅବସରରେ ବିଭିନ୍ନ ପ୍ରକାରର ଦୋକାନ ବଜାର ଲାଗି ଥିବାରୁ ଲୋକେ କିଣା ବିକା କରି ପର୍ବ ର ମଜା ନେଇଥିଲେ। ତେବେ ମାଘ ମାସକୁ ବର୍ଷର ସବୁଠାରୁ ପବିତ୍ର ମାସ ଭାବେ ଗ୍ରହଣ କରି ଆଦିବାସୀ ସମ୍ପ୍ରଦାୟର ଲୋକ ମାନେ ଗ୍ରାମର ସୁବିଧା ଅନୁଯାୟୀ ମାଘ ମାସର ସଂକ୍ରାନ୍ତି ପରଠାରୁ ଯେକୌଣସି ଦିନ ଏହି ପର୍ବ ପାଳନ କରି ଆସୁ ଥିବାବେଳେ ମହେଶ୍ୱରପୁର ଗ୍ରାମରେ ପ୍ରତି ବର୍ଷ ମାଘ ମାସ ଆରମ୍ଭରେ ହିଁ ତିନି ଦିନ ଧରି ଏହି ମାଗେ ପର୍ବ ପାଳିତ ହୋଇଥାଏ। ନିଆରା ଢଙ୍ଗରେ ପାଳିତ ହେଉଥିବା ଏହି ପର୍ବରେ ଭୂମି ପୂଜା, ଏବଂ କୂଳ ପୂଜାକୁ ଗୁରୁତ୍ୱ ଦିଆ ଯାଇଥାଏ l
ନୁଆ-ଓ ଯୁବ ଓଡ଼ିଶା, ନବୀନ ଓଡ଼ିଶା କାର୍ଯ୍ୟକ୍ରମର ପାରମ୍ପାରିକ ଖାଦ୍ୟ ପ୍ରସ୍ତୁତ ଓ କବିତା ପାଠ କାର୍ଯ୍ୟକ୍ରମ ଅନୁଷ୍ଠିତ

ହିଞ୍ଜିଳିକାଟୁ ବିଜ୍ଞାନ ମହାବିଦ୍ୟାଳୟରେ ‘ନୁଆ-ଓ’ ଯୁବ ଓଡ଼ିଶା, ନବୀନ ଓଡ଼ିଶାର ପାରମ୍ପାରିକ ଖାଦ୍ୟ ପ୍ରସ୍ତୁତ ଓ ଓଡ଼ିଆ କବିତା ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବିଚାରକ ଭାବେ ଭାସ୍କର ମିଶ୍ର, ଡ ରମେଶ ଚନ୍ଦ୍ର ରାଉଳ ଏବଂ ସରୋଜ କୁମାର ଷଡଙ୍ଗୀ ପ୍ରମୁଖ ଉପସ୍ଥିତ ଥିଲେ । +2, +3 ଛାତ୍ରଛାତ୍ରୀ ମାନେ ପାରମ୍ପାରିକ ଓଡ଼ିଆ ଖାଦ୍ୟ ପ୍ରସ୍ତୁତ ଓ ଓଡ଼ିଆ କବିତା ପାଠ କରିଥିଲେ । ବର୍ତ୍ତମାନ ସମୟରେ, ପାରମ୍ପାରିକ ଓଡ଼ିଆ ଖାଦ୍ୟ ବିଲୁପ୍ତ ହେଉଥିବା ବେଳେ ଚାଇନିଜ ଖାଦ୍ୟର ଚାହିଦା ବୃଦ୍ଧି ପାଉଛି ବୋଲି ବକ୍ତାମାନେ କହିଥିଲେ । ବିଲୁପ୍ତ ହେଉଥିବା ଖାଦ୍ୟକୁ ବଜାୟ ରଖିବା ପାଇଁ ମାନ୍ୟବର ମୁଖ୍ୟମନ୍ତ୍ରୀଙ୍କର ଏହା ଏକ ନୂତନ ପ୍ରୟାସ ବୋଲି ବକ୍ତାମାନେ ମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମକୁ ଡ ବବିତା ପାତ୍ର, ଜଗନ୍ନାଥ ମହାପାତ୍ର, ଅକ୍ଷୟ ପ୍ରଧାନ, ଡ ଗୋକୁଳାନନ୍ଦ ପାତ୍ର, ଡ ସଂଗୀତା ମିଶ୍ର, ଅନିଲ ପାତ୍ର, ସୋନାଲି ବାରିକ, ରାଧାମାଧବ ମହାପାତ୍ର, ଡ ସୁଦର୍ଶନ ରହିତ ଏବଂ ଭାରତୀ ବାଳା ସାହୁ ପ୍ରମୁଖ ପରିଚାଳନା କରିଥିଲେ।
https://www.babyboxofficecollections.com/8-punti-dopo-i-quali-crederai-di-nuovo-nell-amore/
୫୦୦ଟି ଗ୍ୟାସ ସିଲିଣ୍ଡର ସହ ୯ ଲୁଟେରା ଗିରଫ

ବରଗଡ଼ ପୋଲିସକୁ ମିଳିଛି ବଡ଼ ସଫଳତା ।ବିଭିନ୍ନ ଗ୍ୟାସ ଗୋଦାମରେ ସିକ୍ୟୁରୀଟି ଗାର୍ଡ ଙ୍କୁ ଭୟଭିତ କରି ଲୁଟ କରୁଥିବା ୬ ଜଣ ଆନ୍ତରାଜ୍ୟ ଅପରାଧିଙ୍କ ସମେତ 3 ଜଣ ଗ୍ରାହକଙ୍କୁ ଗିରଫ କରିବାରେ ସଫଳ ହୋଇଛି ବରଗଡ଼ ପୋଲିସ । ଅଭିଯୁକ୍ତ ମାନେ ହେଲେ ଡାନିଏଲ କେର୍କେଟା, ଆଶିଷ ସିଂ, ଦେବାଶିଷ ସେନାପତି, ଡିଲେଶ୍ଵର ପରିଡା ,ସଂଜୟ ପ୍ରଧାନ ,ତାପସ କୁମାର ଗଡ଼ତିଆ ଓ କ୍ରେତା ହଲେ ସମ୍ବଲପୁର ର ବିବେକା ନନ୍ଦ ସାହୁ,ଫିରୋଜ ଖାଁ ଏବଂ ନରେଶ କୁମାର ସାହୁ ।

ସେମାନଙ୍କ ଠାରୁ ୫୦୦ ଟି ବିଭିନ୍ନ କମ୍ପାନୀର ଗ୍ୟାସ ଭର୍ତି ସିଲିଣ୍ଡର ସହ ୪ ଟି ଲୁହା ଛଡ଼ ,ଗୋଟିଏ କଟର,ଗୋଟିଏ ଟିଭିଏସ ମୋଟର ସାଇକେଲ ,ଗୋଟିଏ ଭୁଜାଲି, ଆଠଟି ମୋବାଇଲ ଓ ଗୋଟିଏ ଚାରି ଚକିଆ ଗାଡି ଜବତ କରାଯାଇଥିବାନେଇ ଏକ ସାମ୍ବାଦିକ ସମ୍ମିଳନିରେ ବରଗଡ଼ ଅତିରିକ୍ତ ଆରକ୍ଷୀ ଅଧିକ୍ଷକ ତପନ କୁମାର ମହାନ୍ତି ।

ସୁଚନା ଅନୁଯୟାୀ ଗତ ୪ ତାରିଖ ଦିନ ଅତାବିରା ଥାନ୍ତା ଅଞ୍ଚଳର ସିଦାର୍ଥ ପଣ୍ଡା ନାମକ ଜଣେ ଗ୍ୟାସ ବ୍ୟବସାୟୀଙ୍କ ଇଣ୍ଡିଆନ ଗ୍ୟାସ ଏଜେନ୍ସି ରହିଥିବା ଗୋଦାମରୁ ସିକ୍ୟୁରୀଟି ଗାର୍ଡକୁ ଭୟଭୀତ କରି ୧୫୮ ଟି ଗ୍ୟାସ ଭର୍ତ୍ତି ସିଲିଣ୍ଡର ନେଇ ଯାଇଥିବା ଅଭିଯୋଗ କରିଥିଲେ ଯାହାକୁ ନେଇ ପୋଲିସ ତଦନ୍ତ ଜାରି ରଖିଥିଲା ଗତକାଲି ପଡୋଶୀ ଛତିଶଗଡ଼ ରାଜ୍ୟରେ ସମାନ ଭାବେ ଡକାୟତି କରି ଫେରୁଥିବା ବେଳେ ପୋଲିସ ସେମାନଙ୍କୁ ଗିରଫ କରିଛି । ସେମାନଙ୍କ ନାଁ ରେ ବିଭିନ୍ନ ଥାନାରେ ୯ ଗୋଟି ମାମଲା ଥିବା ବେଳେ ଆଜି ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ବରଗଡ଼ ପୋଲିସ।
ଭୋଟର ନିର୍ଭୁଲ ମତଦାନ ସଚେତନତା ପାଇଁ ଉଦ୍ୟମ

ଆଗାମୀ ସାଧାରଣ ନିର୍ବାଚନରେ ଭୋଟର ନିର୍ଭୁଲ ମତଦାନ ସଚେତନତା ପାଇଁ ବଲାଙ୍ଗିର ଜିଲ୍ଲା ପ୍ରଶାସନ ତରଫରୁ ଜିଲ୍ଲା ମୁଖ୍ୟାଳୟ ଏବଂ ଉପଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ପ୍ରଦର୍ଶନ କେନ୍ଦ୍ର ଉଦଘାଟନ ହୋଇଛି । ଏହି କେନ୍ଦ୍ରରେ ଇଭିଏମ ଏବଂ ଭିଭିପାଟ ପ୍ରଦର୍ଶନ ସହ ପୋଲିଂ ବୁଥରେ ଭୋଟ ଦେବାକୁ ନେଇ ଜନସାଧାରଣଙ୍କୁ ସଚେତନତା କରାଯିବ ।

ଅତିରିକ୍ତ ଜିଲ୍ଲାପାଳ ଶ୍ରୀ ଲମ୍ବୋଦର ଧରୁଆ ଏବଂ ଉପଜିଲ୍ଲାପାଳ ଶ୍ରୀ ପ୍ରଭାସ ଦଣ୍ଡସେନା ଏହି କେନ୍ଦ୍ର ଉଦଘାଟନ କରିବା ସହ ୪ ଟି ଇଭିଏମ ମୋବାଇଲ ଭ୍ୟାନକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ଏହି ମୋବାଇଲ ଭ୍ୟାନ ଗୁଡିକ ୧୪ ଟି ବ୍ଲକ ଏବଂ ସମସ୍ତ ପୌରାଞ୍ଚଳ ବୁଲିବ । ଏହି ଭ୍ୟାନ ଗୁଡିକ ଜିଲ୍ଲାର ସମସ୍ତ ଭୋଟ ଦାନ କେନ୍ଦ୍ର ଗୁଡିକ ବୁଲିବ ଏବଂ ସମ୍ପୃକ୍ତ ଅଧିକାରୀ ମାନେ ଭୋଟର ମାନଙ୍କୁ ସଚେତନ କରାଇବ । ମକ ପୋଲିଂ ପରେ ଭୋଟର ମାନେ କାହାକୁ ଭୋଟ ଦେଲେ ଦେଖିପାରିବେ ।

ଏହା ଦ୍ୱାରା ଜଣେ ନିର୍ଭୁଲ ଭାବେ ଭୋଟ ଦେଇପାରିବ । ତେବେ ଫେବୃଆରୀ ଶେଷ ପର୍ଯ୍ୟନ୍ତ ଏହି ମକ କାର୍ଯ୍ୟକ୍ରମ ଚାଲିବ | ଏହି କାର୍ଯ୍ୟକ୍ରମରେ ଡେପୁଟି କଲେକ୍ଟର (ନିର୍ବାଚନ) ରାଜେନ୍ଦ୍ର ନାୟକ , ଆସିଷ୍ଟାଣ୍ଟ କଲେକ୍ଟର ଫାଲ୍ଗୁନୀ ଶବର , ବଲାଙ୍ଗୀର ବିଡିଓ ଶରତ କୁମାର ସେଠୀ , ପୂଇନ୍ତଳା ବିଡିଓ ଅମରେନ୍ଦ୍ର ସ୍ଵାଇଁ ପ୍ରମୁଖ ଉପସ୍ଥିତ ଥିଲେ ।
୭୬ତମ ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା ଉଦଘାଟିତ

ସର୍ବ ବୃହତ୍‌ ମୁକ୍ତାକାଶ ରଙ୍ଗମଞ୍ଚରେ ଆରମ୍ଭ ହୋଇଯାଇଛି ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା। ବରଗଡ଼ ପାଲଟି ଯାଇଛି ମଥୁରାନଗରୀ। ଆରମ୍ଭ ହୋଇଛି ମହାପ୍ରତାପୀ, ଦିଗବିଜୟୀ ମହାରାଜ କଂସଙ୍କ ରାଜୁତି । ପବିତ୍ର ମକର ସଂକ୍ରାନ୍ତିରୁ ଆରମ୍ଭ ହୋଇଥିବା ଏହି ଯାତ୍ରା ଦୀର୍ଘ ୧୧ଦିନ ଧରି ଚାଲିବ। ଆସନ୍ତା ଜାନୁୟାରୀ ୨୫ ତାରିଖରେ ଏହା ଉଦଯାପିତ ହେବ। ୧୧ ଦିନିଆ ଧନୁଯାତ୍ରା ସମୟରେ ବରଗଡ଼ ଏବଂ ଅମ୍ବାପାଲି ମଧ୍ୟରେ ପ୍ରବାହିତ ଜୀରାନଦୀ ଯମୁନା ନଦୀରେ ରୂପାନ୍ତରିତ ହେବ । ମଥୁରାନଗରୀର ୧୫ ଏବଂ ଗୋପପୁରର ୯ଟି ଖୋଲାମଞ୍ଚରେ ଧନୁଯାତ୍ରା ଦୃଶ୍ୟାଭିନୟ ଅଭିନୀତ ହେବ।

ବରଗଡ଼ ହାଟପଦାରେ ରାଜ ଦରବାର ଏବଂ ସ୍ଥାନୀୟ ନିଶାମଣି ସ୍କୁଲ ସମ୍ମୁଖ ସୁଦୃଶ୍ୟ ଲୋକମଣ୍ଡପ ପଡ଼ିଆରେ ରଙ୍ଗମହଲ ମଞ୍ଚ ପ୍ରସ୍ତୁତ ହୋଇଛି । ବିଗତବର୍ଷ ଭଳି ଏଥର ମଧ୍ୟ ହାଟପଦା ମଞ୍ଚରେ ମହୋତ୍ସବର ପ୍ରଥମ ୭ ଦିନ ପାଇଁ ରାଜ ଦରବାର ଏବଂ ଶେଷ ୪ଦିନ ପାଇଁ ରଙ୍ଗ ମହଲ ଦୃଶ୍ୟାଭିନୟ ଅଭିନୀତ ହେବ। ସେହିପରି ଅନ୍ତିମ ୪ଦିନ ନିଶାମଣି ହାଇସ୍କୁଲ ସମ୍ମୁଖ ଲୋକ ମଣ୍ଡପ ପଡ଼ିଆରେ ରାଜ ଦରବାର ସାଜିବ। ତେବେ ସୋମବାରରୁ ମଥୁରାନଗରୀ ଏବଂ ବୁଧବାରରୁ ଗୋପପୁର ଦୃଶ୍ୟାଭିନୟ ଅଭିନୀତ ହେବ।

ଏହି ଉଦଘାଟନୀ ଉତ୍ସବରେ ବରଗଡ଼ ଏମ୍‌ପି ସୁରେଶ ପୂଜାରୀ ଏବଂ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ସନ୍ଧ୍ୟା ୭ଟାରେ ଧନୁଯାତ୍ରା ମହୋତ୍ସବ ଉଦ୍‌ଘାଟନ କରିଥିଲେ। ଏହା ପୂର୍ବରୁ ଅପରାହ୍ନ ୨ଟାରୁ ଧନୁଯାତ୍ରା ପ୍ରଚାର ପ୍ରସାର କମିଟି ଆନୁକୂଲ୍ୟରେ ସ୍ଥାନୀୟ ଗାନ୍ଧୀଛକ କଲ୍ୟାଣ ମଣ୍ଡପରୁ ସାଂସ୍କୃତିକ ଶୋଭାଯାତ୍ରା ବାହାରି ସହର ପରିକ୍ରମା କରିବା ସହିତ ତଳିପଡ଼ା ସମଲେଶ୍ୱରୀ ମନ୍ଦିର ଅଭିମୁଖେ ଯାଇଥିଲା । ସେଠାରୁ ଶୋଭାଯାତ୍ରା ପୁଣି ହାଟପଦାସ୍ଥିତ ରାଜ ଦରବାରକୁ ଯାଇଥିଲା। ଉଦଘାଟନ ପରେ ଧନୁଯାତ୍ରା ଦୃଶ୍ୟାଭିନୟ ଦେଖିବାକୁ ମିଳିଥିଲା । ତେବେ ଦୀର୍ଘବର୍ଷ ଧରି ମାରୱାଡ଼ି ଧର୍ମଶାଳା ରାଜ ମହଲ ହୋଇଆସୁଥିବା ବେଳେ ଏଥର ସ୍ଥାନୀୟ ଜି.ଡ଼ି ଗୋୟଲ ଧର୍ମଶାଳା ରାଜ ମହଲ ପାଲଟିବ ବୋଲି ଧନୁଯାତ୍ରା ମହୋତ୍ସବ ସମିତିର ଆବାହକ ସୁରେଶ୍ୱର ଶତପଥୀ ସୂଚନା ଦେଇଛନ୍ତି।

ଆଜି ଦ୍ବିତୀୟ ରଜନୀରେ ସମଲେଶ୍ଵରୀ ମଣ୍ଡପ ସ୍ଥିତ କାରାଗାରରେ ଶ୍ରୀକୃଷ୍ଣଙ୍କ ଜନ୍ମ ଓ ଶ୍ରୀକୃଷ୍ଣଙ୍କୁ ନେଇ ବାସୁଦେବଙ୍କ ଗୋପପୁର ଯାତ୍ରା, ଉଗ୍ରସେନଙ୍କ ସହ ଭେଟ, ବିଜୁଳି କନ୍ୟାଙ୍କ ସହ ମଥୁରାକୁ ପ୍ରତ୍ୟାବର୍ତ୍ତନ, ଦୂର୍ମିଲା ରାକ୍ଷସ ସହ କଂସର ଯୁଦ୍ଧ ଏବଂ ଦୁର୍ମିଲା ରାକ୍ଷସ ନିହତ ହେବା ସହ ଚାରୁଣ ମୁଷ୍ଠିକ କୁ ଆହ୍ଵାନ ପରି ବହୁ କାର୍ଯ୍ୟକ୍ରମ ହେବାକୁ ଯାଉଛି।
ପୋଲତଳୁ ନାବାଳକର କ୍ଷତବିକ୍ଷତ ମୃତଦେହ ଉଦ୍ଧାର

କେନ୍ଦୁଝର ଚମ୍ପୁଆ ଉପଖଣ୍ଡ ଯୋଡ଼ା ବ୍ଳକ ଅନ୍ତର୍ଗତ କୋହ୍ଲହୁଣ୍ଡୁଳା ଗ୍ରାମ ର ଏକ ପୋଲ ତଳୁ ଜଣେ ନାବାଳକ ର ମୃତ ଦେହ ଉଦ୍ଧାର ହୋଇଛି । ସୂଚନା ଅନୁଯାୟୀ, ଆଜି ସ୍ଥାନୀୟ କିଛି ମହିଳା ସକାଳୁ ଶୌଚ ହେବାକୁ ଯାଇଥିବା ବେଳେ କୋହ୍ଲହୁଣ୍ଡୁଳା ପୋଲତଳେ ଜଣେ ନାବାଳକର କ୍ଷତବିକ୍ଷତ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା ।

ମୃତକ ଜାମୁକୁଣ୍ଡିଆ ଗାଁର ଶୁକଦେବ ଲାଗୁରୀ ବୋଲି ସୂଚନା ମିଳିଥିବା ବେଳେ, ତାଙ୍କୁ କେହି ପଥରରେ ଛେଚି ହତ୍ୟା କରାଯାଇଥିବା ସନ୍ଦେହ କରାଯାଉଛି । ଗତକାଲି ଶୁକଦେବ ସନ୍ଧ୍ୟାରେ ପାଖ ଗାଁକୁ ମକରମେଳା ଦେଖିବାକୁ ଯାଇ ଘରକୁ ଫେରି ନଥିଲେ । ଆଜି ସକାଳୁ ତାର ମୃତ ଦେହ ମିଳିବା ପରେ ଏହା ଏକ ହତ୍ୟା କାଣ୍ଡ ବୋଲି ଅନୁମାନ କରାଯାଉଛି।ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି। ଘଟଣା ସ୍ଥଳରେ ସାଇଣ୍ଟିଫିକ୍ ଟିମ୍‌ କୁ ଅପେକ୍ଷା କରାଯାଇଥିବା ଜଣାପଡ଼ିଛି।
ବଳରାମ ଧିର ବିଦ୍ୟାଳୟର ୧୯୯୯ ବ୍ୟାଚ୍ ଛାତ୍ରଛାତ୍ରୀଙ୍କ ଦ୍ବାରା ଶିକ୍ଷକ ସମ୍ବର୍ଦ୍ଧନା ଉତ୍ସବ

ଘଷିପୁରା ବ୍ଲକ ଅନ୍ତର୍ଗତ ପୁରୁଣାବାନ୍ଧଗୋଡା ସ୍ଥିତ ବଳରାମ ଧୀର ଉଚ୍ଚ ବିଦ୍ୟାଳୟର ୧୯୯୯ ବ୍ୟାଚର ଛାତ୍ରଛାତ୍ରୀମାନଙ୍କ ଦ୍ଵାରା ଶିକ୍ଷକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଏକ ସାଧାରଣ ସଭାରେ ପୁରାତନ ଛାତ୍ର ତାରିଣୀ ପ୍ରସାଦ ପଟ୍ଟନାୟକଙ୍କ ସଭାପତିତ୍ବରେ ଅବସରପ୍ରାପ୍ତ ଶିକ୍ଷକ ବଳରାମ ଦାସ, ଇଶ୍ୱର ଚନ୍ଦ୍ର ବେହେରା, ବୈଷ୍ଣବ ଚରଣ ସେନାପତି, ବଳଭଦ୍ର ବେହେରାଙ୍କୁ ଉତ୍ତରୀୟ ଓ ପୁଷ୍ପଗୁଛ ଦେଇ ସ୍ବାଗତ ସମ୍ବର୍ଦ୍ଧନା କରାଯାଇଥିଲା। ଛାତ୍ରଙ୍କ ମଧ୍ୟରେ ସ୍ନେହ ଓ ସଦଭାବନା ଆଦାନ ପ୍ରଦାନର ମାଧ୍ୟମ ହେଉଛି ବନ୍ଧୁ ମିଳନ।

ସ୍କୁଲର ଶିକ୍ଷକ ମାନଙ୍କ ଦିଗଦର୍ଶନ ପାଇ ଆଜି ଛାତ୍ରଛାତ୍ରୀ ବିଭିନ୍ନ କ୍ଷେତ୍ରରେ ସଫଳ ହୋଇପାରିଛନ୍ତି। ସେମାନଙ୍କ ଏହି ଉନ୍ନତ କାର୍ଯ୍ୟକୁ ଉପସ୍ଥିତ ଛାତ୍ରଛାତ୍ରୀ ବର୍ଣ୍ଣନା କରିବା ସହ ପୁରୁଣା ଦିନର ସ୍ମୃତିଚାରଣ କରିଥିଲେ। ଏହି କାର୍ଯ୍ୟକ୍ରମକୁ ସଂଜିବ ସେଠୀ,ସତ୍ୟବ୍ରତ ପଟ୍ଟନାୟକ,ଚଗଲା ସା, ସଂଜିତ ଦାସ,ଲିପକ ବେହେରା, ମନୋରଞ୍ଜନ ବିଶୋଇ, ପଙ୍କଜ ବେହେରା, କୀର୍ତ୍ତିମାଳା ନାୟକ, କୁନି ରଣା, କବିତା ଚକ୍ର,ମିତା ନାୟକ ସହ ସମସ୍ତ ଛାତ୍ରଛାତ୍ରୀ ପରିଚାଳନା ରେ ସହଯୋଗ କରିଥିଲେ। ପରିଶେଷରେ ଛାତ୍ରୀ କବିତା ଚକ୍ର ସମସ୍ତ ଛାତ୍ରଛାତ୍ରୀଙ୍କୁ ଧନ୍ୟବାଦ ଅର୍ପଣ କରିଥିଲେ।
ଜଙ୍ଘ ବଡ଼ ଦେଓ ମନ୍ଦିର ବିଗ୍ରହ ପ୍ରତିଷ୍ଠା ଉତ୍ସବରେ ରାଜନେତାଙ୍କ ଧସ୍ତାଧସ୍ତି

ଆଠମଲ୍ଲିକ ବ୍ଲକ ଆମ୍ବସର୍ମୁଣ୍ଡା ଠାରେ ଦୀର୍ଘ ତିନି ଦିନ ଧରି ଚାଲିଥିବା ଅଖିଳ ଭାରତୀୟ ଗୋଣ୍ଡ଼ ୱନା ସମାଜର ଜଙ୍ଘ ବଡ଼ ଦେଓ ମନ୍ଦିର ପ୍ରତିଷ୍ଠା କାର୍ଯ୍ୟ ସମ୍ପାଦନ ହୋଇଛି। ରୀତି ନୀତି ଅନୁଯାୟୀ ପୂଜା ପାଠ ହୋମ ଯଜ୍ଞ ସହିତ ବିଗ୍ରହ ସ୍ଥାପନ କରାଯାଇଛି। ଏଥିରେ କର୍ତ୍ତା ଭାବେ ପେନ୍ଥାନାର ସଭାପତି ତଥା ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାୟ ଓ ତାଙ୍କ ସହଧର୍ମିଣୀ ଲିନା ସାୟ ଦାୟିତ୍ଵ ନିର୍ବାହ କରିଥିଲେ। ଅନ୍ୟ ମାନଙ୍କ ମଧ୍ୟରେ ଗୋଣ୍ତ ୱାଣା ସମାଜର ରାଜ୍ୟ ମହା ସଚିବ ପ୍ୟାରୀ ମୋହନ ନାୟକ, ସଭାପତି ସଦାଶିବ ନାୟକ, ମହିଳା ସଭାପତି ଦମୟନ୍ତୀ ମହାପାତ୍ର, ସମ୍ପାଦିକା ଶୈଳବାଳା ନାୟକ ପ୍ରମୁଖ ମଞ୍ଚାଶିନ ରହି ଗୋଣ୍ଡ ଜାତିର ସାମାଜିକ ସ୍ଥିତି ଓ ଚଳନି ଉପରେ ସାର ଗର୍ଭକ ବକ୍ତବ୍ୟ ପ୍ରଦାନ କରିଥିଲେ।

ସବୁଠାରୁ ରୋଚକ ଖବର ହେଲା ବିନା ନିମନ୍ତ୍ରଣରେ ନିଜର ରାଜନୈତିକ ପତିଆରା ଦେଖାଇବା ପାଇଁ ଗତ ଥର ବିଜେଡ଼ି ପକ୍ଷରୁ ସମ୍ବଲ୍ପୁର ଲୋକସଭା କ୍ଷେତ୍ରରୁ ପରାଜିତ ସାଂସଦ ପ୍ରାର୍ଥୀ ନଳିନୀ କାନ୍ତ ପ୍ରଧାନ ଏକ ବିରାଟ ବାଇକ୍ ରାଲିରେ ଠାକୁରଗଡ଼ ଖେଳପଡ଼ିଆରୁ ନିମନ୍ତ୍ରିତ ହୋଇଥିବା ରାଜ୍ୟ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଆଦିବାସୀ କଲ୍ୟାଣ ମନ୍ତ୍ରୀ ଜଗନ୍ନାଥ ସାରକା, ଅନୁଗୁଳ ବିଧାୟକ ରଜନୀ କାନ୍ତ ସିଂହ, ଛେଣ୍ଡିପଦା ବିଧାୟକ ସୁଶାନ୍ତ ବେହେରା, ତାଳଚେର ବିଧାୟକ ବ୍ରଜ କିଶୋର ପ୍ରଧାନ, ଜିଲ୍ଲା ପରିଷଦ ଅଧ୍ୟକ୍ଷା ବବିତା ପ୍ରଧାନ ଙ୍କୁ ସାଙ୍ଗରେ ଧରି ସାଉଣ୍ଡ ଗାଡ଼ି ଧରି ନବୀନ ପଟ୍ଟନାୟକ ଜିନ୍ଦାବାଦ, ଆଠମଲ୍ଲିକ ର ବିକାଶ ପୁରୁଷ ନଳିନୀ ପ୍ରଧାନ, ହେ ନଳିନୀ ବାବୁ ଆମେ ତୁମ ଫ୍ୟାନ୍ ବଜାଇ ମନ୍ଦିର ସମ୍ମୁଖରେ ପହଁଚିଥିଲେ। ସ୍ଵାଗତ ଜଣାଇବା ପାଇଁ ଅଗୋଣ୍ଡୱାନଆ ସମାଜର ସେବା ଦଳ ଛିଡ଼ା ହୋଇ ଥିବା ବେଳେ ନଳିନୀଙ୍କ ସମର୍ଥକମାନେ ନିଜସ୍ୱ ଶୈଳୀରେ ଅଭିନନ୍ଦନ ଜଣାଇବା ପାଇଁ ଫୁଲ ତୋଡା ଦେଇ ଅତିଥି ମାନଙ୍କୁ ସ୍ଵାଗତ କରିଥିଲେ। ଯାହାକୁ ନେଇ ସେବା ଦଳ ଓ ନଳିନୀ ଗୋଷ୍ଠୀ ମଧ୍ୟରେ ଧସ୍ତାଧସ୍ତି ହୋଇଥିଲା। ପରେ ମନ୍ତ୍ରୀ ଦ୍ବୟ ମନ୍ଦିର ଭିତରେ ପହଞ୍ଚି ଆଶିଷ ଭିକ୍ଷା କରୁଥିଲେ। ନଳିନୀ ବାବୁ ମନ୍ତ୍ରୀ ଦ୍ୱାୟଙ୍କୁ ମନ୍ଦିରରୁ ଟାଣି ଆଣି ଗାଡ଼ିରେ ବସାଇ ନିଜ ସମର୍ଥକ ଙ୍କ ସହିତ ଚାଲି ଯାଇଥିଲେ।

ଧସ୍ତା ଧସ୍ତି ବେଳେ ସେବା କର୍ତ୍ତୃପକ୍ଷ ନଳିନୀ ପ୍ରଧାନ ଗୋ ବ୍ୟାକ୍ ନାରାବାଜି ଦେଇଥିଲେ। ଏହି ଖବର ଶୁଣିବା ପରେ ମହାସଚିବ ପ୍ୟାରୀ ମୋହନ ନାୟକ ଏକ ପ୍ରେସ ମିଟ ଡାକି କହି ଥିଲେ ଯେ, ଏହା ଏକ ସାମାଜିକ ଅନୁଷ୍ଠାନ । ମନ୍ଦିରରେ ବିଗ୍ରହ ପ୍ରତିଷ୍ଠା ଉତ୍ସବ ପାଳିତ ହୋଇ ଥିଲା। ଏହାକୁ ରାଜନୈତିକ ରଙ୍ଗ ଦେବା ପାଇଁ ନଳିନୀ ପ୍ରଧାନଙ୍କ ଏକ ହୀନ ପ୍ରୟାସ କରିଛନ୍ତି। ଆଗାମୀ ଦିନରେ ଏହାର ଜବାବ୍ ଆମେ ଗୋଣ୍ଡୱାନଆ ସମାଜ ନିଶ୍ଚିତ ଭାବରେ ଦେବୁ। ଏହି ଘଟଣାକୁ ନେଇ ରାଜନୀତି ଜୋର ଧରିଛି।
ଦେଓ ମନ୍ଦିରର ପ୍ରତିଷ୍ଠା ଉତ୍ସବରେ ମାନ୍ୟବର ରାଜ୍ୟପାଳ

ଗତକାଲି ଦିନିକିଆ ଅନୁଗୁଳ ଗସ୍ତରେ ଯାଇଥିଲେ ଓଡ଼ିଶାର ରାଜ୍ୟପାଳ ରଘୁବର ଦାସ । ଆଠମଲ୍ଲିକ ବ୍ଲକ ଆମ୍ବସରମୁଣ୍ଡା ଗୋଣ୍ଡ ସମାଜର ଆରାଧ୍ୟ ଦେବତା ବଡ଼ ଜଂଘା ଦେଓ ମନ୍ଦିରର ପ୍ରତିଷ୍ଠା ଉତ୍ସବରେ ଯୋଗ ଦେଇଥିଲେ। ପ୍ରଥମେ ଆମ୍ବେଦକରଙ୍କ ପ୍ରତି ମୂର୍ତ୍ତିରେ ପୁଷ୍ପ ଗୁଛ ଅର୍ପଣ କରିବା ପରେ ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତି ଉନ୍ମୋଚିତ କରିଥିଲେ। ପରେ ୩୫ ଏକର ପଥର ଚଟାଣ ଉପରେ ନିର୍ମିତ ଜଙ୍ଘା ବଡଦେଓ ମନ୍ଦିର ଯାଇ ସେଠାରେ ଠାକୁରଙ୍କୁ ଦର୍ଶନ କରି ପ୍ରଭୁଙ୍କ ଆଶିଷ ଲାଭ କରିଥିଲେ। ପରେ ଏକ ଜନସଭାକୁ ସମ୍ବୋଧିତ କରି ଜନଜାତି ଙ୍କ ବିକାଶ ହେଲେ ଭାରତ ବିକଶିତ ହେବ ବୋଲି କହିଥିଲେ।

ଜନଜାତିଙ୍କ ଶିକ୍ଷାର ବିକାଶ ଦିଗରେ କନ୍ଦ୍ର ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି, ବେଟି ବଚାଓ, ବେଟି ପଢ଼ାଓ ନରା ଦେଇଥିଲେ। ଅନ୍ୟତମ ଅତିଥି ଭାବେ କେନ୍ଦ୍ର ସରକାରଙ୍କ ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗଦେଇ ଆଦିବାସୀଙ୍କ ପ୍ରତି କେନ୍ଦ୍ର ସରକାର ବିଭିନ୍ନ ଯୋଜନାର ପରିକଳ୍ପନା କରୁଥିବା କହିବା ସହ ଓଡ଼ିଶା ପର୍ଯ୍ୟଟନ ମାନଚିତ୍ରରେ ଆମ୍ବସରମୁଣ୍ଡା ପେନଣ୍ଠାନା ଯୋଡ଼ି ହେଲା ବୋଲି କହିଥିଲେ।

ପେନଠାନାର ସଭାପତି ତଥା ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ ସ୍ବାଗତ ଭାଷଣ ଦେଇଥିବା ବେଳେ ଗୋଣ୍ଡ୍ ୱାନା ସମାଜର ରାଜ୍ୟ ମହାସଚିବ ପ୍ୟାରୀ ମୋହନ ନାୟକ ବିବରଣୀ ପାଠ କରିଥିଲେ। ଛତିଶଗଡ଼ ରାଜ୍ୟର ପୂର୍ବତନ ବିଧାୟକ ରବି ନାୟଣ ନାୟକ ଧନ୍ୟବାଦ ଅର୍ପଣ କରିଥିଲେ।