୮ ଟି ସହରରେ 40°C ଉପରେ ତାପମାତ୍ରା
ଆଗାମୀ 3ରୁ 4 ଦିନରେ +2°C ରୁ +4°C ବୃଦ୍ଧି ସମ୍ଭାବନା
କିଛି ସ୍ଥାନରେ 45°C ପହଞ୍ଚିପାରେ
ଓଡ଼ିଶାରେ ତାପମାତ୍ରାର ଅସାମାନ୍ୟ ବୃଦ୍ଧି ନେଇ ଚିନ୍ତା ବଢ଼ୁଛି। ପଶ୍ଚିମ ଓଡ଼ିଶାର ଅନେକ ସହରରେ ୪୦ ଡିଗ୍ରୀରୁ ଅଧିକ ତାପମାତ୍ରା ରେକର୍ଡ ହେବା ସହ ଆସନ୍ତା କିଛି ଦିନରେ ଏହା ୪୫ ଡିଗ୍ରୀ ଛୁଇଁପାରେ ବୋଲି ପୂର୍ବାନୁମାନ ହୋଇଛି। ଏପରି ଅତ୍ୟଧିକ ତାପମାତ୍ରା ପରିସ୍ଥିତି ରାଜ୍ୟବାସୀଙ୍କ ଦୈନନ୍ଦିନ ଜୀବନରେ ଗୁରୁତର ପ୍ରଭାବ ପକାଇପାରେ । ତୀବ୍ର ଗରମ ସ୍ୱାସ୍ଥ୍ୟରେ ଅନେକ ସମସ୍ୟା ସୃଷ୍ଟି କରେ, ହିଟ୍ଷ୍ଟ୍ରୋକ, ଡିହାଇଡ୍ରେସନ, ଚକ୍କର ଆସିବା, ମୁଣ୍ଡ ବଥା, ଏବଂ ଲୋ ବ୍ଲଡ୍ ପ୍ରେସର ଭଳି ସମସ୍ୟା ବଢ଼ିଯାଏ । ବିଶେଷକରି ଶିଶୁ, ବୃଦ୍ଧ ଓ ଶାରୀରିକ ଭାବେ ଦୁର୍ବଳ ବ୍ୟକ୍ତିମାନେ ଏହାର ଅଧିକ ଶିକାର ହୁଅନ୍ତି। ବାହାରେ କାମ କରୁଥିବା ଶ୍ରମିକ, ଚାଷୀ ଓ ରାସ୍ତା ବ୍ୟବସାୟୀମାନଙ୍କ ପାଇଁ ଏହା ବିଶେଷ ଭାବେ ଜୋଖିମପୂର୍ଣ୍ଣ । ତାପମାତ୍ରା ବୃଦ୍ଧି ପାଣି ସଂକଟକୁ ଆହୁରି ଗଭୀର କରେ । ଜଳାଶୟ, ପୋଖରୀ ଓ ନଦୀମାନଙ୍କର ପାଣି ସ୍ତର କମିଯାଏ । ଏହା ଚାଷକାମରେ ବାଧା ସୃଷ୍ଟି କରିଥାଏ ଏବଂ ଚାଷୀମାନେ କ୍ଷତିର ସମ୍ମୁଖୀନ ହୁଅନ୍ତି। ଏହା ସହିତ ଶହର ଅଞ୍ଚଳରେ ପାଣି ଯୋଗାଣ ମଧ୍ୟ ପ୍ରଭାବିତ ହୁଏ । ବିଦ୍ୟୁତ୍ ଚାହିଦା ବଢ଼ିବା ଫଳରେ ପାୱାର କଟ୍ ସମସ୍ୟା ଦେଖାଦେଇପାରେ । ଲୋକମାନେ ଏସି, କୁଲର ଓ ପଖାର ବ୍ୟବହାର ବଢ଼ାଇଦେବାରୁ ବିଦ୍ୟୁତ୍ ଉପରେ ଚାପ ବଢ଼ିଯାଏ ।ଏହି ପରିସ୍ଥିତିରେ ସତର୍କତା ଓ ପ୍ରତିକାର ଅତ୍ୟାବଶ୍ୟକ ।
ଦିନର ୧୧ଟାରୁ ୪ଟା ପର୍ଯ୍ୟନ୍ତ ଅତ୍ୟାବଶ୍ୟକ ନ ଥିଲେ ବାହାରକୁ ଯିବା ଏଡ଼ାଇବା ଉଚିତ। ବାହାରକୁ ଯାଇବାକୁ ପଡ଼ିଲେ ଛତା, ଟୋପି କିମ୍ବା ଗାମୁଛା ବ୍ୟବହାର କରିବା ଆବଶ୍ୟକ। ପର୍ଯ୍ୟାପ୍ତ ପାଣି ପିଇବା ଅତ୍ୟନ୍ତ ଜରୁରୀ । ଲେମ୍ବୁ ପାଣି, ଓଆରଏସ, ଛାଚ୍ଛ, ନାଡ଼ିଆ ପାଣି ଭଳି ପାନୀୟ ଶରୀରକୁ ଠଣ୍ଡା ରଖିଥାଏ। ତୃତୀୟତଃ, ହାଲୁକା ଓ ହଳୁକା ରଙ୍ଗର ପୋଶାକ ପିନ୍ଧିବା ଉଚିତ ଯାହା ତାପ ଶୋଷଣ କମ କରେ ।
ଚତୁର୍ଥତଃ, ଶିଶୁ ଓ ବୃଦ୍ଧମାନଙ୍କୁ ବିଶେଷ ଧ୍ୟାନ ଦେବା ଦରକାର। ସେମାନଙ୍କୁ ଖରାରେ ବାହାରେ ରଖିବା ଉଚିତ ନୁହେଁ। ପଶୁପକ୍ଷୀମାନଙ୍କ ପାଇଁ ମଧ୍ୟ ପାଣିର ବ୍ୟବସ୍ଥା କରିବା ମାନବୀୟ କର୍ତ୍ତବ୍ୟ।ସରକାର ଓ ସ୍ଥାନୀୟ ପ୍ରଶାସନଙ୍କୁ ମଧ୍ୟ ପାଣି ଯୋଗାଣ, ହିଟ୍ ରିଲିଫ୍ ସେଣ୍ଟର ସ୍ଥାପନ ଓ ସଚେତନତା କାର୍ଯ୍ୟକ୍ରମ ଜୋରଦାର କରିବା ଆବଶ୍ୟକ ।ସାରକଥା, ଅତ୍ୟଧିକ ଗରମ କେବଳ ଅସୁବିଧା ନୁହେଁ, ଏହା ଜୀବନ ଓ ଜୀବିକା ପାଇଁ ଏକ ଗୁରୁତର ଚାଲେଞ୍ଜ। ସମୟରେ ସତର୍କତା ଓ ସଠିକ୍ ପଦକ୍ଷେପ ନିଆଯାଇପାରେ, ଏହାର କୁପ୍ରଭାବକୁ ଅନେକ ପର୍ଯ୍ୟନ୍ତ କମାଯାଇପାରିବ ।
ଟିଟିଲାଗଡ଼ – 41.7°C
ସମ୍ବଲପୁର – 41.5°C
ହୀରାକୁଦ – 41.5°C
ଝାରସୁଗୁଡ଼ା – 41°C
ଭବାନୀପାଟଣା – 41°C
ସୋନପୁର – 40.6°C
ବଲାଙ୍ଗିର – 40.3°C
ତାଳଚେର – 40°C