ସାମ୍ବାଦିକଙ୍କ ବିଭିନ୍ନ ସମସ୍ୟାକୁ ନେଇ ଉତ୍କଳ ସାମ୍ବାଦିକ ସଂଘ ପକ୍ଷରୁ ସବୁ ଜିଲ୍ଲାପଳଙ୍କୁ ଭେଟି ଦାବିପତ୍ର ଦିଆଯାଉଛି। ଭଦ୍ରକ ଜିଲ୍ଲା ଉତ୍କଳ ସାମ୍ବାଦିକ ସଂଘ ପକ୍ଷରୁ ମଧ୍ୟ ୫ ଦଫା ସମ୍ବଳିତ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପଠାଯାଇଛି। ଆଜି ୧୧ଟା ସମୟରେ ସଂଘର ଜିଲ୍ଲା ସଭାପତି ରବିନାରାୟଣ ଖିଲାରଙ୍କ ନେତୃତ୍ୱରେ ବହୁ ସାମ୍ବାଦିକ ଏହି ଦାବିପତ୍ର ଉପଜିଲ୍ଲାପାଳ କାର୍ତିକ ନାଥ ମଣ୍ଡଲଙ୍କୁ ପ୍ରଦାନ କରିଛନ୍ତି। ଏହି ୫ ଦଫା ଦାବି ମଧ୍ୟରେ ରହିଛି ସାମ୍ବାଦିକମାନଙ୍କୁ ସୁରକ୍ଷା ଯୋଗାଇଦେବା, ମାସିକ ପେନସନ ଦେବା, ରାଜ୍ୟ ସ୍ତରୀୟ ଆକ୍ରିଡେସନ କମିଟି ଗଠନ, ବ୍ଲକ ସ୍ତରରେ ସାମ୍ବାଦିକ ଚି଼ହ୍ନଟ କରିବା ପରି ପାଞ୍ଚଟି ଦାବି ରହିଥିବା ଜିଲ୍ଲା ଉତ୍କଳ ସାମ୍ବାଦିକ ସଂଘ ସଭାପତି ରବିନାରାୟଣ ଖିଲାର ସୂଚନା ଦେଇଛନ୍ତି।
ସମ୍ପ୍ରତି ସାମ୍ବାଦିକଙ୍କ ଉପରେ ହେଉଥିବା ଆକ୍ରମଣ ଘଟଣାକୁ ନେଇ ସେମାନଙ୍କ ସୁରକ୍ଷା ପାଇଁ ରାଜ୍ୟ ସରକାରଙ୍କ ନିକଟରେ ଦାବି ହୋଇ ଆସୁଛି। ଏହି ଦାବି ପୂରଣ ନ ହେଲେ ସାମ୍ବାଦିକମାନେ ବିଧାନସଭା ସମ୍ମୁଖରେ ଧାରଣା ଦେବେ ବୋଲି ଚେତାବନୀ ଦେଇଛି ସଂଘ।