ଲଗାତାର ବୃଦ୍ଧି ପାଉଥିବା ସୁନା ଓ ରୁପା ଦାମ ମଧ୍ୟରେ ଗ୍ରାହକଙ୍କ ପାଇଁ ଆସିଛି ଆଶ୍ୱସ୍ତିକର ଖବର। ଶୁକ୍ରବାର ବଜାର ଖୋଲିବା ପରେ ସୁନା ଆଉ ରୁପା ଦାମ କମ ହୋଇଛି । ମିଳିଥିବା ସୂଚନା ଅନୁସାରେ, ସୁନା ଦାମ ୧୦ ଗ୍ରାମ ପିଛା ପ୍ରାୟ ୮ ହଜାର ଟଙ୍କା କମିଛି। ଗତକାଲି ସୁନା ଦାମ ୧ ଲକ୍ଷ ୮୩ ହଜାର ଟଙ୍କାରେ ପହଞ୍ଚିଥିବାବେଳେ, ଶୁକ୍ରବାର ଏହା ପ୍ରାୟ ୮ ହଜାର ୮ ଶହ ଟଙ୍କା କମି ୧ ଲକ୍ଷ ୭୫ ହଜାର ଟଙ୍କାରେ ପହଞ୍ଚିଛି। ସେହିପରି ରୁପା ଦାମରେ ମଧ୍ୟ ବଡ଼ ହ୍ରାସ ଦେଖାଯାଇଛି। ଗୁରୁବାର ରୁପା କେଜି ପ୍ରତି ୪ ଲକ୍ଷ ଟଙ୍କାରେ ପହଞ୍ଚିଥିବାବେଳେ, ଗତକାଲି ଏହା ୩ ଲକ୍ଷ ୯୯ ହଜାର ୮୯୩ ଟଙ୍କା ରହିଥିଲା। ଆଜି ରୁପା ଦାମ ପ୍ରାୟ ୨୦ ହଜାର ଟଙ୍କାରୁ ଅଧିକ କମି ୩ ଲକ୍ଷ ୭୫ ହଜାର ଟଙ୍କାରେ ପହଞ୍ଚିଛି। ସୁନା ଓ ରୁପା ଦାମର ଏହି ହ୍ରାସ ଆଗାମୀ ଦିନରେ ଗ୍ରାହକଙ୍କ ପାଇଁ କିଣାକାଟାକୁ ଆହୁରି ସହଜ କରିପାରେ।