ରେଲ୍‌ୱେ ଚାକିରି ଦେବା ନାଁରେ ୩ ଲକ୍ଷ ଟଙ୍କା ଠକେଇ

ଭୁବନେଶ୍ୱର ରେଲ୍‌ୱେ ଚାକିରି କରାଇ ଦେବା ନାଁରେ ୩ ଲକ୍ଷ ଟଙ୍କା ଠକି ନେଇଥିବା ଅଭିଯୋଗରେ ଆଜି ମଞ୍ଚେଶ୍ବର ଥାନା ପୁଲିସ ଜଣେ ଠକକୁ ଗିରଫ କରିଛି। ସେ ହେଲା ନୟାଗଡ଼ ଜିଲ୍ଲା ଶରଣକୁଳ ଥାନା ଗୋଡ଼ିପଡ଼ା ଅଞ୍ଚଳର କାହ୍ନୁ ଚରଣ ସ୍ବାଇଁ (୪୩)। ବଡ଼ କଥା ହେଉଛି ଅଭିଯୁକ୍ତ କାହ୍ନୁ ଜଣେ ବରଖାସ୍ତ ପୁଲିସ କର୍ମଚାରୀ। ପୁଲିସ ତା’ଠାରୁ ଜାଲ୍‌ ନିଯୁକ୍ତି ପତ୍ର ଏବଂ ‌କେତେକ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିଛି।କାହ୍ନୁ ଓଡ଼ିଶା ସ୍ପେସାଲ ଆର୍ମଡ୍‌ ପୁଲିସ (ଓଏସ୍‌ଏପି) କର୍ମଚାରୀ ଭାବେ ୨୦୧୮ ମସିହାରେ କୋରାପୁଟରେ କାର୍ଯ୍ୟରତ ଥିଲେ। ଚାକିରିରେ ଅନିୟମିତତା ଯୋଗୁ ତାଙ୍କୁ ବରଖାସ୍ତ କରାଯାଇଥିଲା।ରେଲୱେରେ ବଙ୍ଗଳା ପିଅନ ଚାକିରୀ କରାଇଦେବ କହି ସାଗର ପ୍ରଧାନ ନାମକ ଯୁବକଙ୍କଠୁ ତିନି ଲକ୍ଷ ଟଙ୍କା ଠକି ନେଛନ୍ତି ଟଙ୍କା ଦେବାର ୧୯ ଦିନ ବିତିଯାଇଥିବାରୁ ତାଙ୍କୁ ଚାକିରୀ ନମିଳିବାରୁ ସନ୍ଦେହ କରି ତାଙ୍କ ବାପା ମଞ୍ଚେଶ୍ୱର ଥାନାରେ ଲିଖିତ ଅଭିଯୋଗ କରି ଥିଲେ ଯେ ସେ ଏହି ଟଙ୍କା ତାଙ୍କ ଵିଲ ଓ ଘର ବନ୍ଧା ପକାଇ ଆଣିଥିଲେ ତାଙ୍କ ପୁଅ ଚାକିରି କରିବବୋଲି..