ଭୁବନେଶ୍ବର ‘ନିଗମ’ ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ, ଦ୍ରୁତ ଗତିରେ ଆସୁଥିଲା ‘ନିଗମ’ ଘରୋଇ ଯାତ୍ରୀବାହୀ ବସ୍, ପୋଲରେ ଗୋଟିଏ ପାର୍ଶ୍ବରେ ପିଟିହୋଇଥାନ୍ତା ବାହନ ରକ୍ଷା କରିବାକୁ ଯାଇ ଗାଡିରେ ବ୍ରେକ କସିଲେ ଡ୍ରାଇଭର ଭାରସାମ୍ୟ ହରାଇ ପୋଲର ବିପରିତ ପାର୍ଶ୍ବରେ ପିଟିହେଲା ଗାଡ଼ି
ବ୍ୟାରିକେଡ ଭାଙ୍ଗି ବସର ସାମ୍ନା ଅଂଶ ଶୂନରେ ଲଟକିଛି
କଟକ ଜିଲ୍ଲା ବାଙ୍କୀର ଜାତମୁଣ୍ଡିଆ-ସୁବର୍ଣ୍ଣପୁର ବ୍ରିଜରେ ଘଟିଛି ଏକ ଭୟଙ୍କର ଦୁର୍ଘଟଣା। ଏକ ଯାତ୍ରୀବାହୀ ବସ୍ ବ୍ରିଜ୍ର ସାଇଡ୍ ୱାଲ୍କୁ ଧକ୍କା ଦେଇ ଆଗକୁ ମାଡ଼ି ଯାଇଥିଲା। ତେବେ ବସ୍ଟି ମହାନଦୀରେ ପଡ଼ି ନଥିଲା। ବସ୍ଟି ବ୍ରିଜ୍ ଉପରେ ଝୁଲି ରହିଥିବା ବେଳେ ସମସ୍ତ ଯାତ୍ରୀ ସୁରକ୍ଷିତ ଉଦ୍ଧାର ହୋଇଛନ୍ତି ।ନିଗମ ମାନକ ଏକ ଘରୋଇ ଯାତ୍ରୀବହୀ ବସ୍ଟି ଅନୁଗୋଳରୁ ଭୁବନେଶ୍ୱର ଅଭିମୁଖେ ଆସୁଥିବା ବେଳେ ଏହି ଦୁର୍ଘଟଣା ଘଟିଛି। କେମିତି ଏଭଳି ଏକ ଘଟଣା ଘଟିଲା, ତାହା ସ୍ପଷ୍ଟ ହୋଇନାହିଁ। କିଛି ଯାନ୍ତ୍ରିକ ତ୍ରୁଟି ଯୋଗୁ ଏହି ଦୁର୍ଘଟଣା ଘଟିଥିବା କୁହାଯାଉଛି। ତେବେ ଘଟଣାସ୍ଥଳରେ ବାଙ୍କି ପୋଲିସ ପୋଲିସ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି ।
