ଆମ ଆଖପାଖରେ ବେଳେବେଳେ ଏମିତି କିଛି ଘଟଣା ଘଟେ ଯାହା ଆମକୁ ଅନେକ ପ୍ରେରଣା ଦେଇଥାଏ । ଏ ଦୁନିଆକୁ ଭଲଭାବେ ଦେଖିପାରୁନଥିବା ଲୋକମାନେ ମଧ୍ୟ ସମାଜ କିପରି ସ୍ବଚ୍ଛ ରହିବ ତାକୁ ନେଇ ଚିନ୍ତା ପ୍ରକଟ କରନ୍ତି । ମାଟି, ପାଣି, ଗଛଲତା ଆଦି ଦେଖିପାରୁନଥିବା ଲୋକମାନେ ଯେତେବେଳେ ସମଜକୁ ସଫାସୁତୁରା ରଖିବାର ସଂଳ୍ପ ନିଅନ୍ତି ତାହା ଅନ୍ୟମାନଙ୍କ ପାଇଁ ଉଦାହଣ ପାଲଟିଯାଏ । ବାଲେଶ୍ବର ବାଲିଆପାଳ ବ୍ଲକ ଅନ୍ତର୍ଗତ ଡଗରା ଗ୍ରାମରେ ଥିବା ମଦର ଟେରେସା ସେବା ସଂଘ ପକ୍ଷରୁ “ସ୍ୱଚ୍ଛତା ହିଁ ସେବା” ଆୱାରନେସ କାର୍ଯ୍ୟକ୍ରମ କରାଯାଇଛି । ଯେଉଁଥିରେ, ଡଗରା ବେଳାଭୂମିକୁ ସଫେଇ କରାଯାଇଥିଲା । ଏହି ସଂସ୍ଥା ତରଫରୁ ହୋଇଥିବା କାର୍ଯ୍ୟକ୍ରମରେ ସ୍କୁଲର ମୁକ-ବଧିର ପିଲାମାନେ ସ୍ୱଚ୍ଛତା ଉପରେ ଗୀତ ଗାଈ ଲୋକଙ୍କୁ ସଚେତନ କରାଇଥିଲେ ।
ଡଗରା ପଞ୍ଚାୟତ ସରପଞ୍ଚ ସତ୍ୟାନନ୍ଦ ମହାନ୍ତିଙ୍କ ସଭାପତିତ୍ୱରେ ମୁଖ୍ୟ ଅଥିତି ଭାବରେ ବାଲିଆପାଳ ଗୋଷ୍ଠି ଉନ୍ନୟନ ଅଧିକାରୀ ବିନୋଦ ଚନ୍ଦ୍ର ପଣ୍ଡା, ଏଇ ଇଂ. ସୋମ୍ୟ ମୁକୁଳ ବାରିକ, ଜେଇ ପ୍ରେମାନନ୍ଦ ଚଇନି ପ୍ରମୁଖ ଯୋଗ ଦେଇଥିଲେ । ପ୍ରଥମେ ସ୍କୁଲ କ୍ୟାମ୍ପସ ପରେ ରାଲେ କରି ଲୋକଙ୍କୁ ଗୀତ ଜରିଆରେ ସଚେତନ କରିବା ସହିତ ଡଗରା ବେଳାଭୂମିରେ ପହଞ୍ଚି ବେଳାଭୂମିକୁ ସଫେଇ କରାଇଥିଲେ ।