କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ନୟାକୋଟ ଥାନା ଅନ୍ତର୍ଗତ କାଦକଳା ଠାରେ ବାଇକ ଦୁର୍ଘଟଣାରେ ବାଇକ ଚାଳକଙ୍କର ମୃତ୍ୟୁ ଘଟିଥିବା ବେଳେ ସାଙ୍ଗରେ ଥିବା ଅନ୍ୟ ୩ଜଣ ଗୁରୁତର ହୋଇ ମେଡିକାଲ ରେ ଭର୍ତ୍ତି ହୋଇଥିବା ଜଣାପଡିଛି। ମୃତକ ବାମେବାରି ଥାନା ସେକ୍ରାଡିହି ଗ୍ରାମର ଲୁଲୁ ମୁଣ୍ଡା ବୋଲି ଜଣାପଡ଼ିଛି। ସୂଚନା ଅନୁସାରେ ଗତକାଲି ସନ୍ଧ୍ୟା ରେ କାଦକଳା ପଟୁ ଲୁହାକଳା ଆଡେ ଏକ ଡିଲକ୍ସ ବାଇକ ରେ ବାମେବାରି ଥାନା ସେକ୍ରାଡିହୀ ଗ୍ରାମର ୪ ଜଣ ଗୋଟିଏ ବାଇକରେ ଯାଉଥିଲେ, କାଦକଳା ନିକଟରେ ଦ୍ରୁତଗତି ରେ ଯାଉଥିବା ବାଇକ ଭାରସ୍ୟମ ହରାଇ ରାସ୍ତା ଉପରେ ୪ ଜଣ ଛିଟିକି ପଡ଼ିଥିଲେ। ତେବେ ଘଟଣା ସ୍ଥଳରେ ହିଁ ବାଇକ ଚାଳକ ଲୁଲୁ ମୁଣ୍ଡା ଙ୍କ ମୃତ୍ୟୁ ହୋଇଛି । ସାଙ୍ଗରେ ଅନ୍ୟ ୩ ଯୁବକ ଗୁରୁତର ହୋଇପଡିଥିଲେ । ଖବର ପାଇ ନୟାକୋଟ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିବା ସହ ଗୁରୁତର ଅବସ୍ଥାରେ ୩ ଯୁବକ ଙ୍କୁ ଉଦ୍ଧାର କରି ବାଂଶପାଳ ମେଡିକାଲ୍ ରେ ଭର୍ତ୍ତି କରିଛି। ୨ ଜଣ ଙ୍କ ଅବସ୍ଥା ସଙ୍କଟାପର୍ନ ଥିବା ଜଣା ପଡିଛି।