ରାଜ୍ୟକୁ ପୁଣି ଫେରିଲା ମାସ୍କ। ରାଜ୍ୟରେ ଆଜି ଜଣେ କୋଭିଡ ଆକ୍ରାନ୍ତ ଚିହ୍ନଟ ହେବା ପରେ ମାସ୍କ ଫେରାଇ ଆଣିଛି ସ୍ବାସ୍ଥ୍ୟ ବିଭାଗ। ଏନେଇ ଏକ ଗାଇଡ ଲାଇନ ମଧ୍ୟ ଜାରି କରିଛି ବିଭାଗ। ସୋସିଆଲ ମିଡିଆ ଏକ୍ସରେ ସୂଚନା ଦିଆଯାଇଛି। ଗାଇଡ ଲାଇନରେ ବୟସ୍କ ତଥା ବହୁବିଧ ରୋଗରେ ଆକ୍ରାନ୍ତ ଥିବା ବ୍ୟକ୍ତିଙ୍କୁ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି। ଜନଗହଳିପୂର୍ଣ୍ଣ ସ୍ଥାନକୁ ଏମାନଙ୍କୁ ନ ଯିବାକୁ କୁହାଯାଇଛି। ଏଥିସହ ବାହାରକୁ ବାହାରିବା ବେଳେ ସବୁବର୍ଗର ଲୋକ ପ୍ରତିଷେଧକ ପାଇଁ ମାସ୍କ ପିନ୍ଧିବାକୁ କୁହାଯାଇଛି। ଆଜି ରାଜ୍ୟରେ ଜଣେ ପଜିଟିଭ ଚିହ୍ନଟ ହେବା ପରେ ସ୍ବାସ୍ଥ୍ୟ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଛି। ନିରାପତା ପାଇଁ ଆଗୁଆ ପଦକ୍ଷେପ ନିଆଯାଇଛି ବିଭାଗ ପକ୍ଷରୁ ବୋଲି ସ୍ବାସ୍ଥ୍ୟ ବିଶେଷଜ୍ଞ ଏହାକୁ ସ୍ବାଗତ କରିଛନ୍ତି। କାରଣ ନୂଆ ଭାରିଆଣ୍ଟ ସଂକ୍ରମଣ ଭୟଙ୍କର ରୂପ ନେଉଛି। ସିଙ୍ଗାପୁରରେ ସଂକ୍ରମଣ ପିକ୍ ଛୁଇଁ ସାରିଲାଣି। ତେଣୁ ଏହି ସଂକ୍ରମଣ ପ୍ରତି ଅବହେଳା ପ୍ରଦର୍ଶନ ଘାତକ ହେବ ବୋଲି ବିଶେଷଜ୍ଞ କହିଛନ୍ତି। ତେଣୁ ଯେଉଁମାନଙ୍କୁ ଥଣ୍ଡା ହେଉଛି, ଧଇଁସଇଁ ହେଉଛନ୍ତି, ନାକରୁ ପାଣି ବୋହୁଛି ସେମାନେ ନିଜର ଟେଷ୍ଟ କରାଇନେବାକୁ କହୁଛନ୍ତି ବିଶେଷଜ୍ଞ। ତେବେ ଏହି ସଂକ୍ରମଣକୁ ନେଇ ସେତେ ଭୟଭୀତ ନ ହେବାକୁ କହିଛନ୍ତି ଡାକ୍ତର ସୂର୍ଯ୍ୟପ୍ରକାଶ ଚୌଧୁରୀ। ସେ ଆହୁରି କହିଛନ୍ତି, ଖ୍ରୀଷ୍ଟମାସ, ନୂଆବର୍ଷ ଆସୁଥିବାରୁ ବହୁବିଧ ରୋଗରେ ପୀଡିତ ତଥା ବୟସ୍କ ଲୋକ ଭିଡଠାରୁ ଦୂରେଇ ରୁହନ୍ତି। ଯେଉଁମାନଙ୍କଠାରେ ଲକ୍ଷଣ ଦେଖାଯାଉଛି, ସେମାନେ ଘରେ ରୁହନ୍ତୁ।
ତେବେ ଦେଶରେ କରୋନା ସଂକ୍ରମଣ ଗତ କିଛି ଦିନରେ ବୃଦ୍ଧି ପାଇବାରେ ଲାଗିଛି। ଗତ ୨୪ ଘଣ୍ଟାରେ ୭୫୨ ମାମଲା ସାମ୍ନାକୁ ଆସିଛି, ଯାହା ଗତ ସାତ ମାସରେ ସବୁଠୁ ଅଧିକ ରହିଛି। ଏଥିସହ ଏହି ସମୟ ମଧ୍ୟରେ ୪ ଜଣଙ୍କ ମୃତ୍ୟୁ ରେକର୍ଡ କରାଯାଇଛି। ସେହିପରି ଗତକାଲି ଦେଶରେ ଜଣଙ୍କର ମୃତ୍ୟୁ ସହ ୩୨୮ ଜଣ ସଂକ୍ରମିତ ହୋଇଥିଲା। ଏହା ପୂର୍ବରୁ ୬ଟି ମୃତ୍ୟୁ ରେକର୍ଡ କରାଯାଇଛି। ବର୍ତ୍ତମାନ ନୂଆ ଭାରିଆଣ୍ଟ ଜେଏନ-ଏକର ସଂକ୍ରମଣତା ଦ୍ରୁତ ଗତିରେ ବଢିଚାଲିଛି। ସେପଟେ ସଂକ୍ରମଣ ପାଇଁ କେରଳ ଓ କର୍ଣ୍ଣାଟକରେ ମାସ୍କକୁ ବାଧ୍ୟତାମୂଳକ କରାଗଲାଣି ।
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me? https://accounts.binance.info/register-person?ref=IXBIAFVY