ଆମ ଜୀବନରେ ଗୁରୁଙ୍କ ଭୂମିକା ବେଶ ଗୁରୁତ୍ବପୂର୍ଣ୍ଣ। ତାଙ୍କର ଅବଦାନ ଆମ ମାନଙ୍କ ଜୀବନରେ ଆଣିଛି ଅନେକ ସଫଳତା । ସେହିଭଳି ଗୁରୁଙ୍କୁ ସମ୍ମାନ ଜଣାଇ ପୁରାତନ ଛାତ୍ର ଛାତ୍ରୀ ପୂଜ୍ୟପୂଜା ମଞ୍ଚ ତରଫରୁ ଚରମ୍ପା ବରାଳ ପୋଖରୀ ଜାନୁମଞ୍ଜ ସାହି ଉଚ୍ଚ ପ୍ରାଥମିକ ବିଦ୍ୟାଳୟରେ ଗୁରୁପୁଜନ ଓ ପ୍ରତିଭା ସମ୍ମାନ ସମାରୋହ ଆୟୋଜିତ କରାଯାଇଛି । ପ୍ରଥମେ ମହାପ୍ରଭୁ ଶ୍ରୀ ଜଗତର ନାଥ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ବଳନ କରି ସଭା କାର୍ଯ୍ୟ ଆରମ୍ଭ ହୋଇଥିଲା ।ପରେ ପିଲା ମାନଙ୍କ ଦ୍ଵାରା ନୃତ୍ୟ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ପଣ୍ଡିତ ସଂଗ୍ରାମ ଆଚାର୍ଯ୍ୟ ଯୋଗଦେଇଥିବା ବେଳେ ଅତିଥି ପରିଚୟ ପ୍ରଦାନ କାରିଥିଲେ ପରେଶ୍ ନାୟକ ଓ ସଭା ପରିଚାଳନା କରିଥିଲେ ଶିକ୍ଷକ ଚନ୍ଦ୍ରଭାନୁ ନାୟକ। ଏହି ଅବସରରେ ବିଭିନ୍ନ ବିଦ୍ୟାଳୟ ରୁ ଆସି ଯୋଗଦେଇଥିବା ଶିକ୍ଷକ ଶିକ୍ଷୟତ୍ରୀ ମାନଙ୍କୁ ସମ୍ମାନିତ କରାଯାଇଥିଲା।
ତେବ ପରୀକ୍ଷାରେ ପ୍ରଥମ ସ୍ଥାନରେ ଉର୍ତିନ ହୋଇଥିବା ଛାତ୍ର ଛାତ୍ରୀ ମାନଙ୍କୁ ମଧ୍ୟ ଚରମ୍ପା ପଞ୍ଚାୟତର ସରପଞ୍ଚ ଜଳେନ୍ଦ୍ର ଶୁକ୍ଳ ପୁରସ୍କୃତ କରିଥିଲେ। ଶେଷରେ ଶ୍ରୀ ଶ୍ରୀ ହନୁମାନ ଜିୟୁ ହାଇସ୍କୁଲ ର ପ୍ରଧାନ ଶିକ୍ଷକ ଲକ୍ଷ୍ମୀଧର ଖଟୁଆ ଧନ୍ୟବାଦ୍ ଅର୍ପଣ କରିଥିବା ବେଳେ ପୂଜ୍ୟପୂଜା ମଞ୍ଚର ସମସ୍ତ ସଦସ୍ୟ ସଭା କାର୍ଯ୍ୟରେ ସହଯୋଗ କରିଥିଲେ । ଏହି ଗୁରୁପୁଜନ ଓ ପ୍ରତିଭା ସମ୍ମାନ ସମାରୋହରେ ଚରମ୍ପା ଅଞ୍ଚଳ ବୁଦ୍ଧିଜୀବୀଙ୍କ ସମେତ ଜାନୁମଞ୍ଜ ସାହି ଉଚ୍ଚ ପ୍ରାଥମିକ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିଲେ।