ଓମଫେଡ୍ ବୁଥ୍ ଓ ଭେଣ୍ଡିଂ ଜୋନ୍ରେ ଗୁଟଖା ବିକ୍ରିକୁ ନେଇ ଭୁବନେଶ୍ୱର ମହାନଗର ନିଗମ (BMC) କଡ଼ା ପଦକ୍ଷପ ନେଇଛନ୍ତି | ରାଜ୍ୟ ସରକାରଙ୍କ ନିର୍ଦେଶ ପରେ BMC ପକ୍ଷରୁ ସ୍ପଷ୍ଟ ଚେତାବନୀ ଦିଆଯାଇଛି ଯେ, ଓମଫେଡ୍ ବୁଥ୍ ସହିତ ସମସ୍ତ ଭେଣ୍ଡିଂ ଜୋନ୍ରେ ଗୁଟଖା ବିକ୍ରି କରିଲେ ସଂପୃକ୍ତ ବ୍ୟବସାୟୀଙ୍କ ଲାଇସେନ୍ସ ବାତିଲ କରାଯିବ |
BMC ସୂତ୍ରରୁ ମିଳିଥିବା ଖବର ଅନୁଯାୟୀ, ଏହି ନିଷେଧାଦେଶ କେବଳ କାଗଜରେ ସୀମିତ ରହିବ ନାହିଁ, ବରଂ ଆଗାମୀ ଦିନରେ ଗୁଟଖା ଏନଫୋର୍ସମେଣ୍ଟ ଡ୍ରାଇଭ୍କୁ ଅଧିକ ଜୋରଦାର କରାଯିବ | ଏନେଇ BMC ସାଧାରଣ ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଛି | ଯଦି କୌଣସି ଏଜେନ୍ସି ଗୁଟଖା ସମ୍ପର୍କିତ ପ୍ରଚାର ହୋର୍ଡିଂ, ବ୍ୟାନର କିମ୍ବା ବିଜ୍ଞାପନ ଲଗାଏ, ତେବେ ସେମାନଙ୍କଠାରୁ କଡ଼ା ଜୋରିମାନା ଆଦାୟ କରାଯିବ ବୋଲି BMC ପକ୍ଷରୁ ସୂଚନା ମିଳିଛି |
ସାଧାରଣ ଲୋକଙ୍କ ସ୍ୱାସ୍ଥ୍ୟ ସୁରକ୍ଷା ଓ ସହରକୁ ଗୁଟଖାମୁକ୍ତ କରିବା ଲକ୍ଷ୍ୟରେ BMC ଏହି ପଦକ୍ଷେପ ଗ୍ରହଣ କରିଥିବା ବେଳେ, ଆଗାମୀ ଦିନରେ ନିୟମ ଉଲ୍ଲଂଘନକାରୀଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ଦେଖିବାକୁ ମିଳିବ ବୋଲି ସ୍ପଷ୍ଟ କରାଯଇଛି |