ଟାଙ୍ଗୀ ପୋଲିସ ଆଜି ୨୦ କେଜି ୧୦୦ ଗ୍ରାମ ଗଂଜେଇ ଜବତ କରିଛି । ସେମାନେ ବ୍ୟବହାର କରୁଥିବା ୨ ଟି ବାଇକ୍ କୁ ନିଜ ହେପାଜତକୁ ନେଇଛି । ସବ୍ ଇନ୍ସପେକ୍ଟର ସୁଜାତା ପଲେଇଙ୍କ ନେତୃତ୍ବରେ ଟାଂଗୀ ଥାନା ଅଧିନ ୧୬ ନମ୍ବର ଜାତୀୟ ରାଜପଥର ଚଣ୍ଡେଶ୍ଵର ଛକ ନିକଟରେ ଯାନବାହାନ ଯାଂଚ କରୁଥିବାବେଳେ ଜଣେ ଗଂଜେଇ ବେପାରୀଙ୍କୁ କାବୁ କରିଥିଲା ପୋଲିସ ।
ସୂଚନାନୁଯାୟୀ ଗଂଜାମ ଜିଲ୍ଲା ଆସ୍କା ଟାଉନଥାନା ଧୋବାବଦ୍ଧ ଆପାର୍ଟମେଣ୍ଟରେ ରହୁଥିବା କୃଷ୍ଣ ପ୍ରସାଦ ପ୍ରହରାଜ ବାଇକ୍ ଯୋଗେ ପଲିଥିନ ବ୍ୟାଗ ରେ ଏହି ଗଂଜେଇ ନେଉଥିଲେ । ସେ ଟାଂଗୀ ଥାନା ଅଧିନସ୍ଥ ସୁନ୍ଦରପୁର ଗ୍ରାମର ପ୍ରଫୁଲ୍ଲ ରାଉତଙ୍କୁ ଏହି ଗଂଜେଇ ଦେବାକୁ ଆଣିଥିଲେ, ଏବଂ ପରେ ସେ ନିଜ ଦୋଷ ସ୍ବୀକାର କରିଥିଲେ ।
ଟାଂଗୀ ଥାନା ପୋଲିସ ପରେ ସୁନ୍ଦରପୁର ର ପ୍ରଫୁଲ୍ଲ ରାଉତ ଙ୍କୁ ମଧ୍ୟ ଗିରଫ କରି ସେମାନଙ୍କ ନାମରେ ଟାଂଗୀ ଥାନା ରେ କେସ୍ ନମ୍ବର ୬୩୫/୨୩ ରେ ମାମଲା ରୁଜୁ କରି ସେମାନଙ୍କୁ କୋର୍ଟ ଚାଲାଣ କରିଛି । ୨୦ କେଜି ୧୦୦ ଗ୍ରାମ ଗଂଜେଇ ଓ କଳା ରଙ୍ଗର ହିରୋହୁଣ୍ଡା, ବ୍ଳାକ୍ ହୋଣ୍ଡା ଆଚିଭର୍ ସହିତ ୧ ଲକ୍ଷ୍ୟ ୩୫ ହଜାର ଟଙ୍କା ଜବତ କରା ଯାଇଥିବା ଟାଂଗୀ ଥାନା ଅଧିକାରୀ ସୁଶାନ୍ତ କୁମାର ବେହେରା ସୂଚନା ଦେଇଛନ୍ତି ।