ଏକ ପରିତ୍ୟକ୍ତ କୂଅରେ ଖସିଲେ ୧୫ରୁ ଉର୍ଦ୍ଧ୍ବ ଜଙ୍ଗଲୀ ବାରହା । ଯାହାକୁ ଦେଖିବା ପାଇଁ ରୁଣ୍ଡ ହୋଇଛନ୍ତି ବହୂ ସଂଖ୍ୟାରେ ଲୋକ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଜୁଙ୍ଗା ଗ୍ରାମ ପଞ୍ଚାୟତ ଅନ୍ତର୍ଗତ ଭଗାମୁଣ୍ଡା କିସାନ ସାହିରେ । ସେଠାରେ ଥିବା ଏକ ପରିତ୍ୟକ୍ତ କୂଅକୁ ଖସିପଡ଼ିଲେ ୧୫ରୁ ଉର୍ଦ୍ଧ୍ବ ଜଙ୍ଗଲୀ ବାରହା ।
ଗତକାଲି ରାତିରେ ନିକଟସ୍ଥ ଜଙ୍ଗଲରୁ ଏହି ବାରହା ମାନେ ଖାଦ୍ୟ ଅନ୍ୱେଷଣରେ ଆସି ଗାଁ ନିକଟରେ ଥିବା ଏକ ୨୦ ଫୁଟ୍ ଗଭୀର କୂଅରେ ଖସି ପଡ଼ିଥିଲେ । ଆଜି ସକାଳୁ ଏହାକୁ ଦେଖି ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ । ଏହାପରେ ବନ ବିଭାଗ ଘଟଣା ସ୍ଥଳରେ ପହଞ୍ଚି ଜେସିବି ସାହାଯ୍ୟରେ ବାରହା ଗୁଡିକୁ ଉଦ୍ଧାର କରିଛି । ତେବେ ଉଦ୍ଧାର ହୋଇଥିବା ବାରହା ଗୁଡିକୁ ପୁନଶ୍ଚ ଜଙ୍ଗଲରେ ଛାଡିଦିଆଯିବ ବୋଲି ସୂଚନ ମିଳିଛି ।