ବାହାନଗା ରେଳ ଦୁର୍ଘଟଣାର ପ୍ରକୃତ ଦୋଷୀ କିଏ । ଘଟଣାର ଖୋଳତାଡ଼ ଜାରି ରଖିଛି CBI ଟିମ୍ । ଶହ ଶହ ଯାତ୍ରୀଙ୍କ ମୃତ୍ୟୁ ପରେ କାରଣ ଖୋଜୁଛି CBI ।
ଜୁନ୍ ୨ ତାରିଖରେ ବାହାନଗା ଷ୍ଟେସନ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା କରମଣ୍ଡଳ ଏକ୍ସପ୍ରେସ । ତେବେ ଏଥିପାଇଁ ଦାୟୀ କିଏ । କିଏ ପ୍ରକୃତ ଦୋଷୀ । ପ୍ରକୃତ କାରଣ କଣ ସେ ନେଇ ତଦନ୍ତ ଜାରି ରଖିଛି CBI ଟିମ୍ । ସେ ଦିନ ବାହାନଗା ସିଗ୍ନାଲ ଦାୟିତ୍ୱରେ ଥିଲେ ରେଲୱେ ସେକ୍ସନ ଜେଇ ଅମିର ଖାନ । ସେଥିପାଇଁ ତାଙ୍କ ଘରେ ଖୋଳତାଡ଼ କରିଛି CBI ।
ସୋର କମରପୁର ଠାରେ ଥିବା ଭଡ଼ା ଘରେ ଅମିର ଖାନଙ୍କୁ ୬ ଘଣ୍ଟା ପଚରାଉଚୁରା କରିଛି ଟିମ୍ । ଏଥିସହ ଘରେ ଥିବା କାଗଜପତ୍ର ଅନ୍ୟାନ୍ୟ ଦସ୍ତାବିଜ ମଧ୍ୟ ଯାଞ୍ଚ ହୋଇଛି । ଘର ସିଲ୍ କରିବା ସହ ଘଟଣାର ତଦନ୍ତ ଜାରି ରଖିଛି CBI ଟିମ୍ । ତେବେ ତଦନ୍ତ ନେଇ କୌଣସି ତଥ୍ୟ ମିଡିଆ ଆଗରେ ପ୍ରକାଶ କରିନାହାଁନ୍ତି ଅଧିକାରୀ ।
ବାହାନଗା ଟ୍ରେନ୍ ଦୁର୍ଘଟଣାରେ ମୃତ୍ୟୁ ସଂଖ୍ୟା ୨୯୨କୁ ବୃଦ୍ଧି ପାଇଛି । ଘଟଣାରେ ୧୨ ଶହରୁ ଅଧିକ ଲୋକ ଆହତ ହୋଇଥିବା ବେଳେ ଏବେ ବି କିଛି ଲୋକ ଚିକିତ୍ସିତ ହେଉଛନ୍ତି ।