ବ୍ରିଜ ଛାତ ତଳୁ ମିଳିଲା ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ । ସୁବର୍ଣ୍ଣପୁର ଜିଲ୍ଲା ତରଭା ଥାନା ଅନ୍ତର୍ଗତ ଦେଉଳପଦର ବ୍ରିଜ ଠାରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ଦେଉଳପଦର ରୁ ପୁଆକୁ ସଂଯୋଗ କରୁଥିବା ବ୍ରିିଜ ଗାଡର ଭିତରେ ଜଣେ ଅଜଣା ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ପଡିଥିବା ଦେଖିବାକୁ ମିଲିଥିଲା ।
ବ୍ରିଜ ତଳେ ରହିଥିବା ଶୁଡଙ୍ଗ ଭିତରକୁ ପଶି କିଛି ପିଲା ଚଢେଇ ଧରିବାକୁ ଯାଇଥିବାବେଳେ ସେମାନେ ମହିଳାଙ୍କ ମୃତଦେହକୁ ଠାବ କରିଥିଲେ । ଏନେଇ ସ୍ଥାନୀୟ ପୋଲିସକୁ ଖବର ଦେବାପରେ ପୋଲିସ ଘଟଣାସ୍ଥଳରେ ପହଂଚିଥିବା ଜଣାପଡିଛି ।
ତେବେ ସାଇଂଟିଫିକ ଟିମ ସାହାର୍ଯ୍ୟରେ ପୋଲିସ ତଦନ୍ତ କରିବାନେଇ ଜଣାପଡିଥିବାବେଳେ ମୃତକଙ୍କ ସମ୍ପର୍କରେ ଏଯାଏଁ କିଛି ଜଣାପଡିନାହିଁ । ମହିଳାଙ୍କୁ ହତ୍ୟାପରେ ତଥ୍ୟ ଲୁଚାଇବାକୁ ଦୁର୍ବୁର୍ତମାନେ ଏଭଳି କରିଥିବା ସନ୍ଦେହ କରାଯାଉଛି