ଅମାନିଆ ଠିକା ସଂସ୍ଥା ନା ଦାବି ଶୁଣୁଛି ନା ଠିକ୍ ରେ କାମ କରୁଛି । ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ୍ ଅନ୍ତର୍ଗତ ଗାୟାଗଣ୍ଡା ଗ୍ରାମ ପଞ୍ଚାୟତରେ ମନମାନି ଚାଲିଥିବା ଅଭିଯୋଗ ହୋଇଛି । ଟିକେ ଭଲଭାବରେ ନଜର ପକାନ୍ତୁ ଏ ଦୃଶ୍ଯ ଉପରେ ରାସ୍ତାର ଅବସ୍ତା ଏପରି ଯେ ଏଠି ପାଦ ବଢ଼େଇ ଆଗକୁ ଚାଲିବା କଷ୍ଟକର ,ଆଉ ସବୁଠୁ ବଡ କଥା ହେଲା ରୋଗୀଙ୍କୁ ଏହି ରାସ୍ତାରେ ନେଇ ମେ଼ଡିକାଲରେ ପହଞ୍ଚାଇବା କଥା ନକହିବା ଭଲ । ଗାଆଁ ଭିତରକୁ ଆମ୍ବୁଲାନ୍ସ ଆସିପରୁନଥିବା ବେଳେ ଘର ପାଖରୁ ଦୋଳା ସାହାର୍ଯ୍ୟରେ ମୂଖ୍ୟ ରାସ୍ତାକୁ ରୋଗୀକୁ ବୋହିଆଣନ୍ତି ଲୋକେ । ତେବେ ମାଟି ରାସ୍ତା ଟିଏ ଯେନତେନ ପ୍ରକାରେ ଯିବା ଆସିବାର ମାଧ୍ୟମ ହେଉଥିବା ବେଳେ ବର୍ତମାନ ରାସ୍ତାକୁ ପୁରା ବେହାଲ୍ କରିଦେଇଛି ଠିକା ସଂସ୍ଥା ।
ସୂଚନା ପ୍ରକାରେ ପଞ୍ଚାୟତର ମୁଖ୍ୟ ରାସ୍ତା ଠାରୁ ନୀଳବେହେରା ସାହିକୁ ଆର୍ଥିକ ବର୍ଷ ୨୦୧୯-୨୦ ରେ ପାଞ୍ଚ ଲକ୍ଷ ଟଙ୍କାରେ ନିର୍ମିତ ମାଟି ମୁରୁମ୍ ରାସ୍ତା ଟିଏ ହୋଇଥିଲା । କିନ୍ତୁ ଅଞ୍ଚଳରେ ଏକ ମେଗା ପ୍ରକଳ୍ପ ଚାଲିବା ଫଳରେ କମ୍ପାନୀର ଭାରିଯାନ ଯିବା ଆସିବା କରି ରାସ୍ତା ନଷ୍ଟ କରୁଥିବା ଦେଖିବାକୁ ମିଳିଛି । ସ୍ଥାନୀୟ ଗ୍ରାମବାସୀ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳିନାହିଁ । ତେବେ ଗ୍ରାମ ବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେବାରୁ ପକ୍କା ରାସ୍ତା କରିବାକୁ ଦାବି କରିବା ସହ ରାସ୍ତା ରୁ ଏଲ୍ ଏଣ୍ଡ ଟି ପ୍ରକଳ୍ପ ହଟାଇବାକୁ ଦାବି କରିଛନ୍ତି ।