ଚୋରା କାଠ ବୋଝେଇ ଗାଡି ଜବତ

କେନ୍ଦୁଝର ଜିଲ୍ଲା ଚମ୍ପୁଆ ବନ ବିଭାଗ ଆଜି ଚମ୍ପୁଆ ତହସିଲ କାର୍ଯ୍ୟାଳୟ ନିକଟରେ ଏକ ପଟା ବୋଝେଇ ଟାଟା ମେଜିକ୍ ଗାଡ଼ି ଜବତ କରିଛି। ଝାଡ଼ଖଣ୍ଡର ରାମତୀର୍ଥ ଅଞ୍ଚଳରୁ କାଠ ପଟା ନେଇ ଚମ୍ପୁଆ ଅଞ୍ଚଳକୁ ଆସୁଥିବା ବେଳେ କୌଣସି ସୂତ୍ରରୁ ଖବର ପାଇ ଚମ୍ପୁଆ ରେଞ୍ଜର ଅକ୍ଷୟ ଛତ୍ରୀୟାଙ୍କ ନିର୍ଦ୍ଦେଶକ୍ରମେ ବନ ବିଭାଗ ସଦଳବଳେ ଚମ୍ପୁଆ ତହସିଲ କାର୍ଯ୍ୟାଳୟ ସମ୍ମୁଖରେ ଚଢାଉ କରିଥିଲେ । ଚଢାଉ ବେଳେ ଜବତ ହୋଇଥିବା ଟାଟା ଏସି ଗାଡ଼ିରୁ ୫୧ ଖଣ୍ଡ କାଠ ପଟା ବୋଝେଇ ହୋଇଥିବା ଦେଖିବାକୁ ମିଳିଥିଲା । ହେଲେ କୌଣସି ପ୍ରକାରେ ସୁଯୋଗ ଦେଖି ଗାଡ଼ି ଡ଼୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି । ବନ ବିଭାଗ ଏନେଇ ଏକ ମାମଲା ରୁଜୁ କରିଥିବା ବେଳେ ଗାଡ଼ିରୁ ଜବତ ପଟା ଗୁଡ଼ିକର ଆନୁମାନିକ ମୂଲ୍ୟ ୫୦ ହଜାରରୁ ଅଧିକ ଟଙ୍କା ହେବ ବୋଲି ଅନୁମାନ କରାଯାଉଛି ।

One thought on “ଚୋରା କାଠ ବୋଝେଇ ଗାଡି ଜବତ

Leave a Reply

Your email address will not be published. Required fields are marked *