ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ ଖେଳାଯାଉଛି। ଟିମ୍ ଇଣ୍ଡିଆ ଏହି ସିରିଜର ପ୍ରଥମ ମ୍ୟାଚ୍ ୭ ୱିକେଟରେ ଜିତି ସିରିଜର ୧-୦ରେ ଆଗୁଆ ରହିଛି । ମ୍ୟାଚ୍ରେ ଟିମ୍ ଇଣ୍ଡିଆ ପକ୍ଷରୁ ବରୁଣ ଚକ୍ରବର୍ତ୍ତୀ ତିନୋଟି ୱିକେଟ ନେଇଥିଲେ। ଭାରତୀୟ ସ୍ପିନର ବରୁଣ ଚକ୍ରବର୍ତ୍ତୀଙ୍କ ଚମତ୍କାର ପ୍ରତ୍ୟାବର୍ତ୍ତନ। ସେ ଶୁକ୍ରବାର ଦିନ କହିଥିଲେ ଯେ ସୟଦ ମୁସ୍ତାକ ଅଲି ଟ୍ରଫିର ସ୍ତର ଆଇପିଏଲ ସହିତ ସମାନ ଏବଂ କ୍ରିକେଟରମାନେ ଟି-୨୦ ଫର୍ମାଟରେ ସେମାନଙ୍କର ଖେଳକୁ ଉନ୍ନତ କରିବା ପାଇଁ ଏହି ଘରୋଇ ଟୁର୍ଣ୍ଣାମେଣ୍ଟ ଖେଳିବା ଉଚିତ। କୋଲକାତାରେ ଇଂଲଣ୍ଡ ବିପକ୍ଷରେ ପ୍ରଥମ ଟି-୨୦ରେ ଭାରତର ବିଜୟରେ ଚକ୍ରବର୍ତ୍ତୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ଥିଲା ।
କଣ କହିଲେ ଚକ୍ରବର୍ତ୍ତୀ?
ଦ୍ୱିତୀୟ ମ୍ୟାଚ୍ ପୂର୍ବରୁ ସାମ୍ବାଦିକ ସମ୍ମିଳନୀରେ ଚକ୍ରବର୍ତ୍ତୀ କହିଥିଲେ ଯେ ଘରୋଇ କ୍ରିକେଟର ସ୍ତର ବହୁତ ଉଚ୍ଚ। ମୁଁ କହିବି ଯେ ଏହା ଆଇପିଏଲ ଏବଂ ଅନ୍ତର୍ଜାତୀୟ କ୍ରିକେଟ ସହିତ ସମାନ। ମୁଁ ସମସ୍ତଙ୍କୁ ସୟଦ ମୁସ୍ତାକ ଅଲି ଟ୍ରଫି ଖେଳିବାକୁ ପରାମର୍ଶ ଦେବି କାରଣ ଆମେ ଛୋଟ ପଡ଼ିଆରେ ଖେଳୁ, ଯାହା ବହୁତ ଚ୍ୟାଲେଞ୍ଜିଂ। ଚକ୍ରବର୍ତ୍ତୀ ଏହା ମଧ୍ୟ କହିଛନ୍ତି ଯେ ସୟଦ ମୁସ୍ତାକ ଅଲି ଟ୍ରଫି ତାଙ୍କ ପାଇଁ ବହୁତ କଷ୍ଟକର, କିନ୍ତୁ ଏହି ଟୁର୍ଣ୍ଣାମେଣ୍ଟରେ ଖେଳି ତାଙ୍କ ପ୍ରଦର୍ଶନରେ ଉନ୍ନତି ଆସିଛି। ଏହି ସିଜିନରେ, ସେ ବିଜୟ ହଜାରେ ଟ୍ରଫିରେ ୧୮ ଟି ଏବଂ ସୟଦ ମୁସ୍ତାକ ଅଲି ଟ୍ରଫିରେ ସାତଟି ମ୍ୟାଚ୍ରେ ନଅଟି ୱିକେଟ୍ ନେଇଛନ୍ତି।
ଚକ୍ରବର୍ତ୍ତୀ ଜଣାଇଲେ ନିଜ ପ୍ଲାନ
ଟି-୨୦ କ୍ରିକେଟରେ ନିଜର ପ୍ରସ୍ତୁତି ବିଷୟରେ କହିବାକୁ ଗଲେ, ଚକ୍ରବର୍ତ୍ତୀ କହିଛନ୍ତି, “ପ୍ରଥମେ ମୁଁ ବ୍ୟାଟସମ୍ୟାନଙ୍କ ଭିଡିଓ ଦେଖେ ଯେ ସେମାନେ ଆରମ୍ଭରେ କିପରି ସଟ୍ ଖେଳନ୍ତି ଏବଂ ପରେ କ’ଣ କରନ୍ତି। ସେମାନେ କେଉଁ ନୂଆ ସଟ୍ ଖେଳୁଛନ୍ତି ତାହା ମଧ୍ୟ ମୁଁ ବିଶ୍ଳେଷଣ କରେ। ସେ କହିଥିଲେ ଯେ ପିଚ୍କୁ ମନରେ ରଖି, କିଛି ସଟ୍ କାମ କରେ, କିଛି କାମ କରେ ନାହିଁ। ମୁଁ ଏସବୁ କଥାକୁ ମନେ ରଖି ନିଜକୁ ପ୍ରସ୍ତୁତ କରେ।