କେନ୍ଦ୍ରାପଡ଼ା ମାର୍ଶାଘାଈ ବ୍ଲକ କୁଦାନଗରୀ ଥାନା ଗଉଡଗାଁ ଗ୍ରାମରେ ଘଟିଛି ଏକ ଅଭବନୀୟ ଘଟଣା । ବାପାର ଟାଙ୍ଗିଆ ଚୋଟରେ ୩ ଜଣ ଗୁରୁତର । ପରିବାର ମଧ୍ୟରେ କୌଣସି କଥାକୁ ନେଇ ଝଗଡା ହୋଇଥିଲା | ଏଥିରେ ରମେଶ ମହାନ୍ତି ଉତକ୍ଷିପ୍ତ ହୋଇ ନିଜ ଝିଅ, ଭଣଜା ଓ ପତ୍ନୀଙ୍କୁ ଟାଙ୍ଗିଆ ରେ ଆକ୍ରମଣ କରିଛନ୍ତି | ଆହାତ ୩ ଜଣଙ୍କର ବେକ ମୁଣ୍ଡରେ ଗଭୀର ଆଘାତ ଲାଗିଛି । ଖବରପାଇ ସ୍ଥାନୀୟ ଲୋକେ ପ୍ରଥମେ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିଲେ । ପରେ ଅବସ୍ଥା ଗୁରୁତର ହେବାରୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
ଅଭିଯୁକ୍ତ ଘଟଣା ସ୍ଥଳରୁ ଫେରାର ହୋଇଯାଇଛି । କୁଦାନଗରୀ ପୋଲିସ ଖବରପାଇ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ତେବେ ନିଶାସକ୍ତ ଅବସ୍ଥାରେ ରମେଶ ଏଭଳି କରିଥିବା ସମ୍ପର୍କୀୟ ଅଭିଯୋଗ କରିଛନ୍ତି |